الموضوع: موتور الميجان

معايا 2006 وابويا معاه 2009 ،،، عربيتي بحس انها افضل علي الطريق وبجيب بعربيتي في العداد اكتر من ال 2009 وصوت الموتور عندي اهدي بكتير

يااااه...يعني فعلا الموتور في 2009 اضعف
طب قولي يابو حميد العربية عاملة معاك ايه....وليه الناس بتشتكي من ال2006 وبيقولوا فيها مشاكل في الفتيس وبتاع...ياريت تفيدنا
شكرا

ده كلام ناس مش فاهمة وبتتكلم عن سمع ..... انا عن تجربه والله العظيم فتيس ال 2006 انعم من 2009 بمراحل والكلام ده عن تجربه والناس ال بتشتكي من فتيس ال 2005 او 2006 للعلم فقط الموديلين دول اكتر مودلين اتباعوا في الميجان ... وفي ناس بتشتري مستعمل عربيات طالع عين امها وصاحبعا مابيهتمش بيها فاطبعاً بتفتح بقها وصاحبها يقولك الميجان فتيسها وحش

من اهم عيوب الميجان 2005 - 2006 هي اليو بي سي والدفيره الخاصه بالكهرباء بالكامل من الاخر بتتحرق بسرعه بسبب حسب ما سمعت من ناس خبره في الرينو في التوكيل بيقولو مكنها غلط معرضة لدرجة حراره واتربه ومياه وتم تعديل مكانها ووضعها من بداية ال 2007 والله اعلم

المشاركة الأصلية كتبت بواسطة محمد عفيفي

من اهم عيوب الميجان 2005 - 2006 هي اليو بي سي والدفيره الخاصه بالكهرباء بالكامل من الاخر بتتحرق بسرعه بسبب حسب ما سمعت من ناس خبره في الرينو في التوكيل بيقولو مكنها غلط معرضة لدرجة حراره واتربه ومياه وتم تعديل مكانها ووضعها من بداية ال 2007 والله اعلم

حضرتك هو العيب مش في الدفيره .. العيب في الفيشه الأخيره ممكن تسيح لو حملت عليها حجات زياده زي مالناس بتعمل زي الزينون والكلاكس الزياده واي شئ زيادة عن كهربة العربية وحل الموضوع ده انك بتركب كات اوت ومابيكلفكش 100 جنيه

يا جماعه مكنه 2006 و 2009 هما واحد مفيش اختلاف وكذلك الفتيس الفرق ف ايه ؟؟؟
الفرق فى ضغوط الفتيس
يعنى فتيس 2006 الضغوط بتاعته مش محكومه كويس و مش مقفوله زى بتاعت 2007 وانتا طالع علشان كدا معظم الناس الى بتكلم على ضغوط الفتيس وشنابر ديل الفتيس هم اصحاب الموديلات 2005 و 2006 ونادرا لما تلاقى واحد معاة 2007 فيما بعد بيشتكى من شنابر ديل الفتيس
وهتلاقى 2005و 2006 سحبها اقوى و بتجيب سرعه اكبير من 2007 فيما فوق لانهم قفلوا الضغوط بتاعت 2007 فيما فوق واتحكموا فيها اكتر من الاول لتلافى مشكله تلف شنابر ديل الفتيس

يا جماعة ردود كويسة جدا ومفيدة وانا متابع
ولي سؤال تاني ....انا قرات اعلان بيقول ملحق 2006 وبين قوسين شكل 2007...يعني ايه ملحق 2006
وشكرا