سلام عليكم
قصة كده مريت بيها شخصيا
حزام الامان بتاع السواق , مع الوقت بقى ما يلمش لوحده
لما حصل ده اول مرة , و كانت العربية لسه في الضمان , غيروا لي الحزام كله في التوكيل
لكن سنتين و حصلت نفس القصة تاني , و رحت جبت حزام استيراد و ركبته
بس ده معدل عالي , حتى بالنسبة لواحد زيي لابس الحزام على طول
المهم
السروجي و هو بيغير الحزام انا كنت قاعد فوق دماغه
لاحظت ان الحزام القديم بيرد كويس اوي في الجزء اللي بيبقى جوة القايم , و مش بيرد خالص برة القايم
اكتر من حد شغال في الميجان قال لي ان السوستة اللي بتشد الحزام ترده بتضعف مع الوقت
و ده وارد
اللي لاحظته زي ما قلت ان المكنة بترد الحزام في الجزء اللي جوة القايم
و اللي لاحظته كمان ان الحلقة الحديد اللي بتثبت الحزام في قايم العربية في الحزام الاستيراد ناعمة خالص , في حين انها في الحزام القديم في الاجزاء اللي بيحتك بيها الحزام بقت خشنة .... مش عارف ازاي
هل ده السبب ؟ مش عارف و مش قادر اقول اه او لأ
بالنسبة لي هو احتمال و مش عارف هل تطليع الحلقة و بردها و صنفرتها ينفع ولا لأ و يبقى حل ولا لأ
شاركوني بأفكاركم و بتجاربكم لو حد له تجربة
المفضلات