تعبت خلال من الاكصدام الخلفى

**Ahmed_BYD_F0** · 18-12-2014 06:25 PM

بسم الله الرحمن الرحيم

اخوانى اعضاء المنتدى الكرام

من عنوان الموضوع اقدر اشرحلكوا مشكلتى ان العربيات اللى بتمشى ورايا بتيجى مسرعة قوى وتفرمل قريب جدا من عربيتى ودايما بيخبطوها

وده حصل لحد دلوقتى 3 مرات من ساعة مشتريت عربيتى BYD F0 وكل مرة اوديها للسمكرى ادفع مبلغ وقدره

يعنى المرة الاولنية مكروباص ريح على الاكصدام فطبقه وجرحه فاروحت للسمكرى وعدله وخد حوالى 80 جنيه مش فاكر قوى

والمرة التانية عربية دبابة جت من بعيد ومسرعة والطريق وقف وانا وقفت براحة ولكن العربية الدبابة فرملت قريب جدا منى وخبطت الاكصدام واتقطع كمان حتى قد 50سم وبان الرفرف اللى وراه وودتها للسمكرى وعدلها ولحمها وخد بالعافية 150جنيه

والمرة التالتة ودى اخر مرة كنت ماشى على الدائرى والطريق وقف برده والعربية اللى ورايا ريحت على الاكصدام وخلاه يخش جوه شوية

خلاص انا تعتبت من الاكصدام ده كل محد يلمسه يطبق ويخش لجوه وانا سيبه على حالته الاخيرة

قلولى بالله عليكوا اعمل ايه اغيره بجديد فى التوكيل واشترى الصداده اللى بيسموها ديفينس اللى بتتركب فى الرفرف اللى ورا الاكصدام وهل لو ركبته التوكيل حيعترض لان العربية لسة فى الضمان وهل الموضوع ده يخرجها من الضمان

عشان انا زهقت من كده يعنى اركبه وحيحمى العربية ولا لأ

معلش اعذرونى لو تالت عليكوا واعذرونى لو انا كتبت مصطلحات غلط فى موضوعى ده ولو فيه غلط يا ريت تصححهولى

والسلام عليكم ورحمة الله وبركاته

**Mecha** · 18-12-2014 06:59 PM

عارف احلي حاجة ايه حضرتك ,بس هكلفك حبة
تركب بار قطره خلفي ,واللي هيلمسك هيتخرشم,زي الصوره بس تحط صاج حديد بقلاوة بدل الالمونيا وحتة راس القطرة اللي في النص دي يا بخت اللي يرشق فيها هتملط مصارين اكصدامه

**karkour33** · 18-12-2014 07:38 PM

مع احترامي الtow hook في نوع عربيته يضره ما يفيدوش و احتمال يشبك فيه و الاكصدامات الحديد متليقش علي شكل العربية و تتقلها و العملية مش معركة هنطلع مصارين اللي يلمس عربيتنا هههههه كلها ماشية بالستر بنبقي راكبين جيبات و الاستبن متعلق ورا و بييجي حمار في نفس الاشارة يخبط 3 و 4 مرات و بنحمد ربنا .. حضرتك اعمل احتياطاتك و اللي عليك الاول جرب كل متقف فجأة حتي لو مفيش حد وراك تشغل انتظار زود عواكس ضوء صدادات كاوتش بلدي بس بتنفع ربنا يستر طريقك

انزل مشوار شارع معروف عند بتوع الديفندر اسأل ايه اللي ينفع لموديل عربيتك و هل ممكن يتركب حاجة مش باينة ورا الاكصدام و يكون وزنها خفيف و خامة قوية هم هيفيدوك اكتر و في واحد تاني جنب محل ميدو سوزوكي في احمد حلمي شبرا

اكصدامات السيفيك التقليد كانت بتبقي بلاستيك فاضي من جوة ووزنها خفيف اما الاصلي تقيلة و محشية مادة شبه الاسفنج امتصاصها للصدمة احسن كتير - جايز تلاقي الحشو دة لاكصدامك معرفش اسأل برضو عندهم او عند حد شغال في قطع غيار عربيتك

**Mecha** · 19-12-2014 01:37 AM

مش هايشبك يا باشا ,اي حد سايق وراه يشوف القطرة هيتلبش ويهدي عنة مش يلبس فيه ,سواقين كتير عايشين بمبدا الجبن سيد الاخلاق

