الموضوع: لمحبى اوبل كورسا رجاء مساعدتكم

السلام عليكم ورحمة الله وبركاته

بفكر اشترى اوبل كورسا ;) موديل 90`s

لكن عندى شوية استفسارات وياريت تشرفونى بردكم


معرفش هل كل السنين زى بعضها ولا بتفرق فى بعض الاوبشنز او الموتور ؟

انا خبرتى تكاد تكون صفر فى العربيات علشان كده عايز عربيه ادور وامشى مش كل يوم مشكله واتنطط فيها عند الميكانيكيه اى نعم اى عربيه بتعطل وتتصلح لكن اقصد مش كل اسبوع

كنت خايف الاول من انطباع الالمانى ان قطع الغيار غاليه ومش اى حد يشتغل فيها بس اتطمنت لما قريت ردود ناس هنا طمنتنى بس مش نفس الموديل الكورسا فياريت تعليق اللى عنده اوبل كورسا يفيدنى فى الموضوع ده

مناسبه للسفر وتستحمل وكده وبالنسبه بتاخد بنزين 80 عادى ؟ ولا ؟؟؟؟

اهم حاجه رانج السعر اليومين دوول وسط تخبط الاسعار العجيب والغريب والمريب هههههه

فياريت لو حد اشترى او باع قريب او عارض عربيته يقولى موديل السنه وحالة العربيه والسعر اللى باع بيه او اشترى

انا متواجد بالمنصوره لو حد من هنا بيفكر يبيع او يشترى يرد فى كومنت

لكم جزيل الشكر وتحيه منى ليكم جميعا