الموضوع: تقييمي للbyd f0 بعد 4 شهور

feen el ba2ai

السلام عليكم و رحمة الله و بركاته

حبيت أشارككم تجربتي مع العربية الBYD F0 و اللي بدأت تنتشر على خفيف في مصر...

خليني الأول أقسم التقييم ل 3 أقسام رئيسية...

1- تقييم العربية
2- تقييم الوكيل
3- تقييم تجربة حادثة بالعربية و تغيير بعض الأجزاء الميكانيكية في السيارة في التوكيل تبع التأمين


-------------------------------

1- العربية :

- أول شهر كان تليين و كنت بمشي على سرعات لا تتعدى ال60 -70
- الدركسيون خفيف جدا...سواء ماشي أو واقف...سواء العربية سخنة أو باردة
- الفتيس بعد كل صيانة بيكون ملبن :)...بجد بحس انه عجينة من سلاسته و نعومته...بعد فترة حوالي شهرين من آخر صيانة بدأت أحس بخشونة شوية في النقل...لكن ده بس في الأول...بقيت النقلات خفيفة جدا....و الخشونة بتروح بعد كل صيانة لمدة شهر شهر و نص...أظن ده عشان تزويد زيت الفتيس و أظن برضه ان الزيت رديء (لكن مجبر أخاك لا بطل عشان الضمان ما يروحش)...
- التابلوه ممتاز...مساحات تخزين ممتازة في التابلوه و ان كان ينقصها ضرفة تتقفل على التابلوه اللي ادام الراكب الأمامي...توزيع الزراير جيد جدا...الكاسيت صوته عالي و ممتاز...السي دي شغال تمام (جربته أوديو فقط و ما اعرفش يشغل mp3 و لا لأ )...ال aux رائع و بشغل من على الموبايل كل حاجة...التقفيل ممتاز...زراير الزجاج في المنتصف زي أغلب العربيات الأوروبي...
- الدواسات ناعمة ومشوارها معقول
- الفرامل جيدة (ما أظنش انها abs) و لكن تقييمي ليها انها جيدة و بفضل الله انقذتني في مواقف كتير بعد ستر ربنا
- زراير الكلكس اختراااااااااااااااع...أسه� �� � 100 مرة من كلكس المنتصف...بجد ممتاز
- العداد شكله شيك جدا و مختلف...ينقصه بس انهم يوفروا في التوكيل عداد ال rpm عشان مهم جدا ...بقية العدادات ممتازة...الكمبيوتر بتاع العربية بيوضحلك أي مشكلة تحصل...حتى مدة التسخين و ان العربية محتاجة تتسخن بيقولك...
- العفشة ناشفة شوية...محتاج تريح الكاوتش سنة صغيرة عشان ما تتعبش ظهرك
- فرش العربية غامق و يستحمل و مش محتاج تعمل فرش جديد
- جيوب الأبواب كبيرة و كافية تحط فيها اي حاجة
- المساحة الداخلية للأفراد أكتر من ممتازة...بيركب فيها 5 أفراد بسهولة (ال3 اللي ورا يفضل يبقوا رفيعين شوية...هي مش شيروكي يعني :) )...
- العربية التسارع بتاعها كويس...و بتسحب حلو...أهم حاجة خليك في بنزين 92 من بنزينة نضيفة (بلاش التعاون الله يرضى عليك )
- صوت العربية عالي شوية...بس تحليلي للموضوع ده ان الزيت اللي بيحطوه رديء (موبيل)
- التكييف حلو جدا بليل (ما يزيدش عن واحد)...و بالنهار غالبا هاتخليه على اتنين أو تلاتة عشان الحر...مش بجيبه على 4 غير لما اكون سايب العربية في الشمس فترة كبيرة و عايز العربية تبرد بسرعة
- الكشافات قوية جدا...و الفوجات ممتازة
- استهلاك البنزين اللتر بيعمل حوالي 12 كيلو بالتكييف


تقييمي العام للعربية 8.5/10




---------------------------------------
2- تقييم التوكيل :
- كان اول تعامل لي مع التوكيل في صيانة ال 1000 كم...فرع القطامية...التجربة كانت سلسلة و ما دفعتش غير 171 جنيه ..غيرو زيت و مياه و ادوني بقية علبة الزيت و بقية جركن المياه الخضراء...و عملوا فحص للحاجات الأساسية في العربية (زيت فتيس - زيت فرامل - الخ...)
- العيب الوحيد في الصيانات الوقت...بتاخد وقت كبير شوية...يعني ممكن تقع 4-5 ساعات حسب دورك...كل ما تروح بدري كل ما يكون أحسن
- فيه ميزة عملوها في فرع القطامية انهم خلو العمل من 9 ص إلى 9 م و ده طبعا مناسب جدا لأغلب الناس اللي عندها أشغال الصبح
-صيانة ال5000 عملت حوالي 270 جنيه

