الموضوع: تجربتي مع رينو سانديرو الشكل الجديد

العربيه معايا عامل بيها دلوقتي 27 الف كيلو
العربيه عامه عربيه كويسه الفنش بتاعها مش قوي اوي بس بالنسبه للعربيات اللى فى فئاتها تعتبر الافضل يعني سعر كويس مع كماليات كتيير

العربيع اول ما جبتها كانت كويسه جدا فى الثبات ممكن بعد مطبات وطرق بلدنا الموضوع خنلف شويه وبقيت احس بان العربيه فعلا بتجري بعد ال 140

العربيه السحب بتاعها سىء يعني لو بتجري على الصحراوي وحبيت تعدي ال 160 او حتي توصل 150 هتتحايل عليها وكمان رجلك هتوصل لاخر دواسه البنزين

مثبت السرعه هايل على الطرق السريعه

العربيه صاجها حلو جدا وتقيل والعربيه عاليه مش بتفرق معايا فى اى مطبات والحمد لله

التوكيل محترم جدا بس كعاده اى مكان لازم تزعق علشان تاخد حقك اول ما جبت العربيه كان فى صوت تنفيس طالع من الشكمان وتقريبا كان فى جوان من الشكمان منفس اعتقد وكان بيطلع صوت وحلو المشكله على الفور ومدير الفرع بنفسه راجل محترم جدا اعتذرلي بعد ما عملت مشكله

التوكيل مفيش فيه ترصيص وفى ظبط زوايا لكن لازم تحجز قبلها علشان فى عد عربيات معين فى اليوم


اسعار الصيانات كويس صيانه الالف كانت فى حوالي 400 وكسور والخمسه كانت مجانيه وصيانه العشره الاف كانت بحوالي 500 جنيه وكسور

سيانه العشرين كانت بحوالي 900 جنيه وبيغيروا فيها بوجيهات وزيت وفلاتر


تيل الفرامل عندهم بيتاكل بسرعه جداااااا


عامه العربيه تحفه جدااا ومش مزعلاني فى اى حاجه

سالت على الاكصطدام الخلفي بحوالي 600 فى التوكيل والامامى بحوالي 850 جنيه

ألف شكر على التقرير

فعلا هي عربية ناس كتير بتشكر فيها! كنت عاوزك تقولنا ديه ستيب أواي ولا سانديروا عادي، وبرضه انهي موديل المانيوال ولا الاوتو عشان الماتور بيفرق غالبا :)

وهل فعلا هي تقفيل مغربي، وأخبار التقفيل ايه الفبر وكده والتكييف طبعا والعزل واللدي منه!