بخصوص تخفيضات الجمارك 2016

**باسم الصاوي** · 10-01-2016 02:14 AM

السلام عليكم....
كنت عاوز أسأل على حاجة بخصوص موضوع تخفيض الجمارك اللي حصل من كان يوم....
هو التخفيض ده على السيارات موديل 2015 -2016 (الزيرو)بس ولا على السيارات اللي من زمان (كسر زيرو)؟
يعني انا مثلاً أخويا شغال في السعودية وكنت عاوزه يبعتلي عريية رينو فلوانس 2011 (أتوماتيك -1600 سي سي)
فهل جمرك العربية دي 16% ولا لسه 40%؟
وجمركها حوالي كام لو تخضع لللتخفيض اللي حصل؟، وأيه رأيكم فيها من حيث أبرز المميزات والعيوب؟
وشكراً مقدماً

**Mecha** · 10-01-2016 10:18 AM

عشان تدخل عربيه من الخارج ، مش لازم تكون موديل السنه؟؟

**mohbasyouni** · 10-01-2016 10:29 AM

التخفيض لا يسرى على السيارات الاوروبيه القادمه من الخليج

**باسم الصاوي** · 10-01-2016 12:54 PM

المشاركة الأصلية كتبت بواسطة mecha

عشان تدخل عربيه من الخارج ، مش لازم تكون موديل السنه؟؟

مسموح ب10 سنين يعني ممكن لحد 2006

**باسم الصاوي** · 10-01-2016 12:56 PM

المشاركة الأصلية كتبت بواسطة mohbasyouni

التخفيض لا يسرى على السيارات الاوروبيه القادمه من الخليج

هو مش التخفيض ده على العربية أوروبية الصنع؟ متمش زكر خليجي أو أوروبي
قبل التخفيض كان الأتنين 40% ،وكان جمرك الرينو فلوانس 2011 72 ألف جنيه شامل المبيعات و الجمارك وكله.

**tasaka** · 10-01-2016 02:43 PM

هل التخفيضات دى على العربيات من اوروبا فقط ؟؟

سؤالى عن مرسيدس او هوندا او تويوتا تيجى من امريكا .. هل تنطبق عليها التخفيضات ام لا ؟؟

هل العبره هى جايه منين ام اصل الماركه .. يعنى مثلا تويوتا اصلها يابانى .. بس فى تويوتا بتتصنع فى امريكا

ارجو التوضيح

**Hosam_Optrawy** · 10-01-2016 03:07 PM

لازم تكون اوروبى جايه من بلدها مباشرة

من الخليج او من أمريكا ماينفعش

**باسم الصاوي** · 10-01-2016 03:47 PM

يعني لازم أجيب العربية من فرنسا أنما لو من السعودية مينفعش ؟
يعني هما بيشوفوا وارد منين ولا بيشوفوا أصل ماركة العربية أيه؟
يعني في حالة الرينو ،الرينو فرنساوي وتبع الأتفاقية و يسري عليها التخفيض لو جبتها من السعودية ،يبقى العربية يتقال عليها فرنساوي ويتطبق عليها القانون ولا هيقولك لا دي جايه من السعودية ومش مهم الماركة فتدفع الضريبة العادية؟

**Hany Saad** · 10-01-2016 04:05 PM

تخفيض الجمارك يسرى على المنتج الأوروبى و حسب شهادة المنشأ اللى جاى بيها
يعنى بغض النظر عن ماركة العربية، المهم منشأ السيارة المستوردة دى إيه؟
بمعنى: تويوتا ماركة يابانية 100% و لكن يتم تصنيع الكورولا فى تركيا....يبقى تسرى عليها التخفيضات الأخيرة لأنها ذات منشأ أوروبى.

مشكلة الفلوانس اللى حضرتك بتفكر تجيبها من الخليج أنها تصنيع كورى....إذا شهادة منشأها كوريا و لذلك لا تخضع للتخفيض

تحياتى