حد جرب يشتري كوتشي من adidas outlet المعادي قريب

**dr_nazy** · 21-01-2017 04:35 PM

السلام عليكم و رحمة الله و بركاتة
انا ناوي اشتري كوتشي ان شاء الله
رحت الاوتليت الي في المعادي
فية حاجات اديداس و ريبوك و غيرهم
بس مسكت الكوتشيات حسيت الخامة بتاعتهم زيها زي غيرها ماحسيتش بفرق كبير
بس اصلا انا ماليش خبرة قوي فيها
فالسؤال بقي
حد اشتري منهم قريب يقولي الحاجة هناك كويسة و ثمنها فيها
ولا زيها زي اي مكان تاني
لان لو كدة بدل ما ادفع 1000 جنية في كوتشي و يطلع مش حلو اجيب من اكتيف ب 400 جنية و خلاص
شكرا يا جماعة

**dedi** · 22-01-2017 12:04 PM

اشتريت منهم كوتشى ريبوك بعد اسبوعين بالضبط اتقطع للامانة قالوا لى علية ضمان نظرا لظروف سفرى ذهبت تقريبا بعد شهرين تركتة وبعدها باسبوعين اتصلوا بى للاستبدال رحت هناك اخترت موديل مكتوب علية 750 جنية روحت للكاشير علشان ادفع الفرق فقال لى اسف سعرة بقى 1100 جنية فقلت لة ازاى وكل الموديل مكتوب علية نفس السعر فقال تم تغييرة ولم ناخذ بالنا وجريوا بسرعة وسحبوا كل الموجود لتغييرة (معاملة كانت زبالة وعدم احترام للسعر المكتوب لما شركة تعمل كدة امال خلت اية لباقى السوق من جشع )
اخذت موديل اخر ودفعت الفرق . المدير قال لى هناك البسة خفيف موش كتير
دى تجربتى بكل امانة معهم

**msadeka** · 22-01-2017 12:25 PM

كل الاماكن زى بعضها دلوقتى مبقاش فى جودة والا ماركة والا امانة

بالتوفيق

**TOOLA** · 22-01-2017 02:36 PM

بص هوا مفروض ان العروض الفيه عبيطة, بس هيا الحاجات اصلى, فكرة اديداس من ريبوك من اكتيف ديه حاجة رجعالك, على حسب محتاج تلبس براند ولا لا, و كمان الأديداس و الريبوك اريح شوية للمحتاج كوتشى للجرى مثلا, فأنا محتاج اعرف انتا محتاجه ل ايه.

عاوز حاجة اعلى من اكتيف و اشيك و ادائها زى الأديداس بس ارخص من الأديداس, ممكن تجرب الديادورا فاحتها بقالى قرب السنتين جيم و جرى, ليهم توكيل فى عباس العقاد, و انتا جاى من جاد و مصطفى النحاس

**dr_nazy** · 23-01-2017 10:11 AM

المشاركة الأصلية كتبت بواسطة TOOLA

بص هوا مفروض ان العروض الفيه عبيطة, بس هيا الحاجات اصلى, فكرة اديداس من ريبوك من اكتيف ديه حاجة رجعالك, على حسب محتاج تلبس براند ولا لا, و كمان الأديداس و الريبوك اريح شوية للمحتاج كوتشى للجرى مثلا, فأنا محتاج اعرف انتا محتاجه ل ايه.

عاوز حاجة اعلى من اكتيف و اشيك و ادائها زى الأديداس بس ارخص من الأديداس, ممكن تجرب الديادورا فاحتها بقالى قرب السنتين جيم و جرى, ليهم توكيل فى عباس العقاد, و انتا جاى من جاد و مصطفى النحاس

انامشكلتي ان استهلاكي للجزم والكوتشيات بيقي شديد
الكوتشي من دول اخرة يستحمل معايا 6 شهور بالكتير
فانا عايز حاجة تستحمل اطول فترة ممكنة