تم تغيير المساعدين الخلفي - ميجان 2008

**thefny** · 20-03-2016 04:44 PM

السلام عليكم ورحمة الله وبركاته

نظرا لسوء الطرق التي امشي فيها دائما

ده غير إن المنطقة التي اسكن فيها غير مرصوفه ومكسره فاضطريت افك العفشة الرياضية (مساعدين KW) من الميجان بتاعتي وركبت مساعدين خلفي ألماني احسن من ال kyb حسب كلام الميكانيكي بتاعي

دي صورة المسعديين الرياضيين بتوعي بس من فترة بعت المساعدين الأماميين بالكرتونه بتاعتهم بالمفتاح بتاع التعليه والتوطيه :

كنت بسمع اصوات دب كتير مع المساعدين الرياضيين الKW , لكن كان الثبات حكاية والملفات على سرعه بثبات ملوش حل.. بعد التغيير طبعا الدنيا أهدى والمساعدين الألماني مريحيين الدنيا في الخلف الحمد لله

سعر المساعدين الألماني الجداد : 750 بدون تركيب ,وبإذن الله أصورهم وارفع الصور
تم الشراء والتركيب عند أحمد القاضي أخو جمال القاضي في الحرفيين..

تم أيضا تغيير الزيت أمس وتم وضع زيت AMSOIL SIGNATURE SERIES 5W50
ده لأني غاوي جري وحرق وغياراتي معظمها على RPM عالي
هكتب تقييمي بصراحه في الزيت موضوع تاني منفصل بإذن الله

احتمال أبيع المساعدين الخلفي لو حد يحب يرسل لي على الخاص

**dr.mero90** · 20-03-2016 11:48 PM

مبروك علي حضرتك المساعدين الجداد
ربنا يكفيك شرها و يديك خيرها يا فندم

**mo7eb** · 07-04-2016 01:35 AM

كنت عاوز اغير المساعدين الامامى و الخلفى للبورا ، كنت جايب الاستيراد لكن عمرهم قصير و سألت على الاسعار لقيت فى ساكس امامى 1000 جنية و كوفاب برازيلى ب 950 جنية و فية مونرو 1300 جنية و انواع تانية كتير و بالنسبة لسعر المساعدين الخلفى 850 لكل الانواع ( ساكس ، كوفاب ، مونرو )
ارجوا الافادة من اصحاب الخبرة ، عاوز ثبات و نعومية