الموضوع: كوعه ترموستات ميجان -صلح بنفسك

انهاردة نزلت علشان اشوف حل لكوعة الثرموستات -كان عمال ينقط مياه و غيرته مرتين و مفيش فائدة

المهم كان عامل صدا حوالين المكان بطريقة بشعة و كمان المياه الخضرا كانت عامله زى البكتيريا هههه
و اهم حاجة حطيت كرتونة فوق السويتش بتاع الفتيس و بحيث تكون مايلة لقدام علشان المايه ماتنزلش على الحساس اللى تحت

و فكيت الخرطوم الكبير اللى رابط يالكوعه و نزلت مايه كتير
و ابتديت افك التلاث مسامير اللى رابطين الكوعه و فكيتها بره

و نظفتها بالفرشة و شوية اسبراى لغااية ماخليتها زى الجديدة و فحصتها ليكون فيها اى كسر او شرخ مش باين . و الحمد لله مافيش

جبت صنفرة ناعمة و نضفت الوش اللى بتركب فيه الكوعة من ناحية الموتور و رشيت wd 40 حواليه لغاية ما المكان ده نضف
و نشفت كويس و روحت حاطط سيلكون رمادى (حرارى) على حرف الثرموستات و حرف الكوعه و رحت مركبها
مكانها و استنيت 30 دقيقة لغاية مانشفت
و رجعت الخرطوم مكانه و مليت ماية خضرا و خدت هوا من المسمار اللى فوق الكوعه و لغاية ما القربة اتملت ....

و جربت العربيىة فى مشوار جوا البلد و الزحمة حواللى ساعتين ...و الحمد لله انها ماسربتش و شغالة زى الفل
انا باحب اشتغل بنفسي فى العربية طالما الموضوع بسيط


حبيت اشاركم التجربة و لو حد محتاج مساعده تحت امره

فاضل انى افك قربه المايه علشان انظفها بس هى مزنوقة ؟؟؟حد عنده اى افكار؟؟؟؟؟؟؟؟؟؟؟

و عليك يا باشا