الموضوع: استفسار بخصوص زيت موتور هيونداي فيرنا

أنا شفت البوست اللي حضرتك حطيته على الفيسبوك

وشفت كمان صفحة الزيت اللي حضرتك حطيتها



ورديت عليك هناك بردو..

وعموما أنا هكرر الرد هنا تاني علشان الفايدة تعم..


حسب كتالوج العربية... اللزوجات اللي ينفع تشتغل معاك هي:
10W-40
10W-50
15W-40
15W-50
20W-40
20W-50

الـ5w-30 أو 5w-40 ما ينفعوش معاك لإن أقصى درجة حرارة مسموح يشتغل فيها هي

وأكواد الـAPI الموصى بيها : SG - SH أو أعلى..
يعني SI - SJ - SL - SM - SN كلهم يمشوا معاك

حسب الموجود في السوق.. الزيوت نصف تخليقية تمشي معاك كويس قوي من ناحية اللزوجة ومستوى الخدمة



...

المشاركة الأصلية كتبت بواسطة ahmad_hs_87

ألف ألف شكر لاهتمام حضرتك وردك الوافي ..... بس ليا تعليق صغير ... حضرتك كده (وطبعا ده حسب كلام الكتالوج زي ما حضرتك تفضلت وطبقا بالكلام) حصرتني في الزيوت المعدنية وربما النصف تخليقية ... وبكده أنا ما ينفعش استخدم تخليقي خالص دي نقطة
النقطة الثانية أنا في التوكيل كانوا بيغيرولي هيلكس الترا 5w40. وجه بعدي واحد زميلي حطوله 5w30 وده معناه ضمنيا أن مكنش صراحة أن الزيوت دي تنفع وجدا كمان
النقطة الثالثة أنا مريحني جدا استخدام وولفر ال5w30 بس خايف من ثبات لزوجته في الصيف ومن هنا كان استفساري لأنه لو مش هاينفع هاستخدم وولفر 5w40 لغااااااااااية ما أكمل 100 ألف وبردو هاكمل بوولفر بس نص تخليقي
آسف على الإطالة وألف شكر لحضرتك

أنا قلت إن حسب أنواع الزيوت الموجودة في السوق.. فحضرتك هتمشي معاك الزيوت النصف تخليقية..

إنما ده مش معناه إن الزيوت التخليقية ما تمشيش ..

المشكلة الأساسية هي إن الزيوت التخليقية اللي بتنزل مصر مفيش منها لزوجات عالية... إنما الزيوت التخليقية اللي لزوجتها عالية موجودة.. بس سعرها أعلى لإنها معمولة من زيوت أساس مختلفة (PAO) والزيوت دي غالية.


مسألة إن التوكيل بيستخدم زيوت مختلفة عن الكتالوج.. فده راجع من وجهة نظري إلى كذا حاجة:

أول حاجة: مسألة تسويقية.. إن عربياته بتستخدم زيوت غالية زيها زي العربيات التانية الغالية.

تاني حاجة: مسألة اقتصادية.. على أساس توحيد نوع الزيوت اللي بيشتريها.. وبالتالي يقدر ياخد تخفيض في الأسعار لإنه هيشتري النوع ده بكمية أكبر.

تالت حاجة: توحيد طريقة الشغل جوه التوكيل، وبالتالي تقليل اللخبطة والأخطاء اللي ممكن تحصل.



طيب.. أنا فاكر إن أ. كريم منير دخل وعلق على البوست بتاعك على الفيسبوك وقال إن موتور الفيرنا هو نفسه موتور الإيلانترا والماتريكس ..

الحقيقة بعد ما لفيت شوية على النت.. أقدر أقوللك إن موتور الفيرنا يعتبر قديم نسبيا بالنسبة لمواتير هيونداي.. ومش هو اللي راكب على الماتريكس ولا الإيلانترا.

الفيرنا (أو الأكسنت موديل 2000 - 2005) مواتيرها في هيونداي إسمها "ألفا".. والمواتير دي ركبت على كذا عربية في فترة 1998-2007.. ودي أول جيل من مواتير هيونداي

مواتير الماتريكس والإيلانترا (موديل 2008-2012) كانت إسمها "بيتا".. ودي الجيل التاني من مواتير هيونداي.. والمؤكد إنها أحدث وعايزة زيوت أرقى.

الجيل التالت من مواتير الهيونداي دلوقتي اسمها "جاما"... ودي أرقى مواتير هيونداي حاليا، وراكبة على الإيلانترا الجديدة والسيراتو والأكسنت RB والـix35 وحاجات تانية كتير من هيونداي وكيا.


فشيء طبيعي إن المواتير اللي تصميمها قديم عايزة زيوت قديمة نسبيا.



...