السلام عليكم ورحمة الله وبركاتة
هشتري كاسيت بايونير من الامارات وعملت بحث ولقيت انواع كتير بأرقام تلغبط مش عارف احفظ منهم رقمين على بعض ومش عارف احدد الموديل الكويس
انا مركب سماعتين بايونير 250w صوتهم كويس على كاسيت كلاريون بتاع اللانوس ومركب سماعتين ف البيبان بايونير برضو بس تقليد 50 وات
طبعاً الكاسيت شرايط بس صوتو فى الراديو جميل جداً وخايف اجيب حاجة تطلع صوتها نقاءه اقل من كدة فى الراديو
من خلال البحث عرفت ان البايونير احسن من الكينود بسبب مشكلة السى دي اللى بيعلق ف الكينود
واحسن من السوني اللى كلو اوبشنز
المهم انا عايز كاسيت الخارج بتاعه كويس عشان اسمع صوت نقى مش لازم هبد ورقع بس صوت نقى وياريت لو 5 او 7 باند وكالار وحركات واقدر اربطه بالموبايل بلوتوث واشغل اغاني من الموبايل ومش ضروري الاوبشن بتاع الجي ام والصب
واخر طلب لو حد موجود فى الامارات ياريت يدلني على مكان اجيب اشتري منه
وشكراً