وعليكم السلام ورحمة الله وبركاته
الف مبروك و ربنا يديلك خيرها و يكفيك شرها
رقم العضوية : 162822
تاريخ التسجيل : 18Jul2014
المشاركات : 45
النوع : ذكر
الاقامة : طنطا
السيارة: BYD L3 Auto
السيارة[2]: هيونداى
الحالة :
السلام عليكم ورحمة الله وبركاته
كنت وعدت الناس هنا انى اول ما استلم العربية حاعمل تقرير مفصل بكل حاجة فيها
والحمد لله بعد ماحجزت سيارة L3 اوتوماتيك وبمعجزة استلمتها قبل العيد بيوم
نبدأ بالحجز والمتابعة :
حجزت من المصرية فرع طنطا
مع المهندس مصطفى
الراجل ده بصراحة قمة فى الاحترام والاهتمام بجد
بيتابع وبيقولك على المفيد ومش بيحاول يبيع والسلام ( كل الشكر ليه بجد )
السيارة استلمتها الساعة 9 بالليل
مش مخبوطة من تحت ولا اى حاجة والحمد لله
بصيت على الشنطة كله تمام بس كانت غرقانة بودرة لونها ابيض
خليتهم مسحوها على قد ما يقدروا
استلمت مع العربية :
1- كوريك
2- صليبة
3- كتالوج
4- ضمان البطارية
5- 1 مفاتح شفرة
6- 1 ريموت شفرة
طبعا سالتهم عن كارت الميمورى بتاع الخرايط ( التكنولوجيا دى ميعرفوش عنها حاجة اصلا وده عيب على وكيل ليه 10 فروع فى الجمهورية زيهم ::S )
وافتكرونى بهزر وقلبوا الموضوع هزار وبعدها حاولو ياكدوا لى انى انا اللى بشترى الميمورى من اى محل موبايلات واحمل عليه اللى انا عاوزه ......
الهدايا : ( سامحنى يارب على كلمة هدايا دى :( )
1- ميدالية باسم المصرية ( شكلها شيك بصراحة )
2- غطاء مشمع للسيارة باسم المصرية عازل للمطر والمياة موجود فى شنطة باسمهم بردوا
مفردتوش ولا مرة لوجود جراج فى البيت بركن العربية فيه والحمد لله .
اهم نصيحة قالوا هالى اول ما تمشى بسرعة على البنزينة عشان هى مخلصة واحتمال تقف بيك :D
طلعت على البنزينة اللى بعد المصرية بحوالى 300 متر وحطيت 92
الكلاكس صوتى عالى اوى ومش مزعج
عزل الصوت جوه العربية اكتر من ممتاز
الدريكسيون الباور بتاعة جميل جدا
اجزاء العربية ماشية مع بعض وانسيابية
العربية واسعة فعلا من جوه
عالية عن الارض والمطبات وكان معايا 3 اصحابى منهم 2 اوزان مصارعين + اخويا كان راكب جمبى
ومفيش مطب واحد لمس العربية والحمد لله
الشنطة واسعة فعلا بشكل ملفت .
نور العربية والواطى والعالى حاجة مريحة وجامدة جدا
مش حاتحتاج النور العالى خالص لان الواطى قوى جدا + زرار التحكم فى ارتفاعه مفيد اوى اوى اوى
هو 5 مستويات مقسمة على 10 مراحل
يعنى 1 \ 1.5 \ 2 / 2.5 وهكذا
طبعا انا رفعته درجة واحدة بس عشان الناس اللى جاية فى وشى متبقاش متضايقة
العالى بستخدمه بس لما حد ييجى فى وشى ومدينى العالى او يقلب نور ويكون فاكر انى مشغل العالى
اديلوا العالى وسبحانك يارب يحترم نفسه ويطفى نوره خالص
العداد كان عامل 130 كيلو لما استلمتها ( صحيح : اللون موكا )
انا من عشاق النبيتى والاسود بس لما قالوا لى ادينا كام لون كمان عشان نجيبها فى وقت اقل
اديتهم نبيتى \ احمر \ موكا
المرايات اللى فى الابواب مريحة جدا وجايبة رؤيا كبيرة على الجناب
العيوب بقى
اهم عيب :
استجابة الماتور مش فى لحظتها
بمعنى انك لما تدوس بنزين بيبقى فى تاخير فى تنفيذ الامر من الماتور من نص ثانية ل ثانية بالكتير
وده علطول يعنى سواء كنت واقف وحاتمشى او ماشى بالراحة او حتى بسرعة
وامبارح واحد صاحبى معاه جيلى بقولوا على الموضوع ده قالى انه فى الجيلى بردوا
فواضح ان ده فى كل السيارات الصينى والله اعلم
يحس بالموضوع ده اللى معاه النترا او كيا او لانسر اوتوماتيك
دى بقى مش عيوب اوى على ما اظن :
1- الكاسيت كل ما اظبط النظام الصوتى بتاعه زى الاوكلايزر ودرجة عمق الصوت والحاجات دى
