الموضوع: جى ام لسماعات الابواب

السلام عليكم


انا مركب فى الابواب 4 سماعات بايونير 13 سم 220w و2 way وعايز اطلع منهم احسن صوت ممكن ب النسبة ليهم

وفى نفس الوقت ماعنديش رف للسماعات ورا والكاسيت الاوريجنال مش هايتغير لانة بكود العربية وفية بلوتوث ومايك ومالتى فانكشن وانتنة جي بى اس ف حرام اضيع كل دة

ف اية الجى ام المناسب لل 4 سماعات دول علشان يدونى احسن صوت ؟

انا اهم حاجة عندى فى الصوت يكون نقي ومتوزع صح مش مهم اوى بقى الحاجات

طالما ماعندكش نية لعمل أي تعديلات يبقا هات جي ام سوني 350 واط هايكفيهم وزيادة :)

سعره جديد حوالي 400 جنيه تقريبا (ماعرفش كام بالظبط)

هتاخد فردتين من الكاسيت تديهم للجي ام وتخرج من الجي ام للاربع سماعات

يتبقى فردتين في الكاسيت لو حابب ممكن توصلهم على طقم تويترات نضيف وشكرا على كدة :)