تقييمي العام للتوكيل في الصيانة الدورية 7/10


-------------------------
3- تقييم تجربة حادثة بالعربية و تغيير بعض الأجزاء الميكانيكية في السيارة في التوكيل تبع التأمين


- قدر الله اني اعمل حادثة بالعربية يوم 31-5-2014...دخلت في حجر مرمي على الصحراوي و العجلة اليمين اتفرمت بالكوبلن و المساعد و الجنوط و كان لازم يتغيروا
- جبت ونش نقل العربية للتوكيل (و كان يوم خميس) على الساعة 8 م
- روحتلهم يوم السبت ايه الاجراءات ؟ قالولي المهندس بتاع التوكيل يعاينها و يعملك تقدير سعر للإصلاحات...و ده كان أسوأ تجربة مريت بيها مع التوكيل
- مهندس التوكيل (كان اسمه حسام) أسوأ بني آدم تتعامل معاه في حياتك...مواعيد زفت...أسلوب كلام زفت...اتخانقت معاه و شديت أكتر من مرة عشان ييجي بس يعاين العربية و يعمل تكلفة الإصلاحات...بعد مغامرات جاه عاينها على يوم الأربعاء (5 أيام العربية مرمية في التوكيل في الساحة الخارجية في الصحراء)
- المهم عمل مقايسة...و روحت للتأمين عشان يعاين...مهندس التأمين جاه تاني يوم (المصرية للتأمين فرع سمير ريان)
- التأمين اعتمد المقايسة بعد ما خصم حاجات كتيرة و نزل أسعار حاجات كتيرة كان مبالغ فيها جدا مهندس التوكيل...
- الملاحظة العامة ان مهندس التوكيل كان بيحاول يغير أي حاجة حتى لو سليمة و يقوللي ماهو تبع التأمين انت خسران ايه...حسيت فيها بحرمانية بصراحة...يعني كتبلي حوالي 12 بند قطع غيار وا لعربية ماكنتش محتاجة غير 3- او 4...و فعلا أصريت حتى بعد ما أخدت موافقة التأمين على كل البنود اني ما اغيرش غير البنود المحتاجة فقط...
-المهم...أخدت موافقة التأمين و منتظر التوكيل يبدأ يصلح...أسبوع...اتنين...تلاتة... و العربية مرمية زي ما هي...و اتصل و اتخانق و من هنا لهنا هوب بدأوا يصلحوا
- كمية العشوائية اللي في التوكيل في موضوع التصليح مهولة...شوية المساعد بتاعك مش موجود ...يعني ايه مش موجود ده انتم التوكيل...هاندور عليه في فرع تاني طيب...يوم ضاع في التدوير على المساعد...و اخيرا جابوه بعد ما ضيعوا يوم كمان
- بكرة هانفك و نركب و نسلمك العربية...خير...يعدي اليوم و مفيش حاجة حصلت...اسأل يتقالي اصل ناقص مسمار و مش لاقيينو...يعني ايه يعني ؟ أصل ده مسمار مش عارف عامل ازاي و مش لاقيينوا في ولا فرع...المهم من هنا لهنا جابوا المسمار بعد 3 أيام
- بدأوا يركبوا أخيرا...بعد ما ضاع أسبوع كمان...هوب...أصل فيه مسمار مكسور و بنحاور نخرجه...يوم....هانستني الخراط ييجي...يومين...الخراط ييجي...يوم...المسمار يتفك...يوم ...بدأ تركيب قطع الغيار و تسليم العربية كلها يوم...

- مش عايز أقولكم كمية الغضب اللي كنت فيها و انا في الفترة دي...عربية لسه جديدة و تقعد في التوكيل شهر عشان تغير مساعد و كوبلن و جنوط... و معاملة سيئة جدااا و قليلة الذوق و غير محترمة بالمرة من مهندس التوكيل (حسام)...
- اخدت قرار ان بعد كده لا قدر الله لو حصل حاجة للعربية مش هاوديها تتصلح في التوكيل و هاروح أي حد برة يصلحها
- التوكيل بيعتبر ان قسم التصليح و السمكرة مش تبعوا و بيقولولك منك ليهم...يعني مدير فرع القطامية نفسه لما اشتكيت و زعقت لقيته بيقولي قسم السمكرة و التصليح مش تبعنا و ماليش سلطة عليه...طبعا كوميديا...يعني حسام ده مدير نفسه يعني ؟؟؟!!!
-ناس غير محترفة و غير مؤهلة و لا تتحمل المسئولية...
- الإصلاحات اتكلفت 1800 جنيه شاملة الضريبة و المصنعية و قطع الغيار...

