عربيتين ميجاااان 2005 في شهرين؟؟؟؟!!!!!

**ringoo84** · 02-01-2009 05:52 PM

انا كنت جبت عربيه ميجان 2005 من شهرين وجيت اشتري عربيه من اسبوعين فكان قدامي هيونداي كوبيه والميجان ؟؟!! طبعا الموضوع يحير والسعر كان تقريبا زي بعض والكوبيه كانت موديل 2005 وكان لونها احمر مانيول بصراحه كانت تحفه . والميجان موديل 2005 ولونها اسود زي الي عندي بس الفرق ان القديمه المقابض نيكل والجديده المقابض سوداء المهم احترت وبعدين صليت الاستخاره ونيتي كانت للكوبيه علشان يكون في فرق ميكونش في 2 ميجان ونفس اللون والموديل وكله تتلخبط فيهم . المهم لما رحت اشوف الكوبيه واجربها ..........فالي حصل كالاتي :
*العربيه ممتازه و تحس ان انت راكب عربيه كبيره .
*شكل التابلوه معجبنيش بصراحه ودي عملية اذواق.
*العربيه بصفه عامه جيده وافضل من الميجان في الغيار الاول والثاني وده ممكن لان الميجان بتاعتي اوتوماتيك .بس صوت الموتور اعلى والعزل موش زي الميجان الي قلت قبل كدا ان انا في الميجان بشك انها شغاله وكذا مره انزل اشتري حاجه واول ماركب العربيه ابطلها وانا فاكر ان انا بشغلها .بس العزل في الكوبيه اعلى من النوبيرا .
*الكوبيه على الرغم من انها عربيه شبابي اوي بس بجد خوفت انها تكون عربيتي وده يمكن لعدم وجود ثقه فيها والي شجعني ان انا مجبهاش ان انا كان معروض عليه الميجان الي قلتلكم عليها .
وفعلا قررت ان انا اجيب الميجان علشان تكون الميجان الثانيه في شهرين ....
بس وقعت في مشكله ان انا لما اكون خارج باخذ اي كارت ولما انزل افتح العربيه والي يطلع الكارت بتاعها يبقى هيه الي هخرج بيها ووصلت لحل ان انا علمت كارت القديمه (هي طبعا موش قديمه بس قصدي الاولى) علشان اللخبطه .
والحمد لله ان انا جبت الميجان وبحمد ربنا واشكره ان الاختيار جه في محله ..
وطلع الموضوع ممتع ان انت يكون عندك عربيتين نفس اللون والموديل والنوع ...
انا اسف ان انا طولت عليكم .....:

Zb_sor1[1]:

**Busquets** · 02-01-2009 06:21 PM

هههههههههه

حلوه اوى :)

تسلية كدا كل يوم الصبح تعود تقول يا ترى مين فيكو هخرج معاها النهاردة؟

احساس ممتع بجد عن نفسى اتمناه :) فى ناس ممكن تقولك بيع الاتنين و هات واحده موديل جديد بدلهم بس انا لو عندى اتنين نفس النوع هكون سعيد جدا :)

الف مبروك

02-01-2009 06:32 PM

مباركتين عليك الإتنين و ربنا يرزقك خيرهما و يبعد عنك شرهما.
بالنسبة لي موضوع جديد في الميجان الموضوع ده بس لطيف جداً.
يا ترى ما هو الإختلاف غير المقابض؟

**معتز** · 02-01-2009 06:32 PM

ميجان و 2005....فين المشككين واصحاب الخبرات المبنية على الشائعات يردوا على الكلام ده.حد يعمل كدة ويجيب عربيتن ميجان....
انت احسن رد على المشككين دول ..........مبروك عليك الميجانات الفاتنات....

**ringoo84** · 02-01-2009 07:31 PM

هنزلكم صورة العربيتين منجوه وبره علشان تشوفوا الفرق ان شاء الله .......
وربنا يبارك فيكم وفعربيتكم جميعا....

