الموضوع: بين تجديد الميجان و شراء الفلوينس - موضوع للمناقشه

اشترى الفلوانس رغم فرق المبلغ الكبير
لكن هتبقى راكب زيرو مش هتغير فيها مسمار قبل 5 , 6 سنين

اذا عربيتك أساسياها سليمة فانت ممكن تصرف عليها مبلغ محترم وترجع تعيش معاك 6 سنين تاني كأنها زيرو :)
طبعا ده لو انت من الشخصيات العملية اللي يهمها حاجة تأدي الغرض بدون مشاكل وخلاص..

أما لو انت غاوي وبتحب العربيات يبقا برضه ركوب الجديد ليه طعم تاني لو انت من هواة التجديد والتمتع بالتكنولوجيا والرفاهية :)

المشاركة الأصلية كتبت بواسطة تامر.محمد

بس الحاجات اللي حضرتك كاتبها في عربيتك دي لا ترتقي لمرتبة (تجديد) !!

كاوتشة الكوبلن في التوكيل بحوالي 200 جنيه و مصنعية تغييرها في فرنش موتورز حوالي 100 و شوية
علامات رينو هاتجيبهم من ابراهيم بتاع الستيكر في الحي السابع او شارع دمشق , ماظنش هايعدوا 100 جنيه الاتنين على بعض
الاكصدام ده اللي هايكلف شوية حلوين , بس لو قررت تعمل كده زود شوية فلوس و هات اكصدام 2007 بفوجاته بشبكه عشان تحس بانك عملت فرق و جددت فعلا
الفوانيس لو مغيمة ممكن تلمعها هايكلفوا 100 جنيه الاتنين و ممكن تصب لهم وشوش هايكلفوا الاتنين 300 جنيه بالكتير
الكارتيرات الامامية هايعملوا 200 جنيه تقريبا استيراد و اقل من كده لو جداد تجاري
فرش السقف مش عارف
درج التابلوه استيراد مكلف شوية ممكن يخش في 300 او 400 جنيه لو هاتغير الدرج كله
السقف مش عارف

يعني كل الليلة دي ماعدا السقف و الاكصدام هايكلفوا اقل من الف و نص ان شاء الله , تكلفة بس مش تجديد يعني :)

متهيأ لي القصة ان حضرتك زهقت منها و عايز عرببة احدث مش موضوع ان العربية محتاجة تجديد
عموما لو قررت تبيعها حاول تعمل الحاجات دي عشان ما يبقاش شكل العربية متهانة

المشكله ان اكصدام 2007 مش هتلاقيه استيراد بسهوله
انا من كام يوم وقفنى واحد فى الشارع وفضل يسألنى على قطع الغيار وانه لسه شارى ميجان وعمل بيها حادثه وصارف كتير وجايب عفشه كامله ب 6 الاف جنيه ورداتير وكمبروسر وسربنتينه ده غير السمكره والدوكو
ومش لاقى الاكصدام
سألت كذا واحد بتاع استيراد قالى مش موجود .. بس موجود جديد تايوانى ب 900 جنيه
بس التايوانى ده شكله غبى اصلآ وكله صب حته واحده بفتحات التهويه
اديتله نمرة تاجر فى القاهره قاله مش موجود لوحده وده بيتباع كامل على بعضه ب 3500 !
وبعد كذا يوم اتصل بيا التاجر وقالى انا جبتهوله وعامل 1500 بس فيه شرخ بسيط
طبعآ التانى مرضاش واهو لغايت دلوقتى مش لاقى الاكصدام
فيه واحد قاله اصبر شويه لما تجيلى عربيات
انت عارف اكصدام الشكل القديم بكام اصلآ ؟ ب 500 جنيه ونمره واحد !
بالنسبه لفرش السقف انا كنت عامله عندى من فتره وكلفنى 350 جنيه فرش جديد
وانضف من اللى كان فيها بكتيييير
وعلامه الرينو الكبيره اللى قدام اتسرق واشتريت واحده جديده بالقاعده بتاعتها ب 40 جنيه من محل فى القاهره كده مش فاكر فين بضبط لكن نواحى مدينة نصر

المشاركة الأصلية كتبت بواسطة تامر.محمد

ليه ؟
مش عارف تعرف ولا لأ , بس انا كنت عامل حادثة ربنا ما يكتبها على حد من شهر و شوية او شهرين و غيرت برده في العربية حاجات كتير اوي
و غيرت الاكصدام باكصدام استيراد , و كنت باختار من بين كذا اكصدام متاحين عند كذا تاجر في صقر
ساعتها جبت واحد بحوالي الفين جنيه بكل حاجته (الفوجات و الشبك) بس مافيهوش الهوا

مكنتش اعرف والله حمد لله على سلامتك يا باشا
2000 جنيه سعره كده كويس بالنسبه للشكل الجديد
لكن القديم ارخص بكتير عامل 500 جنيه ده اللى حالته نضيفه جدآ كمان
مافيش داعى يصرف ويجيب الشكل الجديد مدام عربيته الشكل القديم
هو لو جاب جوز فوانيس جداد مع لمبات زينون عالى وواطى هيغير شكل العربيه تمامآ