المكنه و الفتيس ناشعين زيت

**andrew uwk** · 13-03-2015 08:01 PM

العربيه فكترا 1600 المكنه السوده

من فتره و المكنه و الفتيس ناشعين زيت خفيف خالص لكن انهرده لاقيت نقطه زيت نزلت اول لما ركنت

دلوقتي ايه احسن نوع في الجوانات و السعر ايه ؟؟
و كمان هغير القواعد فى نوع كويس ولا اجبهم استيراد ؟؟؟ و برده الاسعار ايه

و شكراا

**اشرف الحاوى** · 13-03-2015 10:08 PM

الموضوع مش موضوع جوانات اولا لازم تحدد الزيت بيجى منين ونوعة اية يعنى زيت ماتور ةلا فتيس ثانيا الاويل سيلات بتاعة المكنة دى هما عند الكامة اثنان واحد لترس التقسية والثانى للاسبراتير واويل سيل الكرنك وايل سيل طلمبة الزيت طبعا لو التسريب ناحية اليسار يبقى اويل سيل ترس التقسيمة او اويل سيل طلمبة الزيت ةالعكس هيكون الاسبرتير اة الكرنك (بعيد عنك ) نيجى للجوانات جوان وش الكامة وجوان وش السلندر وجوان الكارتير بالكشف عليهم ممكن تحدد . المشكلة مش فى اسعارهم المشكلة فى مصنعية ودبكة تغيرهم اسعارهم كلهم على بعض لو اصلى فى حدود 200 جنية بس طبعا مش هتجبهم كلهم التالف بس من كلامك كدة ونحية الفتيس لو مش جوان التكهات اويل سيل الكرنك

**احمد فهمى** · 13-03-2015 10:41 PM

محتاجه غسيل كويس ومتابعة مكان التسريب واشتري جديد مش استيراد بالنسبه للقواعد

**andrew uwk** · 14-03-2015 01:56 AM

طب بالنسبه للقواعد ايه احسن نوع ؟

**احمد فهمى** · 14-03-2015 08:04 AM

المشاركة الأصلية كتبت بواسطة andrew uwk

طب بالنسبه للقواعد ايه احسن نوع ؟

كلو صيني وشوف اللي شكلو بالفعل مصنع جيدآ ووريها للميكانيكي الاول والزيت اللي على الاسكاترا وتحت او نقط الزيت ده كلو تجميع من فوق وممكن يكون اكتر من جوان لذلك اغسل المتور واحوض كويس وراقب