الموضوع: عايز اعمل للعربيه سوند سيستم فى حدود 1200

بص يا سيدي عدة الصوت دي عبارة عن :

1- كاسيت
2- سماعات دي بتركب على الكاسيت عادي مافيش فيها مشكلة
3- جي ام

الجي ام ده جهاز بيكبر الخرج بتاع الكاسيت ,, يعني لو الكاسيت الخرج بتاعه مثلا 52 وات يقوم الجي ام يتوصل عليه ويديلك خرج مثلا 500 وات !! او اكتر على حسب نوع الجي ام

طب ايه فائدته ؟؟ انك النهارده لما بتيجي تركب صب او بازوكا

الصب او البازوكا دي بتبقى سماعة كبيرة حبتين وبتطلع صوت بيز ,, السماعات دي بتبقى محتاجة خرج عالي عشان تشتغل فامينفعش تشتغل على الكاسيت بس

فلازم تركب جي ام يتوصل بالكاسيت يكبر الاشارة ويديها للصب او البازوكا عشان تشتغل

فانت ممكن تكتفي بكاسيت كويس على سماعتين نضاف والموضوع كدة هيبقى تمام بالنسبالك

حاسس انك عايز تزود البيز حبة يبقى هتشتغل جي ام وتركب عليه صب وتوصله بالكاسيت