لو سمحتو عندى استفسار عن تكييف اوبل كورسا

**ms.sheta** · 30-08-2014 12:38 PM

صباح الخير

لوسمحتوا بسأل عن سربنتينا تكييف لكورسا 2003 ممكن اشترى الاستيراد منين و سعرها كام ولا الافضل اشتريها جديد وسعرها كام ..

وبسأل عن افضل سماعات لان السماعات بتووش ومش عارفه كده العيب فى السماعات ولا الكاسيت كمان .
متشكره جدا وفى انتظار الرد

**SimplyM** · 31-08-2014 11:46 AM

حضرتك السربنتينه عند بتوع الاستيراد ... و دول فى وكاله البلح فى وسط البلد او فى فيصل مريوطيه لو حضرتك قرب الجيزه و فيه فى الحرفيين لو قريبه من حضرتك

انا بتعامل مع محمد سوسو فى المريوطيه ... ديه نمرة تليفون المحل (حسين): 01225395280

اعتقد السربنتينه هتبقى من 350 ل 500

السماعات ... مش بفهم اوى .. بس لو بتوش عند تعلية الصوت مع كل الاغانى يبقى غالبا اتشرخت ... حضرتك جربى باغنيه من سى دى اصلى عشان تكون مضمونه ... فيه حاجات كتير مضروبه فى السوق الايام ديه فمش عارف افتى ايه الاحسن ...

**ms.sheta** · 01-09-2014 12:56 AM

متشكره جدا على الرد

**احمد فهمى** · 01-09-2014 01:47 AM

لو لاقيت الفرق مش كبير بين السربنتينه الاسنيراد والجديد اشتري جديد والسماعات هتجيب نفس المقاس سونى او جي بي ال كلو زي بعض مش فرق كبير

**SimplyM** · 03-09-2014 11:53 PM

المضروب مالى السوق فالمهم المكان إللى حضرتك هتشتشرى منه يكون له سمعه يخاف عليها حتى لو فيه فرق سعر

**damasry** · 04-09-2014 12:16 AM

السربنتينة جديدة جبتها ب600 جنيه صينى من سنتين.

ممكن تتصلى تسألى عليها جديدة عند امريكان ستار فى وسط البلد 01220826913 صبحى

سماعات الابواب لازم الاصلية لأن ليها مقاس معين عشان تركب على الفريم بتاعها فى الباب.

ممكن تجيبى سماعات الفيكترا بتاعة الابواب وتركبيها عندك ها تركب وصوتها كويس والسماعة بتعمل 70 جنيه والتويتر ب20 جنيه على ما اتذكر من عند هانى العايدى فى الحرفيين.

السماعات الخلفية انا غيرتها بسماعات كينوود وغيرت الكاسيت بردو اول ما جبت العربية زيرو.