محتاج افك الفتيس

**اوبل 2** · 16-01-2015 10:02 AM

بعد السلام عليكم عندى مشكلة كبييرة الاولسية بتاع زور الفتيس من ناحية بلية الدبرياج بتنقط على طوووول زيت فتيس وبزود زيت كل اسبوع فى المنتدى قراءت ان ممكن الفتيس يتفك بدون رفع المتور علشان التكييف بشحن البلد وكذلك البور اما اللدرياتير والباقى كلة إن شاء الله سهل.وانا نزلت تحت العربية وفكيت المصفحة لقيت الفتيس صعب يطلع علشان هيصد فى الكمرة وعلى المنتدى قالو ان الكمرة بتتفك طيب ازاى وهى رابط عليها العربية كلها ..ياريت شرح فك الفتيس وتخليصة من الكمرة ..والكمرة دى تتفك ازاى مع الشرح الواضح والممل...ولو كان فية صور ولكم كل الشكر الجزيل

**احمد فهمى** · 16-01-2015 11:42 AM

بيتفك منغير فك المتور طبعآ المتور بيتعلق بونش او فلوكه خشب تمسكو من فوق عشان ميسقطش بعد فك الفتيس وقاعدته حاول تغيرو عند ميكانيكى اوبل

**Mecha** · 16-01-2015 02:33 PM

هي شغلانة رزله , الغباوة في السب فريم حايش الفتيس ,في موديلات حلوه بتحل السب فريم من ناحية الفتيس .لو مفيش .زي ا.احمد فهمي اتفضل هتصبن المتور ,تحل مسامي الصب فريم الامامي ,حمل الفتيس بكوريك وخشب ,حل قواعد الفتيس ,حل مسامير الداير مع المتور
نزل المتور تحت شويه قيمه تعدي الفتيس بره العربيه
غني عن التعريف هتحل دكمة التعليق بالصره بالفرامل عشان المكان ,ولازم ترفع العربيه من الاول كفايه و تريحها علي كفاليتات مش طوب
-في طريقه عملتها من غير ونش ,حليت الصب فريم من اشاسيه بس محملو علي كوريكين ,اللي ناحيه المتور ينزل شويه واللي ناحيه الفتيس انزل بيه لحد ما فيه مكان يعديه بره ,تطليعه معقربه ولا بتولد عاقر

**Mecha** · 16-01-2015 02:37 PM

التكييف ياريس هتحل مسامير الكمبلوسر وتشيلو بخراطيمو وتلقحو علي جنب
كان الله في العون متعة الالماني

**اوبل 2** · 16-01-2015 02:54 PM

والله اناشايف فك المتور احسن 1000مرة من الغلب دة والاولسية لو حد يعرف رقمة والنوع الى يشتغل تمام علشان افك وجمع على طول ..انا عربيتى 97.1600.منول 131000كيلو بس ان عندى العربية بتقف كتير جدا والجراج فية نسبة رطوبة وسقعة كبيرة

**Mecha** · 16-01-2015 03:05 PM

وبالمره غير اسطوانه ,فك المتور شغلو اكتر,وطالما رطوبة وسقعه خليه للصيف

**اوبل 2** · 16-01-2015 04:59 PM

ياعم فادى هوده الى كنت هكلمك علية فين ردك بالفصيل

**فادى محمد** · 16-01-2015 09:30 PM

المشاركة الأصلية كتبت بواسطة اوبل 2

ياعم فادى هوده الى كنت هكلمك علية فين ردك بالفصيل

حبيبي.انا معاك ان شاء الله بس سامحني الجمعه بارتاح شويه..
بص يا باشا..
انا فكيت الفتيس 3 مرات بنفس الطريقه..مؤرف جداا للصنايعي بس احسن بالنسبالك..
هتفك ..
-البطاريه بالقاعده بتاعتها علشان توسع لنفسك من فوق للشغل
-الفرده الشمال بالكوبلن بتاعها هيطلع بره وتفك الصره من علي البيضه بتاعتها وتسيب المقص سايب كده...
-قاعده الموتور الشمال تتفك وتخرج بره.سهله مش صعبه
-قاعده الفتيس الخلفيه .سهله برده
-هتفك كوبايه الكوبلن الشمال من الفتيس بس من غير ماتخرج الكوبلن..
-شيل خرطوم السيرفو علشان هتسند بايدك غصب عنك وممكن يتكسر .للطمانينه شيله..
-فك مسامير داير الفتيس (الحله)
-حمل الموتور علي كوريك ولازم حد يساعدك لانك هتحتاج مساعده .
-ارفع الكوريك سنه بسنه وانت بتشد الفتيس لبره ولتحت علشان تخرج عامود الدريك من المشنشر بتاعه في الاسطوانه..
-لما الفتيس ينزل .ابدا اتعامل بقي مع مسامير ترس الفولام 6 مسامير مقاس 17 مل ( في دليل لمسمار تثبيت الترس في قاعدته علشان مايلفش معاك وانت بتفكه)
-خرجت ترس الفولام ..فك بقي مسامير الديسك وخرج الاسطوانه هيبان وراهم بكره الكرنك اللي حواليها الجوان..
++شفت الموضوع مؤرف قد ايه؟؟

تعالي بقي نتكلم عن الاويل سايل نفسه...
هتخرج الاويل سايل بطرف المفك وتنظف بالبنزين وتركب الاويل سايل الجديد ..
ولو اني افضل تكنيك تاني للتركيب افضل واضمن بس هتحتاج تفك كارتيره الزيت كمان (14 مسمار مقاس 10 مل) تحت الكارتيره من ناحيه الاويل سايل قاعده الطرف بتاعه كرسي الكرنك
هتفكها (مسمارين نجمه مقاس 12 مل) وتخرج التربيعه دي بره. اول ماتخرج هتلاقي الاويل سايل بيخرج معاها بسهوله. نظف بالبنزين ولاحظ ان التربيعه دي فيها لحستين سليكون قبل التركيب.
ركب الاويل سايل بسهوله واحتراف وركب كرسي الكرنك عليه واربط كويس .وشكرا

كل اللي فات ده كوم وحاجتين مهمين جدااا كوم تاني..هما نوع الاويل سايل - تركيبه .علشان كده بقولك فك كرسي الكرنك اللي تحته..

انواع الاويل سايل..
الاصلي اللي راكب عندك sabbu برازيلي ده اللي بيتباع في التوكيل مقاسه 408 298 90
بره في انواع كتير..
انا جربت جلاسير اسباني ممتاز جدااا بس مش موجود دلوقتي,قليل شويه
اللي هتلاقيه
victor ranze وده الماني ,الشركه دي محترمه جداا ب100ج
وفي نوع اسمه elrng الماني برده . ماعرفش عنه حاجه .

++علشان الموضوع كبير..فك بفك بقي. لو عاوز تغير طقم الدبرياج او جوان كارتيره الزيت غيرهم بالمره .نظافه وتحس انك راكب زيرو مش كل شويه هتفتح وتصين..

للاسف مفيش عندي صور. بس اي سؤال انا مستعد ان شاء الله.ربنا يوفقك