الموضوع: إستطلاع نهاية 2014: فى رأيك ما هى أفضل فئات الفلوانس فيس ليفت كقيمة مقابل المال؟

سؤال صعب بصراحه , لانه انا شايف كل فئاتها كقيمه مقابل مال كويسه . مش عارف اختار ايه :)

هو ايه الفرق مابينهم اصلا ؟

المشاركة الأصلية كتبت بواسطة ali ashraf

الأخ الفاضل / م هانى سعد علشان اكبر فائدة ممكنه و تسهل فى اتخاذ القرار عند شراء سيارة جديدة يا ريت حضرتك تعد لنا تقرير مبسط عن الفروق بين فئات الفلوانس و المزايا و العيوب لكل فئة انا عارف ان ده هيحتاج مجهود مش قليل بس الفائدة عامة و من العشم طبعا

http://www.nilemotors.net/Nile/452985-a.html

المشاركة الأصلية كتبت بواسطة yasser100

http://www.nilemotors.net/nile/452985-a.html

بعد الموضوع المميز جدا للاستاذ ياسر
اعتقد ان افضلهم الفئه الثالثه
خصوصا ان الفرق 8 الاف جنيه في فتحة سقف وسينسور

باشمهندس هانى .. عوداً حميداً
القسم منور النهاردة بموضوعين مرة واحدة .. ربنا مايحرمنا من موضوعاتك

بصراحة الإختيار صعب زى ماقال الأخ ياسر لأن كل فئة منها من وجهة نظرى تعتبر أفضل قيمة مقابل المال فى حدود شريحتها السعرية

أنا بالتأكيد إخترت الفئة الهاى لاين لأنها كانت فئتى المختارة عن إقتناع كامل

ولكن لو أخذت فى الأعتبار ثقافة وإحتياجات وميول الشريحة الأعرض من المستهلكين فسيكون الإختيار للفئة الثانية أوتوماتيك بسعر 169500 ولهذا فهى الفئة الأكثر إنتشاراً والأكثر طلباً وهى الفئة التى أقدمت فعلاً على حجزها بعد دراسة مستفيضة للسوق .. إلا أننى بعد إعادة نظر وتفكير عميق وروية إخترت الهاى لاين وخصوصاً بعد منحى خصم 2000 جنيه وقتها لتصبح بسعر 186000 تحقيقاً لأولوياتى وهى بالترتيب :
# عدد 6 إير باج بدلاً من عدد 2 فقط (الأمان فى المقام الأول)
# فرش جلد كامل (لأننى كنت حفصل فرش جلد لو كان الفرش قماش .. إتعودت على الجلد)
# إضاءة زينون ( مريح جداً خصوصاً فى السفر بالليل)
# باركينج سينسور ( مهم جداً بالنسبة لى خصوصاً مع أبعاد الفلوانس )
أما فتحة السقف فلم تكن من أولوياتى وقتها (ماإتعودتش عليها) وإن كنت مع الوقت وإستعمالى لها أجدها ميزة جميلة وممتعة وخصوصاً فى غير أوقات الحر الخانق الذى يجبرك على إستخدام المكيف

وتقبل تحياتى ،،،