للاسف طحينه ومحتاج آرائكم وبسرعه

**ameros** · 08-04-2015 05:26 PM

الحكايه بإختصار شديد يوم الجمعه الماضل كنت بعمل شوية حاجات عفشه عند هاشم بعد ماخلصت روحت اجرب مشيت حوالي ٤ كلم بس بالصدفه ببص علي درجه الحراره لقيتها رايحه لل ١٠٠ تقريبا ٩٨ ودي اول مره اشوفها بصراحه ركنت وبطلت بسرعه ابص عالميه لقيت القربه منفسه ميه خفيف من عند الغطا سيبتها شويه وبردت وكملت ميه ومشيت حوالي ٦٠٠ متر سخنت سنه عن الطبيعي جه هاشم بسرعخ بصينا علي غطا الزيت لقينا شعرة طحينه شعره بمعني الكلمه قطرت العربيه لهاشم غيرنا طرمبه ميه ولغينا الترموستات وحط بودرة لحام فالقربه ودورنا دارت فل بدون ادني مشكله ومفيش اثر للطحينه حتي قبل تركيب الطرمبه ومشيت العربيه سبت وحد واتنين ورحت امبارح لهاشم ركبت ترموستات الكوع وخدنا هوا ومشيت مشوار بتاع ٣٠ كلم الحراره زايده عن المعدل الطبيعي سنه بس مفيش مشاكل ......................النهارده نازل محور وهوب فأخر الطريق لميدان لبنان والزحمه طبعا لقيت العربيه متلته ولمبة الاعطال بترعش وراحت منوره وهوب سخنت ركنت ابص لقيت طحينه سايستها لاقرب مكان تسخن وتبرد وسعات تعلي بس موصلتهاش لل ١٠٠ خالص وطبعا طبق الطخينه عالغطا
اعتقد كده اولع فالعربيه وفمحمد هاشم وبعدين انتحر معنديش حل تاني دا لو انتوا شايفين حل تاني العربيه بعتهالوا علي ونش لما اشوف

**ameros** · 08-04-2015 05:43 PM

حاجه نسيت اقولها كان في بوجيه رقم ١ اللي جمب الطرمبه علطول كان حريقه في صدا عيرنا البوجيه وتاني يوم اختفي الصدا اشتريت طقم جي ام لغايت اللي حصل النهارده ومش عارف حاجه طيب كده الجوان ضرب غرفة حريق وزيت ولا ايه مش فاهم

**احمد فهمى** · 08-04-2015 07:44 PM

بوجيه في صدا بسبب الميه اللي بتدخل عليه من الوش كده العربيه ضربت جوان وش سلندر هتفك الوش وتتفرج علي الدنيا مفيش حل تاني عندك هو مش ده هاشم بتاع البوبينه؟

**فادى محمد** · 09-04-2015 12:55 PM

ربنا يخلف عليك..
بسيطه ان شاء الله..
كده الجوان ضرب من ناحيتين..ناحيه الغرفه رقم 1 من مجره الميه ومنها لمجره الزيت المجاوره..
اعتقد الموتور اتعرض لحراره عاليه ومتواصله علشان كده الجوان ضرب.
هتفك تغير الجوان + ما يستلزم عمله في الوش حسب حالته..

**mbx4e** · 09-04-2015 02:40 PM

على حسب ؟؟ مش هاتقدر تعرف غير بالتجربه يعني تجيب السليم وتحطه قدام الفبر اللي راكب وتشوف
حتى لو اللي راكب سليم فالحراره اللي اتعرض لها اكيد اثرت عليه فالاقل تكلفه انك تغيره بدل ماتدفع مصنعيه فك وتركيب مرتين من ضمن التغييرات بالمره
ودا نصيب عادي جدا بتحصل مع اي عربيه واخبار الرادييتير وثرموستات الكوع اللي في وش السلندر راكب ولا ملغي ؟
الاعراض دي نتيجة اهمال في صيانة دورة التبريد او تحميل زياده على الموتور
انا اسف لتدخلي واحب اسمع راي فادي واستفيد منه

