الموضوع: فلوانس فيس ليفت بعد مرور عام...إحصائيات و مصروفات التشغيل

ربنا يمتعك بخيرها دايما يارب بس اللي لفت نظري هو عدد الكيلوات ماشاء الله 17 الف بس

انا اول الشهر كملت سنة كنت بعمل صيانة 25 الف

يمكن بسبب 30كم يوميا و سفر القاهرة و الغردقة

المشاركة الأصلية كتبت بواسطة Hany Saad

الحمدلله اتميت عام بالتمام و الكمال بالفلوانس فيس ليفت و دى بعض الأحصائيات الخاصة بالسيارة و مصروفات تشغيلها علها تكون مفيدة للى بيفكر فى العربية

- الفئة هاى لاين e3sr
- السعر : ١٨٨ الف جنيه
- الكيلومتر المقطوع : ١٧ الف كم
- نوع الأستخدام: ٢٥ كم يومى داخل الأسكندرية و سفر للقاهرة مرة كل أسبوعين فى المتوسط
- متوسط الكم المقطوع شهرياً: 1400 كم
- نوع القيادة : هادئة و اثناء السفر سرعة 100 كم/ساعة مع مثبت سرعة طول الطريق
- أستهلاك البنزين المتوسط بالنسبة لقيادتى: ١٢ كم/ لتر
- عدد لترات البنزين المستخدم خلال السنة او ال ١٧ الف كم (متوسط) : ١٤١٦ لتر
- مصاريف البنزين ٩٢ خلال السنة: 1416x2.6 = 3681 جنيه مصرى
- مصاريف البنزين ٩٢ الشهرية (متوسط) : 3681/12= 306.75 جنيه مصرى
- مصاريف صيانة فى التوكيل و هى صيانة ال 10 الاف كم ( غيار زيت و فلتر زيت فقط): 920 جنيه مصرى
- مصاريف صيانة نثرية: 40 جنيه نيتروجين للعجل + 40 جنيه اصلاح ثقب فى العجلة + 100 تشحيم و خلافه
- اجمالى مصروفات صيانة نثرية: 180 جنيه
- قطع تم تبديلها تحت الضمان: قطمة دريكسيون + مسطرة لمبات led من وقت الأستلام
- شكاوى او اعطال اخرى ظهرت: لا يوجد
- شكاوى اثناء صيانة ال ٥ الاف المجانية: لا يوجد
- شكاوى اثناء صيانة ال ١٥ الف المجانية: لا يوجد
- اصوات داخلية من التقفيل او التابلوه سواء تزييق او خلافه: الحمد لله لا يوجد
- حك فى المطبات : لا يوجد طوال استخدام سنة
- لا توجد اى مشاكل بالمرة من استخدام بنزين ٩٢ من اى محطة بغض النظر عن جودته
- رجة او رعشة فى الموتور: لا يوجد
- تصفير فى الفرامل: لا يوجد
- استخدام لأسرة: ممتازة
- استخدام للسفر: ممتازة
- برستيج و فخامة : ممتازة
- استخدام و سواقة شبابى: جيد جداً
- أشياء غير راضى عنها:
* إضاءة الفوجات ضعيفة على عكس الميجان اللى كانت معايا
* طلاء الأكصدام الأمامى كان ممكن يكون أحسن من كده
* العربية ثابتة و جميلة و لكن مقارنة بالميجان و علشان طولها بحس الميجان ثباتها اعلى

مصاريف التشغيل السنوية:
3681 + 920 + 180 = 4780 جنيه

الحمد لله انه وفقنى لاختيار لهذه السيارة، و راضى عنها تماماً بعد مرور سنة
تحياتى

أعجبنى اﻵتى:

1 - فكرة الموضوع

2 - عناصر الموضوع

3 - دقة اﻹحصاءات و منطقيتها

أتمنى لو أن صاحب كل سياره قدم عن سيارته ما قدمته أنت لنا.

ربنا يبارك لك فيها ويعطيك خيرها
بسم الله ما شاء الله

موضوع هايل جدا تحياتى _ حضرتك كنت من ضمن الأسباب الرئيسية لشراء الفلوانس _ إن شاء الله هستلمها اوف وايت يوم الحد