رجاء من ملاك رينو ميجان

**virse** · 20-03-2015 12:35 AM

انا سمعت عن الرينو الميجان وعجبتني جدا جدا بس حاسس ان فيها مشاكل كتير وانا بعت عربيتي وكنت عايز اجيب رينو ميجان بس خايف ان اعطالها تكون كتير مع غلاء قطع الغيار يبقي مش هقدر عليها لو ممكن اي حد معاه رينو مكيجان ينصحني اجبها ولا لا ويقولي مشاكلها معاة ايه؟

**boeing787** · 20-03-2015 03:07 PM

دور علي حالة نضيفة زاكشف في التوكيل اوعي تغلط وتشكف عند اي حد برة علشان دا هايترتب علية كل حاجة وياريت لو موديل 2007 بس مش شرط يعني وبالنسبة للميكانيكية بتوع ميجان موجودين في صقر قريش بكثرة واشهرهم مصطفي وعادل زوايا ناس محترمة وشغلهم محترم وبالنسبة لقطع الغيار معمرة ومحترمة وفي حاجت غالية نسبيا لكن مش غالية بافتراء وممكن تسال علي قطع الغيار عند العسكري وكلوا موجود استيراد وجديد في صقر والحرفيين

**boeing787** · 20-03-2015 03:10 PM

وعلي فكرة عرببة محترمة جدا زي الاوكتافيا وزي الجيتا

**virse** · 20-03-2015 04:41 PM

المشاركة الأصلية كتبت بواسطة boeing787

دور علي حالة نضيفة زاكشف في التوكيل اوعي تغلط وتشكف عند اي حد برة علشان دا هايترتب علية كل حاجة وياريت لو موديل 2007 بس مش شرط يعني وبالنسبة للميكانيكية بتوع ميجان موجودين في صقر قريش بكثرة واشهرهم مصطفي وعادل زوايا ناس محترمة وشغلهم محترم وبالنسبة لقطع الغيار معمرة ومحترمة وفي حاجت غالية نسبيا لكن مش غالية بافتراء وممكن تسال علي قطع الغيار عند العسكري وكلوا موجود استيراد وجديد في صقر والحرفيين

شكرا علي الرد بس يعني لو جبت موديل 2008 او 2009 واكيد هكشف عليها في التوكيل وحالتها حلوة هتتعبني من كتر الاعطال والمصاريف ولا اجيب تويوتا ياريس احسن ؟

**M.Radwan** · 21-03-2015 09:53 AM

المشاركة الأصلية كتبت بواسطة virse

شكرا علي الرد بس يعني لو جبت موديل 2008 او 2009 واكيد هكشف عليها في التوكيل وحالتها حلوة هتتعبني من كتر الاعطال والمصاريف ولا اجيب تويوتا ياريس احسن ؟

لو جبت موديل 2009 حالة كويس هتعجبك أوي
الياريس فئة أقل من الميجان من ناحية الوسع والتجهيزات والخامات والثبات والأداء..وأكيد صيانتها ومصاريفها أقل

**virse** · 21-03-2015 12:23 PM

المشاركة الأصلية كتبت بواسطة m.radwan

لو جبت موديل 2009 حالة كويس هتعجبك أوي
الياريس فئة أقل من الميجان من ناحية الوسع والتجهيزات والخامات والثبات والأداء..وأكيد صيانتها ومصاريفها أقل

ربنا يسهل والاقي حاجة كويسه انا عجباني الميجان اوي بقالي كام يوم متابع امكانياتها وتفاصيلها في القسم بس خفت من اعطالها الكتير اللي الناس بتتكلم عليها

**fepsceasar** · 22-03-2015 12:06 PM

المشاركة الأصلية كتبت بواسطة boeing787

وعلي فكرة عرببة محترمة جدا زي الاوكتافيا وزي الجيتا

+11111111

**tal3oti** · 06-08-2015 09:27 PM

لو سمحتولى عندى مشكلة فى رينو ميجان ٢٠٠٨ كاتبة check injection وحاولت كتير مع ميكانيكى فى صقر جربت حساس مانيفول ومباين وكمبيوتر بوابة بنزين مفيش فايدة والاعراض بتاعتها وهى ماشية عادى تكتب check injection ومفيش سحب للعربية والار بى ام بيبقى على واحد ونص واخرها تمشى على خمسين اقف واعملها ريستارت ترجع كويسة وشوية وتقلب انا اعمل ايه فيها

**hilal** · 07-08-2015 06:58 AM

المشاركة الأصلية كتبت بواسطة tal3oti

لو سمحتولى عندى مشكلة فى رينو ميجان ٢٠٠٨ كاتبة check injection وحاولت كتير مع ميكانيكى فى صقر جربت حساس مانيفول ومباين وكمبيوتر بوابة بنزين مفيش فايدة والاعراض بتاعتها وهى ماشية عادى تكتب check injection ومفيش سحب للعربية والار بى ام بيبقى على واحد ونص واخرها تمشى على خمسين اقف واعملها ريستارت ترجع كويسة وشوية وتقلب انا اعمل ايه فيها

نبدأ بالأسهل
حاول تغيير فلتر البنزين أولا
ثم حاول تكشف على طلمبة البنزين ثانيا
ثم حاول تكشف على الرشاشات ربما تحتاج تنظيف