بمجرد ما اطفى العربية واقفلها لما ارجع اشغلها يرجع زى ما كان تانى كانه ضبط مصنع ودى مزهقانى
يمكن يكون لازم اعمل Save بشكل معين بس انا اتشقلبت على اعدادات الكاسيت ومفيش حاجة زى دى
السماعات اللى فى الابواب صوتها مش قوى ويمكن يكون فرش الباب اللى بيبدأ يتهزر لما اعلى مستوى الصوت اعلى من النص بشوية ( بردوا مش عيب مهم )
اول امبارح وانا على السريع سمعت زى ما يكون فى صفارة بسيطة فى الكاوتش الشمال قدام
يعنى اللى ناحيتى بس من ساعتها مسمعتوش تانى لحد دلوقتى
الكاسيت بعكس ما كان مكتوب عنه انه بيوصل مع الموبايل بالبلوتوث دى مش موجودة فى الكاسيت اصلا
وكمان مش بيدعم صيغ كتير مهمة زى MP4 \ M4p \ FLAC \ FLV \ وحاجات تانية كمان
طبعا مجربتش النظام الملاحى لعدم وجود الميمورى اصلا
ارضية السيارة لازم لازم تتفرش جلد هى والشنطة لانهم حيتبهدلوا بسرعة جدا لانهم موكيت
الدريكسيون يوجع بطن الايد رغم انه خفيف بس وجع لى بطن ايدى من ملمسه يعنى حتحتاج جراب علطول ليه .
حساسات الرجوع للخلف حاجة ادائها منيل وتحسها هبلة بجد
لما برجع لورا الاقيها نادرا ما تكون شغالة طبيعى
وكتير الاقيها مدية صفارة طويلة باعتبار ان فى حاجة ورايا بعدها اقل من 250 سنتيمتر وعموما هى ليها زرار بشغل الحساسات ويقفلها من التبلوه فقفلتها وريحت دماغى لان فى حاجة تانية مصدعانى بجد
حساس الامان بتاع الحزام :S
وده شانيور فى دماغى بجد
كل شوية يصفر عشان الحزام حتى وانا واقف بالعربية او ماشى بالراحة خالص
ولو حد راكب جنبى وانا لبست الحزام بردوا يفضل كل شوية يصفر عشان اللى جنبى
العربية كانت الفردة الى قدام يمين مريحة حاجة بسيطة ولقيتها بتحدف يمين بسيط
تانى يوم روحت ظبطت الارع فرد على 35
وبردوا بتحدف يمين وكمان لما بيبقى الكاوتش فى وضع مستقيم بلاقى ان الدريكسيون مميل ناحية اليمين
صاحبى قالى حايفكوه ويظبطوا الزوايا مع صيانة الالف
لو فى حاجة تانية ظهرت حارجع اكتبها هنا فى الموضوع
حاجات من رائى الشخصى ناقصة فى العربية
1- اشارة فى المرايات
2- الكاسيت يكون فيه بلوتوث ورد على مكالمات الموبايل ( خصوصا لو لواحد زيي بيحب يشغل الاغانى بصوت عالى حبتين ومش بيسمع الموبايل لو غنى للصبح )
3- مثبت سرعة لانه حيريح الناس اوى خصوصا ان معظم الناس بيحبوا يسافروا بالعربية وبيكون الطريق طويل .
4- فرش جلد للدريكسيون والفتيس والمسند وارضية العربية والشنطة.
5- علامة BYD تكون مضيئة على اللوجو اللى فى مقدمة السيارة ( اللى ورا بس هى اللى منورة )
لكن فى الاخر :
العربية فعلا جميلة شكل واداء وكماليات وراحة خصوصا مع سعر 97 الف
واخيرا انا كنت عاوز بس اسال عن كام حاجة لو سمحتوا :
1- ايه اللى بيتم فى صيانة الالف من تغيير وفلوس وهل بروح علطول ولا احجز الاول وبمشى علطول ولا الصيانة بتحتاج وقت طويل واليوم حيضيع ؟ واحسن مكان اعمل فيه صيانة فين ؟ انا من طنطا بس مش مهم اروح فين مدام حيكون مفيد ليا
2- هل ضبط الكاسيت فيه طريقة المفروض اعملها عشان يحفظ الاعدادات ؟
وهل فيه بلوتوث وانا مش عارف اوصل له ولا انا اللى صح ؟
3- هل نظام الملاحة بيحتاج ميمورى عليه الخرايط بس ولا بيحتاج شريحة موبايل مع الميمورى عشان يبقى اون لاين ويقولى امشى منين وادخل منين ؟ لانى معرفش فى القاهرة غير اماكن بسيطة
4- انا استلمت مع العربية اذن استلام وورقة لقيتها فى تابلوه العربية بتاعة ضمان البطارية بس
لا استلمت ورقة لضمان العربية نفسها ولا للكاسيت زى ما قريت هنا ( وياريت لو تقولوا لى شكلهم ايه اصلا ) لانه واضح ان المعرض بيهرج شوية
5- ايه اللى حاخده معايا وانا رايح ارخص والفلوس كام واعمل ايه بالظبط .
