عربيتى (كليو 2003 1200 CC )
النهاردة كنت ماشي بيها و زى الفل (مشيت حوالى 10 كم) بعدها ركنتها وعشقت الاول (نسيت انى صلحت فرامل اليد) ولما جيت اركبها نسيت الاول و دورتها و نطت طبعا طفيتها و رجعت الغيار و جيت ادورها لقيت لمبة الزيت منورة دورتها فضلت لمبة الزيت و STOP يرعشوا طول الوقت مشيت بيها شوية كانوا بيروحوا و يرجعوا يرعشوا تانى ريحتها ساعتين و رجعت اركبها تانى نفس الكلام .


على فكرة انا لسا مغير تيل الفرامل (امامى + خلفى ) من يوم .
و الحكاية دى حصلت معايا من شهرين او تلاتة بس كان اخف من كدا بكتير كانت بتيجى مرة كل 10 ايام ولا حاجة ساعتها شكيت انها الفرامل فضلت ساعتها اجرب حاجات كتير كدا و بعدين هي راحت لوحدها بعد كام يوم , دلوقتى عملت كل حاجة مش عايزة تروح و شغالة طول الوقت .

فيديو من داخل العربية :
https://www.youtube.com/watch?v=iV4DVMfGKIA



علما بأنى فحصت
زيت الموتور , الفتيس , الفرامل . و شيلت كابل البطارية و ركبتها تانى و اكدت على الفيوزات .