**Ahmed_BYD_F0** · 19-12-2014 05:06 AM

المشاركة الأصلية كتبت بواسطة Mecha

عارف احلي حاجة ايه حضرتك ,بس هكلفك حبة
تركب بار قطره خلفي ,واللي هيلمسك هيتخرشم,زي الصوره بس تحط صاج حديد بقلاوة بدل الالمونيا وحتة راس القطرة اللي في النص دي يا بخت اللي يرشق فيها هتملط مصارين اكصدامه

فعلا منظرهم محترمين جدا بس السؤال دلوقتى لو ركبته ايه اخبار الضمان العربية كده تخرج من الضمان

**Ahmed_BYD_F0** · 19-12-2014 05:11 AM

المشاركة الأصلية كتبت بواسطة karkour33

مع احترامي الtow hook في نوع عربيته يضره ما يفيدوش و احتمال يشبك فيه و الاكصدامات الحديد متليقش علي شكل العربية و تتقلها و العملية مش معركة هنطلع مصارين اللي يلمس عربيتنا هههههه كلها ماشية بالستر بنبقي راكبين جيبات و الاستبن متعلق ورا و بييجي حمار في نفس الاشارة يخبط 3 و 4 مرات و بنحمد ربنا .. حضرتك اعمل احتياطاتك و اللي عليك الاول جرب كل متقف فجأة حتي لو مفيش حد وراك تشغل انتظار زود عواكس ضوء صدادات كاوتش بلدي بس بتنفع ربنا يستر طريقك

انزل مشوار شارع معروف عند بتوع الديفندر اسأل ايه اللي ينفع لموديل عربيتك و هل ممكن يتركب حاجة مش باينة ورا الاكصدام و يكون وزنها خفيف و خامة قوية هم هيفيدوك اكتر و في واحد تاني جنب محل ميدو سوزوكي في احمد حلمي شبرا

اكصدامات السيفيك التقليد كانت بتبقي بلاستيك فاضي من جوة ووزنها خفيف اما الاصلي تقيلة و محشية مادة شبه الاسفنج امتصاصها للصدمة احسن كتير - جايز تلاقي الحشو دة لاكصدامك معرفش اسأل برضو عندهم او عند حد شغال في قطع غيار عربيتك

شكرا اخى العزيز بردك على موضوعى فعلا موضوع اشغل الانتظار ده حعمله وهل يا ترى حياثر فى الناس اللى بتخبطنى وانا مشغل الانتظار الله اعلم
وانا موافق على كلامك واعمل كده بس برده السؤال حياثر على ضمان العربية ويخرجها من الضمان ولا لأ

**Mecha** · 19-12-2014 07:55 AM

الضمان تسأل الوكيل ,لما بتقف وتدوس فرامل انوارها الخلفية بتشتغل ودا كفاية بس انتظار وغيره مبينفعش مع عالم عايشة في زمن الكارو ,وحرام تبا قدام وتتخبط وتصلح علي حسابك

**karkour33** · 19-12-2014 05:21 PM

العربية صغيرة و مش عالية و 1000 سي سي بالبحث علي جوجل ملقتش ولا صورة للهوك غير امامي فقط علي شكل حلقة هي اللي تتقطر مش تقطر و السيفتي ملهاش غير bonnet guard بس اللي بيركب علي حرف الكبوت
اكيد لما تاخد كل احتياطاتك افضل من انك تعتمد علي لمبة فرامل بس او حتي حديدة بارزة السواق التبت لا هتهمه حديدة ولا اضواء ولا هيقرر قبل الخبطة علاج التبت اجتنابه ربنا يكفينا شر اعداء الطريق

**mz_moataz** · 20-12-2014 12:07 PM

المشاركة الأصلية كتبت بواسطة mecha

عارف احلي حاجة ايه حضرتك ,بس هكلفك حبة
تركب بار قطره خلفي ,واللي هيلمسك هيتخرشم,زي الصوره بس تحط صاج حديد بقلاوة بدل الالمونيا وحتة راس القطرة اللي في النص دي يا بخت اللي يرشق فيها هتملط مصارين اكصدامه

أعجبت بالفكرة الصراحة وطريقة عرض حضرتك ليها :))

ومنظره مرعب الصراحة :) تركبعلي ال f3 دي ؟؟

وفين وتكلفتها قد ايه ؟؟