والف شكر لكل شخص ساهم بمعلومة لانى استفدت كتير جدا هنا وعرفت ازاى اختار العربية وكمان ازاى استلمها ( بغض النظر عن موضوع ضمان العربية والكاسيت )
لو حد محتاج اى صور للعربية يقولى وانا اصورها وارفعها هنا علطول ( انا مصورتش لان المنتدى مليان صور لكل تفاصيل العربية )
رقم العضوية : 19173
تاريخ التسجيل : 16Sep2008
المشاركات : 4,876
النوع : ذكر
الاقامة : Giza
السيارة: __________
السيارة[2]: __________
دراجة بخارية: ______________
الحالة :
وعليكم السلام ورحمة الله وبركاته
الف مبروك و ربنا يديلك خيرها و يكفيك شرها
[sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم
رقم العضوية : 162822
تاريخ التسجيل : 18Jul2014
المشاركات : 45
النوع : ذكر
الاقامة : طنطا
السيارة: BYD L3 Auto
السيارة[2]: هيونداى
الحالة :
رقم العضوية : 20937
تاريخ التسجيل : 03Oct2008
المشاركات : 1,306
النوع : ذكر
الاقامة : giza
السيارة: لاتوجد
السيارة[2]: Elntra 2009
دراجة بخارية: لا توجد
الحالة :
ما شاء الله ربنا يباركلك فيها
والف الف مليون مبروووك
[S][all1=#ff0000]الحذر لايمنع القدر
فارضي بقدر الله تكن أسعد الناس[/all1][/S]
رقم العضوية : 57282
تاريخ التسجيل : 28Dec2009
المشاركات : 1,342
النوع : ذكر
الاقامة : EGYPT
السيارة: ---------------------------
السيارة[2]: OCTAVIA
دراجة بخارية: no
الحالة :
أجمل التهانى بالسيارة الجديدة وبارك الله لك فيها وأسعدك بها بفضله
جهاز المالتى ميديا فى L3 ليس فيه بلوتوث
ويتم توصيل أى شئ على الجهاز من المداخل الموجودة فى علبة المخدع الأمامى
لو كان هناك بلوتوث سيكون جهاز اخر غير الموجود فى النسخة المستوردة
كان يجب على المعرض ان يسلمك كارت الخرائط ومعارض التوكيل تسلمه مجانا
وتأكد من كتابة كل الملحوظات لمراجعتها مع الصيانة ولا تترك ملحوظه واحدة دون ازالتها فهذا حقك وتمسك به
بالنسبة لموضوع الزوايا فتأكد من انها مضبوطة ولكن هذا حدث معى واستمرت الحدفة
رغم ضبط الزوايا حتى ذهبت الى الصيانة ففكوا الفردة وقلبوا الكاوتش فراحت الحدفة فورا
واظن انهم بدلوا ايضا اماكن العجل الأمامى مع بعض
وضبط الهواء على 30 وليس 35
ولابد من استلام دفتر الضمان والصيانة وشهادة ضمان خاصة بجهاز المالتى ميديا
وطبعا زميلنا الفاضل الذى استلم السيارة قبلك سيفيدك اكثر منى
واكرر التهنئة والف مبروك
abojessy سابقا
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
الف مبروك وربنا يباركلك فيها ويكفيك شرها
العيوب تعتبر بسيطه مش تزعل اوى
رقم العضوية : 124239
تاريخ التسجيل : 06May2012
المشاركات : 238
النوع : ذكر
الاقامة : مصر
السيارة: مش عارف اقرر
السيارة[2]: شاهين 98
الحالة :
ربنا يديلك خيرها و يكفيك شرها
الف ميروووووووووووووك
ادعيلي بفي اجيب واحده انا كمان
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
الف مبروك ،،،، وربنا يديك خيرها ويكفيك شرها ،،، وابقى ارفع الصور لو ممكن
رقم العضوية : 69729
تاريخ التسجيل : 05May2010
المشاركات : 561
النوع : ذكر
الاقامة : القاهرة
السيارة: BYD F3
السيارة[2]: داتشيا نوفا98
دراجة بخارية: لا يوجد
الحالة :
الف مبروك ،،،، وربنا يديك خيرها ويكفيك شرها ،،،
[img2]http://nileup.com/up/uploads/nilemotors_13989044751.jpg[/img2]
رقم العضوية : 147150
تاريخ التسجيل : 11Aug2013
المشاركات : 65
النوع : ذكر
الاقامة : مصر
السيارة: no
السيارة[2]: no
الحالة :
الف مبروك ربنا يرزقك خيرها ويكفيك شرها
المفضلات