-تقييمي للتوكيل في عملية الإصلاحات الطارئة تبع التأمين 0/10

----------------------------------------------------------------------------


أخيرا العربية مرضية لي بشكل كبير و لله الحمد ...و أنصح أي حد بيفكر في رينج أسعار 60 ألف انه يشتريها...
و ربنا يبارك و يستر على الجميع :)

أي أسئلة تحت أمركم :)

- العداد شكله شيك جدا و مختلف...ينقصه بس انهم يوفروا في التوكيل عداد ال rpm عشان مهم جدا ...بقية العدادات ممتازة...الكمبيوتر بتاع العربية بيوضحلك أي مشكلة تحصل...حتى مدة التسخين و ان العربية محتاجة تتسخن بيقولك...
- العفشة ناشفة شوية...محتاج تريح الكاوتش سنة صغيرة عشان ما تتعبش ظهرك
- فرش العربية غامق و يستحمل و مش محتاج تعمل فرش جديد
- جيوب الأبواب كبيرة و كافية تحط فيها اي حاجة
- المساحة الداخلية للأفراد أكتر من ممتازة...بيركب فيها 5 أفراد بسهولة (ال3 اللي ورا يفضل يبقوا رفيعين شوية...هي مش شيروكي يعني :) )...
- العربية التسارع بتاعها كويس...و بتسحب حلو...أهم حاجة خليك في بنزين 92 من بنزينة نضيفة (بلاش التعاون الله يرضى عليك )
- صوت العربية عالي شوية...بس تحليلي للموضوع ده ان الزيت اللي بيحطوه رديء (موبيل)
- التكييف حلو جدا بليل (ما يزيدش عن واحد)...و بالنهار غالبا هاتخليه على اتنين أو تلاتة عشان الحر...مش بجيبه على 4 غير لما اكون سايب العربية في الشمس فترة كبيرة و عايز العربية تبرد بسرعة
- الكشافات قوية جدا...و الفوجات ممتازة
- استهلاك البنزين اللتر بيعمل حوالي 12 كيلو بالتكييف


تقييمي العام للعربية 8.5/10




---------------------------------------
2- تقييم التوكيل :
- كان اول تعامل لي مع التوكيل في صيانة ال 1000 كم...فرع القطامية...التجربة كانت سلسلة و ما دفعتش غير 171 جنيه ..غيرو زيت و مياه و ادوني بقية علبة الزيت و بقية جركن المياه الخضراء...و عملوا فحص للحاجات الأساسية في العربية (زيت فتيس - زيت فرامل - الخ...)
- العيب الوحيد في الصيانات الوقت...بتاخد وقت كبير شوية...يعني ممكن تقع 4-5 ساعات حسب دورك...كل ما تروح بدري كل ما يكون أحسن
- فيه ميزة عملوها في فرع القطامية انهم خلو العمل من 9 ص إلى 9 م و ده طبعا مناسب جدا لأغلب الناس اللي عندها أشغال الصبح
-صيانة ال5000 عملت حوالي 270 جنيه

تقييمي العام للتوكيل في الصيانة الدورية 7/10


-------------------------
3- تقييم تجربة حادثة بالعربية و تغيير بعض الأجزاء الميكانيكية في السيارة في التوكيل تبع التأمين


