بالله عليكم ارجوكم افيدوني افادكم الله

**super_keko** · 19-07-2015 11:39 PM

والله عظيم انا اتخنقت وتعبت

مش عارف كل ما الاقي عربية الاقي في خزوق

المهم بداية وانا بدور انا كنت نفسي اشتري عربية الماني فا روحت علي فولكس ولما لاقيت عربية كويسة الي هي سوران موديل 2009 المهم روحت وشوفتها ولاقيتها تمام بس ربنا هداني علي واحد قطع غيار مختص بفولكس قالي العربية دية مش الماني قولتلة انت بتهرج قالي اهرج وضحك بس مكنتش مقتنع بس قالي انها برازيلي وقالي بولو صيني لان في واحد عرضها كسر زيرو 78 الف وغير كدة قطع غيرها مش متوفرة غيرت رائي خالص عنها

روحت للبيجوا ولما لاقيت عربية 307 sW لاقيت امة لا الله الا الله بتشتكي منها بعد ما فرحت مش امكانيتها وشكلها

ارجوكم بالله عليكم انا مخنوق انا عاوز ناس تكون امينة في كلمها لان الفلوس الي معاية تعبت فيها اوي ومش عاوزها تروح في الهوا

انا عاوز استشارة منكم اية العربية الي تكون قريبة من الماني في كفائتها و تكون اوتوماتيك او استربتونك وماتكون فيها عيوب كتير تظهر لي فيما بعد لان انا مش حمل مصاريف تاني بعد شرائها

انا ميزانية بتاعتي 85000 حد اقصي

**lada2010** · 20-07-2015 12:56 AM

ممكن تزويد الى 90 وهات اوكتافيا موديل 2008 او 2009 بس ياريت هاى لاين عربية جميلة جدا

**svneleven** · 20-07-2015 12:52 PM

طب ما تجرب ال سوبارو. ياباني بطعم الالماني و قطع الغيار موجودة في التوكيل و معمرة جدا.

**ahmedsrs** · 20-07-2015 01:04 PM

بدال تعبان فى الفلوس وعاوز عربية كويسة واعادة بيع تمام خليك فى الكورى ابن عم اليابانى ولو مصر على الالمانى هات الشيفورليه لانوس موتور المانى وشاسيه وعفشة المانى تبع شركة اوبل الالمانى الى اشترتهاشركة شيفورلية الامريكانى وحاطة عليها علامة الشيفورلية وبتتجمع فى الصين والهند وروسيا تحت اسماء اخرى وعلى فكرة الاسكودا تشيكى مش المانى

**خالد دياب** · 20-07-2015 02:51 PM

مفكرتش ليه في اللنسر

**adorehearts** · 20-07-2015 05:14 PM

السوبارو والمازدا 3 ياباني بطعم الالماني و قطع غيرها موجودة فى كل حتة ومعمرة بالتأكيد

**super_keko** · 20-07-2015 08:27 PM

هههههههههه حلوة موضوع بالطعم الالماني مافيش بطعم الجبة المتبلة :d

الف شكر بس انا عاوز عربية تكون شديدة وفي نفس الوقت الماني ياريت لو في ناس مجربة عربيات كتير تقولي
انا عاوز عربية الماني في حدود الفلوس الي معاية تكون في اماكنيات عاليا

انا كنت بفكر في المزدا بس ناس بتقولي بلاش علشان واطية وبتحك في الارض

طيب اية يا جماعة العربية الي تكون كويسة بالله عليكم

**super_keko** · 22-07-2015 03:54 PM

بصراحة انا مش عارف االناس تيجي هنا وتقرا الموضوع كلة وتمشي ياخي سيب رايك
وفين المشرفين المنتدي الي اكيد عندهم وجة نظر كويسة ياجماعة بجد عيب عليكم تبخلوا بمعلومة للناس