تغير بطارية الفليونس

**hic** · 07-10-2015 10:27 AM

الاخوة الاعزاء برجاء النصيحة عند تغير البطارية للفليونس هل فى مشكلة من فصل كابلات البطارية و لا ح تأثر على كمبيوتر العربية و لا الاحسن أفك الكابلات و العربية دايرة
و كمان هل فى طريقة لازالة علامة مفتاح الصيانة فى حالة تغيير الزيت خارج التوكيل
برجاء الافادة و شكرا

**ALshahba** · 07-10-2015 11:07 AM

من خبراتي المتواضعه فى تغيير البطاريه ........... يتم تصفير العدادات وكمبيوتر الرحلات واعادة ضبط المصنع في الساعه
اما بالاخص في الفلوانس تحديدا ...... لا اعرف برجاء الافاده من الاخوه مالكيها

بالتوفيق

**Hany Saad** · 07-10-2015 11:18 AM

المشاركة الأصلية كتبت بواسطة hic

الاخوة الاعزاء برجاء النصيحة عند تغير البطارية للفليونس هل فى مشكلة من فصل كابلات البطارية و لا ح تأثر على كمبيوتر العربية و لا الاحسن أفك الكابلات و العربية دايرة
و كمان هل فى طريقة لازالة علامة مفتاح الصيانة فى حالة تغيير الزيت خارج التوكيل
برجاء الافادة و شكرا

يفضل تغييرها و العربية دايرة علشان تحتفظ بكل معلومات الكمبيوتر، تحل الطرف الأرضى الأول و بعدين الموجب و بعد التغيير تركل الطرف الأرض الأول و بعدين الموجب و لكن عايزه كهربائى بيفهم علشان متعملش قفله معاه.

لو حليت الكابلات و العربية مطفية، هتضطر تعيد برمجة الأتى:
1- الساعة
2- محطات الراديو المتخزنة
3- الأربعة زجاج كهربا علشان يرجعوا يشتغلوا لمسة واحدة (ارفع الزجاح بالزرار لحد ما يقفل و أفضل مثبت أيدك على الزر لمدة ثانيتين بعد ما الزجاج يقفل و هكذا بالنسبة للأربعة زجاج)
4-درجة حرارة التكييف

بالنسبة لعلامة الصيانة المفتاح و كيفية إزالتها....من أزرار دراع المساحات، هات شاشة رسالة تغيير الزيت، ثبت أيدك على أحد أزرار دراع المساحة لفترة طويلة....هتلاقى الشاشة بتروح و تيجى و بعدين عداد غيار الزيت أتصفر و ابتدى يحسب 10 ألاف كم جداد و علامة مفتاح السرفيس أختفت

تحياتى