الموضوع: هام وعاجل ضعف الكهرباء فى العربية

انا هحكى وانتم تحكموا انا عربيتى اوبل فيكترا متعدله ايكوتك ٢٠٠٠سى دى اكس كاملة معدا فتحة السقف يعنى كمبيوتر اعطال كامل والاوبشن الى انتم عارفينة نيجى بقى للمهم
ملحوظة: كل الشغل الى بيتعمل فى العربية من بعد مركز طنانى انا بعمله بايدى
انا كنت كتبت من فترة ان العربية عندى بيجى فيها خنقة ولمبة الاتشك بتنور وكانت لمبة الدينامو بتسرى خفيف قوى كنت بقيس الشحن كان ١٢.٥_١٣ مكنتش بحط فى دماغى وكان عندى كابل الارضى مهزوز وكل شويه فيوز لمض الفرامل يضرب والفتيس يدى ايرور المهم انا ظبط الارضى وراح عطل الفتيس وضرب فيوز لمض الفرامل وعلى فكرة الفرامل والفتيس مربوطتين ببعض عن طريق ساعة الفرامل الى فوق دواسة الفرامل
المهم فكيت الدينامو لقيت الشربون بتاع الكتاوت على اخرة لفيت الكرة الارضية عندنا فى السويس لقيتة استعمال ب١٥٠ ج بصراحة انا استغليتة قلت مبدهاش يعنى اشترى شربونتين مستعملين ب١٥٠ لحلوح حرام قمت مدخل مفك صغير
وكسرت بواقى الشربون براحة وبعديت جبت بنطة ٢ مل ودخلتها فى اخر قاعدة الشربون ونفدتها وجبت شربون جديد ودخلتة فى الخرم الى انا عملتة ولحمتة بقصدير كويس وركبت الكتاوت واشتغلت زى الفل على فكرة الشربونتين الجداد ب٥ج والشحن ظبط ١٤فولت يعنى زى الفل والخنقة بتاعت العربية راحت وبقت تمام يعنى يا جماعه العربية دى منظومة متكاملة لو فية حاجة مش طبيعية العربية بتبرجل وش بتبقى مظبوطة ولو فى اى استفسار من احد الاعضاء انا خدامكوا و لو حد عاوز يكلمنى بعد اذن الادارة دا رقمى ٠١٢٢٥٦٤٤٢٥٠ جوزيف

الله ينور عليك ... موضوعك كان ناقصه شويه صور ويبقى حكايه .. والله ينور تانى على الشغل بإيدك