مطلوب اكسل او اكسنت 1500

**moudy2002** · 24-07-2007 05:01 PM

السلام عليكم اخوانى الكرام

مطلوب سيارة اكسيل 1500ccكاملة موديل من 1995 الى 1998بشرط الحالة تكون ممتازة
ولا تحتاج مصاريف وتكون فبريكة جوة وبرة
او سيارة اكسنت 1500 يفضل موديل 88 او 98 الكورى كاملة وجوة وبرة
اخوكم
محمد
0101351917

**mohammed magdy** · 26-07-2007 11:07 AM

السلام عليكم
انت منزلتش سوق العاشر انا شوفت عربيات كتير هيونداي اكسنت واكسل وطبعآ فى الحلو والوحش بس انزل الصبح لان السمسرة مبيخلوش حاجة :)

**dr.ahmed** · 27-07-2007 04:22 AM

سلام من الله عليكم ورحمتة وبركاتة
أنا عندى هيونداى إكسل 1500 كاملة طبعا مو 1995 وكنت بأفكر أبيعها علشان أجيب الأفيو ... بس فية مشكلة إن العربية دى أنا راكبها وكنت دايما ايدى فيها ومتردد ابيعها لذلك النهاردة مثلا الكاوتش اليمين اتخرم منى فغيرت الفردتين الأماميين علشان ماكنتش لاقى نفس النوع والله العظيم دفعت 400 جنية بالتمام والكمال دة بعد ماخد الفردتين القدام ... ومش حتصدقوا هما مش قدام دة أنا جايبهم من شهريين بالضبط ... حاجة تانية من اسبوعين بشغل العربية وكنت فى وسط البلد مادارتش والناس قالولى البطارية نايمة وعايزة شحن والله العظيم اشتريت فى الحال بطارية فارتا وريحت دماغى .... دة غير المساعدين الخلفى وغير وغير ... على فكرة هية مش فشخرة لكن دة لسببين مهمين الأول لأن وظفتى ماتستحملش أى تأخير والثانى لأنى مابافهمش فى التصليح والناس ما بقاش عندها ضمير فى تصليح أى شئ فبشترى راحتى ....على فكرة العربية دواخل وخوارج الفابريقة حتى الكاسيت هيونداى والسماعات بايونير وهى عاملة 190000 كم وفيها رخصة 2010 إن شاء الله
وعلشان كدة أنا إذا كنت حبيعها ان شاء الله حبيعها لواحد عايز يركب ويقدر اللى فيها لذلك انا طالب فيها نهائى 43000 عارف ان ممكن يتقال كتير لكن اسمحولى دة تقديرى لعربيتى لأنها من وجهة نظرى الصحيحة أو الخاطئة الله أعلم .... تستاهل اكتر من كدة ....... وأسف للتطويل على الأخوة الأعزاء
د/أحمد

**moudy2002** · 27-07-2007 02:09 PM

السلام عليكم ورحمة الله
شكرا للاهتمام اخوانى الكرام
بالنسبة لاخى محمود بالرغم باننى ساكن بعد سوق العاشر ب 50 متر ولاكننى لا افضل اشترى من هذا السوق نظرا لكثرة التجار هناك .. وفضلت اجيب حاجة بيتى احسن وربنا يكرم

اخى د/ احمد من غير حلفان انا مسصدق انك بتصريف على عربيتك كتير بس سعر السوق النهاردة ارخص بكتير من الى انت طلبة . 43000 انا اجيب بيهم فيات سينا او اكسنت 99 كورى كامله .
فانا راى انك تحتفظ بعربيتك معاك مدام هى مريحاك لانها عمرها مهاجيب حتى 36 : 37 الاف وربنا يوفقك ويكرمك وشكرا للاهتمام..
اخوكم فى الله .
محمد

**banboty** · 28-07-2007 11:55 AM

د.احمد
لو حضرتك عندك استعداد تتفاوض في السعر حبة ,
ممكن تسيب موبايلك هنا او في رسالة خاصة

**dr.ahmed** · 29-07-2007 03:49 AM

مطلوب سيارة اكسيل 1500ccكاملة موديل من 1995 الى 1998بشرط الحالة تكون ممتازة
ولا تحتاج مصاريف وتكون فبريكة جوة وبرة
أخى الغالى السيد محمد
أنا شاكر لك ردك الكريم والمهذب وأنا بأحترم كل فرد فى هذا المنتدى اللى فوق الرائع ودة فعلا اللى مخلينى اتكلم براحتى دة إذا سمحلى الأعضاء الكرام والضيوف الأعزاء ... بس ممكن تسمحلى أخد راحتى معاك شوية فى الكلام يا أستاذ محمد .... صدقنى بس أنا عاوز أستفسر .... حضرتك طالب سيارة اكسيل 1500ccكاملة موديل من 1995 الى 1998بشرط الحالة تكون ممتازة
ولا تحتاج مصاريف وتكون فبريكة جوة وبرة
فهمنى عايز اللى إنت طالبة دة بكام ؟
علاوة على إن حضرتك نوهت بالأتى:بالنسبة لاخى محمود بالرغم باننى ساكن بعد سوق العاشر ب 50 متر ولاكننى لا افضل اشترى من هذا السوق نظرا لكثرة التجار هناك ..
منين حضرتك مابتنزلش السوق لأنهم كلهم تجار وقدرت تحدد ثمن سيارتى إنها (لانها عمرها مهاجيب حتى 36 : 37 الاف )هذا على الرغم إنى مش طالب تقييم لسعرها وكتبت بالحرف الواحد (دة تقديرى لعربيتى لأنها من وجهة نظرى الصحيحة أو الخاطئة الله أعلم .... تستاهل)
وصدقنى يا استاذ محمد اللى خالانى أفكر فى عرض سياراتى حاجة واحدة بس انت قولتها (وفضلت اجيب حاجة بيتى احسن ) يعنى مش من تاجر من واحد بيركب وإيدة فى عربيتة وعارف قيمة كل حاجة فيها وصاينها
بس بجد يا رب يا رب يا رب يوفقك وتلاقى طلبك مش ب36000 بأقل من كدة إن شاء الله
أما الأخ الغالى الأستاذ banboty
أنا إتشرفت بحضرتك ورقم موبايلى أرسلتة لك فى رسالة خاصة مش بغرض البيع والشراء فقط ولكن لنزداد شرفا بمعرفتك ومعرفة أى عضو يطلبة منى
وأسف للإطالة مرة أخرى
د/أحمد