**ameros** · 09-04-2015 02:43 PM

المشاركة الأصلية كتبت بواسطة mbx4e

على حسب ؟؟ مش هاتقدر تعرف غير بالتجربه يعني تجيب السليم وتحطه قدام الفبر اللي راكب وتشوف
حتى لو اللي راكب سليم فالحراره اللي اتعرض لها اكيد اثرت عليه فالاقل تكلفه انك تغيره بدل ماتدفع مصنعيه فك وتركيب مرتين من ضمن التغييرات بالمره
ودا نصيب عادي جدا بتحصل مع اي عربيه واخبار الرادييتير وثرموستات الكوع اللي في وش السلندر راكب ولا ملغي ؟
الاعراض دي نتيجة اهمال في صيانة دورة التبريد او تحميل زياده على الموتور
انا اسف لتدخلي واحب اسمع راي فادي واستفيد منه

انت بتتكلم علي الوش ولا علي جنزير الكتينه
الراذياتير جديد وترموستات جديد وطرمبه ميه جديده انا اتخرب بيتي علي عربيه مش بتاعتي اصلا جديا بفكر ابيع الاوبل اللي عندي كله واشوف ياباني او كوري للاسف واكيد كل الالماني له نفس العيوب ده

**اوبل 2** · 09-04-2015 04:42 PM

ولا يهمك فداك 1000جوان بس انت من اول ما شوفت الطحينة فى غطاء التكيهات كان لازم تفك على طول ممكن يكون تاكل فى الوش بسبب الاملاح الى فى المية مش شرط تكون العربية سخنت علشان تجيب جوان بس احب الفت نظر حضرتك بعد ماتركب الجوان غير زيت نوع يكون عادى ودور المتور شوية او ادى مشوار قصير فضى الزيت تانى علشان تتخلص من اثرالمياة داخل المتور علشان السبيكة تفضل سليمة وبعد كدا حط الزيت الىمتعود علية ومتزعلش دى احسن من حا جات كتيييييييير:b4_556::b4_556:

**احمد فهمى** · 09-04-2015 05:10 PM

المشاركة الأصلية كتبت بواسطة ameros

[gdwl]لا دا محمد هاشم صاحب مركز الصيانه[/gdwl] اللي قوطنيه الوفاء والامل عند مسجد السلام [gdwl]معنديش خلفيه عن هاشم بتاع البوبينه[/gdwl] الصراحه بس خليني اوضح حاجه ان هاشم دا راجل مش بس محترم لا دا ممكن يعملك اللي انت عاوزه فعربيتك ولو هتكلفه اد تمنها مرتين من غير ميقولك هات فلوس [gdwl]هاشم دا بتاع البوبينه[/gdwl] زباينه ناس محترمين لانه محترم [gdwl] هاشم بتاع البوبينه[/gdwl] اخلاقه تخليك وتجبرك انك متتعملش مع حد تاني [gdwl]هاشم بتاع البوبينه[/gdwl] بيعمل للناس شغل وتجارب قطع غيار بتكلفه فلوس عشان يرضي زباينه [gdwl]هاشم بتاع البوبينه [/gdwl]لما بيكشف علي عربيه بالجهاز مثلا بيعرف يحدد المشكله اللي تسببت فظهور العطل دا [gdwl]هاشم بتاع البوبينه[/gdwl] صلح عربيه الراجل ابو بوبينه اللي بوظهالوا [gdwl]صاحبك طناني[/gdwl] [gdwl]هاشم بتاع البوبينه [/gdwl]مش زي اصحاب الورش او المراكز اللي فتحنها عشان يشفطوا الزباين ويلبسوهم العمم [gdwl]هاشم بتاع البوبينه[/gdwl] والكلام دا يعرفه عاشور لما وديتلو العربيه بتاعت نسيبي الاسترا النبيتي خطها عالجهاز وكشف عليها فوق ال ١٥ مره عشان يحدد مشكله معينه مش حط وامسح ايرورز زي بقيت اللمو اخذه ميكانيكيه بيتعامل مع الناس من منطلق ان عربيتك عربيته ومشكلتك مشكلته [gdwl]هاشم بتاع البوبينه اسمه المهندس محمد هاشم[/gdwl] يا استاذ احمد
مع الشكر

يعنى كده هو نفسو؟؟؟ وهل ده نفس الشخص المقصود فى عنوان موضوعك انك عايز تولع فى او العربيه؟؟ عمتأ لو كما وضحت يبقى معندكش مشاكل الحمد لله وعربيتك سليمه او هترجع سليمه ان شاء الله ....

وبالنسبه لطنانى الجميع يعلم انه شخص محترم ولا خلاف عليه ومن اعمدة المنتدي مش قسم اوبل بس وهو اخ فاضل قبل ان يكون صديق ...