الحمد لله والشكر لله بيده الفضل كله .. ثم الشكر للزملاء فى هذا المنتدى الكريم الذى لولا قرائتى لخبراتهم ما كنت اشتريت الغاليه الفلوانس والتي استلمها منذ ساعات وسرت بها مايقرب من أربعون كم والتى كانت كافيه لتكوين انطباع جيد جدا عليها وقد كنت متخوفا من ان لا تكون بمستوي الشارك عربيتي السابقة الا أنى مع احترامى للشارك وملاكها اكاد اجزم ان الفلوانس تتفوق عليها فى كل شئ .. فخامه .. نعومة موتور وفتيس نعومة عفشة وسحب كنت متخوف منه من كلام بعض الزملا الا أنى أراه جيد وخصوصا ان ألعربيه لِسَّه زيرو ..
بس ان طمعان فى كرم اخلاقكم وتجاوبونى على أسئلتي بصدر رحب وبالتفصيل الممل لان ألعربيه جديده عليا
اولا الكاسيت حبيت اشغله طلب منى كرد اربع أصفار دورت فى الكاسيت لقيت ارقام من واحد الى سته ومافيهوش أصفار فعايز اعرف أبدا معاه ازاى وكمان ازاى اشبك الموبايل معاه من خلال البلوتوث
ثانيا كيفية تشغيل مثبت السرعة بالتفصيل الممل
ثالثا الساعة نظام ٢٤ ازاي اخليها نظام ١٢ بالاضافة الى انها بتنور وتطفى ازاى اثبتها ماتبقاش فلاش اقصد
دي اسئله مبدئية لغاية ما ارجع لكم