- قدر الله اني اعمل حادثة بالعربية يوم 31-5-2014...دخلت في حجر مرمي على الصحراوي و العجلة اليمين اتفرمت بالكوبلن و المساعد و الجنوط و كان لازم يتغيروا
- جبت ونش نقل العربية للتوكيل (و كان يوم خميس) على الساعة 8 م
- روحتلهم يوم السبت ايه الاجراءات ؟ قالولي المهندس بتاع التوكيل يعاينها و يعملك تقدير سعر للإصلاحات...و ده كان أسوأ تجربة مريت بيها مع التوكيل
- مهندس التوكيل (كان اسمه حسام) أسوأ بني آدم تتعامل معاه في حياتك...مواعيد زفت...أسلوب كلام زفت...اتخانقت معاه و شديت أكتر من مرة عشان ييجي بس يعاين العربية و يعمل تكلفة الإصلاحات...بعد مغامرات جاه عاينها على يوم الأربعاء (5 أيام العربية مرمية في التوكيل في الساحة الخارجية في الصحراء)
- المهم عمل مقايسة...و روحت للتأمين عشان يعاين...مهندس التأمين جاه تاني يوم (المصرية للتأمين فرع سمير ريان)
- التأمين اعتمد المقايسة بعد ما خصم حاجات كتيرة و نزل أسعار حاجات كتيرة كان مبالغ فيها جدا مهندس التوكيل...
- الملاحظة العامة ان مهندس التوكيل كان بيحاول يغير أي حاجة حتى لو سليمة و يقوللي ماهو تبع التأمين انت خسران ايه...حسيت فيها بحرمانية بصراحة...يعني كتبلي حوالي 12 بند قطع غيار وا لعربية ماكنتش محتاجة غير 3- او 4...و فعلا أصريت حتى بعد ما أخدت موافقة التأمين على كل البنود اني ما اغيرش غير البنود المحتاجة فقط...
-المهم...أخدت موافقة التأمين و منتظر التوكيل يبدأ يصلح...أسبوع...اتنين...تلاتة... و العربية مرمية زي ما هي...و اتصل و اتخانق و من هنا لهنا هوب بدأوا يصلحوا
- كمية العشوائية اللي في التوكيل في موضوع التصليح مهولة...شوية المساعد بتاعك مش موجود ...يعني ايه مش موجود ده انتم التوكيل...هاندور عليه في فرع تاني طيب...يوم ضاع في التدوير على المساعد...و اخيرا جابوه بعد ما ضيعوا يوم كمان
- بكرة هانفك و نركب و نسلمك العربية...خير...يعدي اليوم و مفيش حاجة حصلت...اسأل يتقالي اصل ناقص مسمار و مش لاقيينو...يعني ايه يعني ؟ أصل ده مسمار مش عارف عامل ازاي و مش لاقيينوا في ولا فرع...المهم من هنا لهنا جابوا المسمار بعد 3 أيام
- بدأوا يركبوا أخيرا...بعد ما ضاع أسبوع كمان...هوب...أصل فيه مسمار مكسور و بنحاور نخرجه...يوم....هانستني الخراط ييجي...يومين...الخراط ييجي...يوم...المسمار يتفك...يوم ...بدأ تركيب قطع الغيار و تسليم العربية كلها يوم...

- مش عايز أقولكم كمية الغضب اللي كنت فيها و انا في الفترة دي...عربية لسه جديدة و تقعد في التوكيل شهر عشان تغير مساعد و كوبلن و جنوط... و معاملة سيئة جدااا و قليلة الذوق و غير محترمة بالمرة من مهندس التوكيل (حسام)...
- اخدت قرار ان بعد كده لا قدر الله لو حصل حاجة للعربية مش هاوديها تتصلح في التوكيل و هاروح أي حد برة يصلحها
- التوكيل بيعتبر ان قسم التصليح و السمكرة مش تبعوا و بيقولولك منك ليهم...يعني مدير فرع القطامية نفسه لما اشتكيت و زعقت لقيته بيقولي قسم السمكرة و التصليح مش تبعنا و ماليش سلطة عليه...طبعا كوميديا...يعني حسام ده مدير نفسه يعني ؟؟؟!!!
-ناس غير محترفة و غير مؤهلة و لا تتحمل المسئولية...
- الإصلاحات اتكلفت 1800 جنيه شاملة الضريبة و المصنعية و قطع الغيار...

-تقييمي للتوكيل في عملية الإصلاحات الطارئة تبع التأمين 0/10

----------------------------------------------------------------------------


أخيرا العربية مرضية لي بشكل كبير و لله الحمد ...و أنصح أي حد بيفكر في رينج أسعار 60 ألف انه يشتريها...
و ربنا يبارك و يستر على الجميع :)

أي أسئلة تحت أمركم :)

المشاركة مش راضية تنزل كلها مرة واحدة...
أي حد من الادامن بقى يجمعها :)

امعاملة التوكيل دا
تيبيكال الطبيعه المصري طالمااحتجت منو حاجه لازم يذلك حتي لو هتدفع فلوس دا غير العكعكه و الكسل
وعايزين يطورو دا والا في الاحلام
رب ارحمنا من نفسنا اللعينه

السادة الكرام /
من الواضح ان سوء إدارة الوكيل لعملية ما بعد البيع سيفقد العربية ميزة انخفاض السعر مع كماليات جيدة غير متوفرة في سيارات في نفس فئتها السعرية .
والحقيقة التي قد تصبح جليه لكل متابع عن كثب ومتعامل مع الوكيل في أمور الإصلاح وخدمة ما بعد البيع ان الوكيل لا ينظر الي الاحتفاظ بالعميل ولا ينظر الي العائد من خدمة ما بعد البيع ويكفي ان تاريخ شركة الامل تتضمن ان يكون وكيلا منذ فترة بعيدة لسيارات الهيونداي ولم تكمل المشوار مع الشركة ولم تنتشر الا بعد ان أصبحت مع وكيل يحترم خدمة ما بعد البيع .

ربنا يملاهالك بركة و يكفيك شرها