ريحه شياط خفيفه مع الفرامل

**محمد ابوعلى** · 22-01-2016 02:39 PM

سلام عليكم
عندي استفسار
انا مع الفرامل الجامده
بشم ريحه شياط خفيفه
ده عادي ولا ايه ؟؟

وعندي استفسار تاني
انا معايا ميجان 3
العربيه مفهاش فلتر بنزين
انا حاسس ان سحب العربيه قل عن الاول

ايه المفروض يتنضف او يتغير عشان شوائب البنزين
ولا ايه نظامها بظبط ؟

**lancer06** · 22-01-2016 03:11 PM

مرحبا اخى الكريم
ريحه الشياط من الكاوتش واحتكاكه بالاسفلت

حط منظف لدوره البنزين قبل ما تفول

**محمد ابوعلى** · 24-01-2016 01:21 AM

ممكن اعرف ايه موضوع المنظف ده واسمه ايه بظبط
؟

**محمد ابوعلى** · 24-01-2016 01:28 AM

وازاي اقدر استخدمه بعد اذنك
وموضوع ان مفيش فلتر بنزين ده طبيعي ميعملش مشكله ؟

**م أحمد** · 24-01-2016 02:52 PM

ريحة الشياط من تآكل تيل الفرامل نتيجة الاحتكاك مع الطنبورة بتاعة العجل أو لو الكاوتش زحف على الأرض من احتكاك الكاوتش بالاسفلت

و احتمال تانى نادر لو الفرامل الأربعة قافشين (سيرفو معلق) او اتنين قافشين (ماستر عمومى) و انت مصمم على المشى و بتحرق على الموتور يبقى دا شياط الاسطوانة بتاعة الدبرياج...لسة عاملها (بدون قصد طبعا ههههه) فى عربية بولونيز و جابت طقم دبرياج و الحمد لله على كل شىء

فلتر البنزين حسب نوع العربية...فى نوعيات فلاتر غاطسة خالص داخل تانك البنزين زى الفورد فوكاس مثلا

ما أنصحكش تحط منظف دورة بنزين قبل ما تشيل الفلتر القديم الاول و إلا كل الرواسب الموجودة فيه هتروح على الرشاشات و تسدها و بعدها على البوجيهات و تكربنها و بعدها على علبة البئية لو موجودة

لو عايز تنظف حاجة معينة خاصة فى عربية و مش عارف مكان الفلتر فكها لوحدها بره و نظفها منفردة زى الرشاشات مثلا او البوابة

**Hany Saad** · 24-01-2016 04:54 PM

ريحة الشياط مش طبيعية لو أنت بتفرمل عادى حتى لو جامد، ده ممكن يكون أن التيل بياكل فى الطنابير أو نوع التيل غير جيد....فى جميع الحالات وجب الكشف على منظومة الفرامل (تيل و طنابير و كاوتش) لأن مش المفروض يظهر اى ريحة شياط

بلاش ثم بلاش منظف دورة البنزين، أضراره كتيرة جداً و هيبهدلك تنك البنزين من الداخل

لو السحب ضعيف، فيه أسباب كتير: فلتر هوا، بوجيهات، تنظيف بوابة الهوا، طرمبة بنزين ضعفت......

تحياتى