ميجان 2006 ستوك استلام 2008

**sherif elsayed** · 03-11-2008 03:13 PM

يا جماعة انا اشتريت ميجان 2006 كانت ستوك عند طارق اسماعيل مستلمها اخر شهر 6 2008 و فيها ضمان حتى 27 سبتمبر 2009 كاملة بفتحة سقف و فرش جلد لونها فيرانى غامق و العربية عاملة معايا حوالى 12500 كم كلهم سفر قاهرة اسكندرية لأنى ساكن فى المعادى و شغلى فى المعادى و بسافر اسكندرية ويك اند بس و بفكر ابيع العربية مع العلم اللى زيها ستوك برضه بتتباع 126 الف والوان بيستاش و ازرق مش فيرانى(اللون ده مش موجود حاليا فى اللى موجود ستوك) ....ابييع بكام ؟؟؟؟؟ ارجو المساعدة ضرورى لان كل عروض الأسعار مش حاطه فى الاعتبار انها ممكن تكون لسه فى الضمان لمدة سنه تقريبا وانها ماشية فى شوارعنا 5 شهور فقط و مش مستهلكة بالمرة ....شكرا

**Sharky** · 03-11-2008 03:33 PM

هى العربية كان ضمانها سنة و ثلاث شهور ؟

**sherif elsayed** · 03-11-2008 04:16 PM

تمام طارق كان تاريخ استلامه للعربية 27 سبتمبر 2006 و ضمانها سرى حتى 27 سبتمبر 2009 و الكلام ده طبعا انا متاكد منه من التوكيل و موجود عندهم على السيستم بتاعهم . انا عارف ان 2006 المفروض ان ضمانها كان سنتين مش تلاته بس ده ال deal بتاع طارق مع الوكيل لانه كان واخد ستوك كبير مالحقش يتباع والكلام ده اكيد من الوكيل و ممكن التاكد منه من رقم شاسيه العربية

**Sharky** · 03-11-2008 04:20 PM

هى الفوانيس الجديد و لا القديمة ؟

**sherif elsayed** · 03-11-2008 04:23 PM

الفوانيس القديمة 2006 مش 2008 و الكاسيت cd audio not MP3

**Sharky** · 03-11-2008 04:28 PM

رأى الشخصى 100 -105 الف لإنها الفوانيس القديمة

**وائل عطية** · 03-11-2008 04:30 PM

ممكن أعرف حضرتك عايز تبيعها ليه؟

**sherif elsayed** · 03-11-2008 04:32 PM

نور التابلوه برتقالى مش ابيض و بدون مثبت سرعة و على فكرة كم الضمان 60000 مش 100000 او حتى 27-9-2009

**sherif elsayed** · 03-11-2008 04:40 PM

عايز الصراحة انا بقالى سنة غيرت فيها اربع عربيات منهم لانسر 1998 وبعتها بعد شهر و اوبترا 2008 زيرو بعتها بعد شهرين ورينو كليو 2003 بعتها بعد 4 شهور و الميجان و ادينى بابيعها بعد 5 شهور ...مش مقتنع باى عربية فيهم مع العلم انا ماكنتش راكب المرسيدس يعنى و بتأمر لأ عربيتى القديمة كانت مازدا 323 م 82 بس كانت معايا من 1986 و كنت بعمل كل حاجة فيها بايدى و حافظها ...الظاهر لما اتخليت عنها و بعتها دعت عليا ربنا يقل راحتى

**وائل عطية** · 03-11-2008 04:43 PM

شكراً على سرعة ردك..ربنا يرزقك خير منها إن شاء الله
بس علشان الفايدة تعم ياريت تقول لنا انطباعاتك إيه عن العربية (سلبيات وإيجابيات)
وإيه اللي مش مريحك فيها بالظبط