رينو في مصر

**Mohamed shokri** · 09-12-2015 02:02 AM

كنت عايز اعرف راي الناس في الرينو دلوقتي في مصر ؟ مستوى العربية ؟ و قطع الغيار غالية متوقرة ؟؟ في مشاكل منتشرة في نوع معين ؟! الوكيل ؟!

**pepo2011** · 09-12-2015 10:04 AM

مشاكل ارينو في الوكيل وقطع الغيار
غير متوفرة خارجا وغالية

**Hany Saad** · 09-12-2015 12:16 PM

المشاركة الأصلية كتبت بواسطة Mohamed shokri

كنت عايز اعرف راي الناس في الرينو دلوقتي في مصر ؟ مستوى العربية ؟ و قطع الغيار غالية متوقرة ؟؟ في مشاكل منتشرة في نوع معين ؟! الوكيل ؟!

رأى الشخصى أن الرينو زيها زى أى عربية فى السوق، طبعاً انا بتكلم عن الموديلات الحالية و بعد ما تحالفها مع نيسان أظهر ثماره و رفع جامد من إعتماديتها
مفيش مشاكل منتشرة و العربيات كويسة زيها زى أى عربية فى السوق
بالنسبة لقطع الغيار، غالبية المتوفر فى السوق مضروب بالنسبة لكل الماركات...ليه بأه؟ لأن الشركات الكبيرة مش بتبيع قطع غيارها فى السوق و لا أون لاين....طيب التجار دول بيجيبوا قطع الغيار منين؟؟!
طبعاً كلها قطع تقليد و بدون أى مواصفات قياسية و غير معمرة بالمرة و هتبهدل العربية و عمرها الأفتراضى بعد فترة قصيرة....رخيصة طبعاً إنما مش معمرة و خطرها أكتر من نفعها و هتبقى زبون مستديم عند الميكانيكى
السؤال: هل ينفع أبقى دافع 160 الف جنيه مثلاً فى عربية و مش عايز أصلح فى التوكيل؟؟
أكيد لو مش قد التصليح و قطع الغيار فى التوكيل يبقى موضوع الشراء من أساسه كان غلط
و ده بيسموه ال running cost....لازم أدرس سعر الشراء و أهم منه سعر التشغيل
الرينو سعر قطع غياره و مصنعياته زى الكيا و الهيونداى و الكورولا و كل العربيات اللى فى نفس الفئة...فروقات طفيفة جداً ما بينهم
كتوكيل...يعتبر رينو من أفضل التوكيلات فى السوق

تحياتى

**تامر.محمد** · 10-12-2015 12:14 PM

كل عربية و ليها ظروفها

ايه العربية الرينو اللي حضرتك بتفكر فيها ؟

**Yehya Badr** · 11-12-2015 01:11 AM

مع كل الأحترام للأخوة هواة الكوري و الياباني

1) قطع الغيار الأصلية للرينو أقل بكثير من أسعار قطع الغيار الأصلية للكوري و الياباني بل بالعكس حتقل لأن بحلول يناير الجاي معظم قطع العيار الأوروبي حتبقي معفية من الجمارك ننشر قطع غيار السيارات المعفاه نهائيا من الرسوم الجمركية طبقا للاتحاد الاوربي - جريدة البورصة
و بالتالي التجار حيقدروا بستوردوا قطع الغيار إضافة إلي قواعد الأتحاد الأوروبي بتمتع أحتكار السلع و من الممكن الأستيراد من الشركات الموردة رأسا زي فاليو في فرنسا و غيرها
2) أعتمادية الرينو معروفة هي مش اعتمادية الياباني و لكن عربية يعتمد عليها و تستحمل لأن المواصفات القياسية الأوروبية عالية و الدليل أن اللوجان عربية بوليس في أوروبا الشرقية مع الوضع في الأعتبار فارق السعر !
3) صيانة العربية يقت أسهل مع أنتشارها و معرفة تفاصيلها الهندسية و الصنايعية كتروا و ما بقتش مشكل
4) توكيل رينو توكيل جيد لحد كبير توكيل كويس له عيوبه لكن مش مؤثرة !
5) أرجو من الأخوة أنهم يقولوا علي أخبار تويوتا ياريس و أفانزا ! ما دول ياباني برضة و فشلوا و أعتماديتهم زفت و أسعار قطع غيارهم نار و مش متوافر لا جوة التوكيل و لا برة التوكيل !! فكل عربية لها مزايا و عيوب ! المهم أنت عايز أية و تقدر تتعايش مع أية ؟؟؟