**chato_eg** · 02-01-2009 07:58 PM

Wow
حضرتك أذهلتنى !!!
أنا كنت فاكر نفسى المجنون الوحيد فى الدنيا بالميجان لدرجة التطرف و المغالاة فى تقديرها....
حضرتك أثبت إن الموضوع قد يصل إلى حد الإدمان...و ده شىء قد يحدث مع السيارات التى تشكل موقف فى حد ذاتها....و تلك السيارات هى موديلات تركت علامة فى تاريخ الصناعة و لا ينساها الناس و هناك من يدفع الأموال الطائلة لاقتنائها و ينفق الكثير من أجل صيانتها و المحافظة عليها و خصوصا بالحالة الأصلية.....
المثير أن هذه السيارات لم تكن دوما مصنوعة لخدمة عامة الناس و متاحة بأسعار فى متناول الجميع
أمثال لتلك السيارات: ( المرسيدس ال SL موديلات الخمسينات ذات الأبواب التى تفتح كجناحى العصفور.....الجاجوار ال E-type .....البوجاتى فيرون)
باسثناء البيتل أو الجولف هاتان السياراتان الشعبيتان اللاتى يمكن اعتبارهما ذوات تأثير أو تركتا أثر خلفهما......
أنا دايما أقول...لو معايا فلوس النهاردة...و عايز أشترى عربية....تانى هاشترى ميجان هاتشباك II......تصدق إنى نفسى أعمل كده قبل ما الميجان III تنزل و ما أعرفش ألاقى الشكل الحالى !!
مبروكتان عليك و ربنا يحفظهن لك.....و نتمنى نلقاك فى إحدى المقابلات بإحداهن

**معتز** · 02-01-2009 09:56 PM

هى الميجان بتعمل فى الواحد اية بالضبط....انا بقى معنديش ميجان بس بعشق هذة السيارة بجد.....فى سحر فى السيارة دى..ومن قبل ميجان 2 ....مش عارف....حقيقى العربية دى لها سحر خاص....

**ringoo84** · 02-01-2009 10:33 PM

المشاركة الأصلية كتبت بواسطة chato_eg

Wow
حضرتك أذهلتنى !!!
أنا كنت فاكر نفسى المجنون الوحيد فى الدنيا بالميجان لدرجة التطرف و المغالاة فى تقديرها....
حضرتك أثبت إن الموضوع قد يصل إلى حد الإدمان...و ده شىء قد يحدث مع السيارات التى تشكل موقف فى حد ذاتها....و تلك السيارات هى موديلات تركت علامة فى تاريخ الصناعة و لا ينساها الناس و هناك من يدفع الأموال الطائلة لاقتنائها و ينفق الكثير من أجل صيانتها و المحافظة عليها و خصوصا بالحالة الأصلية.....
المثير أن هذه السيارات لم تكن دوما مصنوعة لخدمة عامة الناس و متاحة بأسعار فى متناول الجميع
أمثال لتلك السيارات: ( المرسيدس ال SL موديلات الخمسينات ذات الأبواب التى تفتح كجناحى العصفور.....الجاجوار ال E-type .....البوجاتى فيرون)
باسثناء البيتل أو الجولف هاتان السياراتان الشعبيتان اللاتى يمكن اعتبارهما ذوات تأثير أو تركتا أثر خلفهما......
أنا دايما أقول...لو معايا فلوس النهاردة...و عايز أشترى عربية....تانى هاشترى ميجان هاتشباك II......تصدق إنى نفسى أعمل كده قبل ما الميجان III تنزل و ما أعرفش ألاقى الشكل الحالى !!
مبروكتان عليك و ربنا يحفظهن لك.....و نتمنى نلقاك فى إحدى المقابلات بإحداهن

انا زي حضرتك ولو فعلا هجيب عربيه ثالثه هتكون ميجان هاتش باك لان فعلا العربيه دي كان نفسي تكون معايا من اول منزلت مصر ويارب حضرتك تجبها قبل مالميجان 3 تنزل وربنا يبارك فحضرتك ....

**Sharky** · 02-01-2009 10:43 PM

الف مبروك الميجان التانية يا باشا
بصراحة حركتها دى جديدة يعنى انا سمعت كتير عن حب ملاك الميجان ليها لكن ماشوفتش واحد جاب إتنين منها و نفس اللون و الموديل !!

مازال سحر الميجان متواصل بشكل عجيب مع ملاكها
كل مالك بيعبر عن سحرها و إعجابه بها بطريقته

تصدق انا نفسى كنت بفكر من فترة إنى أبيع الياريس و أجيب حتة هاتشباك مستعمله لإنى بحب شكل العربية دى قوى بس مراتى قالت عليه إنت مجنون كفاية واحد فى البيت علشان مانزهقش منها

**ringoo84** · 02-01-2009 10:54 PM

المشاركة الأصلية كتبت بواسطة Sharky

الف مبروك الميجان التانية يا باشا
بصراحة حركتها دى جديدة يعنى انا سمعت كتير عن حب ملاك الميجان ليها لكن ماشوفتش واحد جاب إتنين منها و نفس اللون و الموديل !!

مازال سحر الميجان متواصل بشكل عجيب مع ملاكها
كل مالك بيعبر عن سحرها و إعجابه بها بطريقته

تصدق انا نفسى كنت بفكر من فترة إنى أبيع الياريس و أجيب حتة هاتشباك مستعمله لإنى بحب شكل العربية دى قوى بس مراتى قالت عليه إنت مجنون كفاية واحد فى البيت علشان مانزهقش منها

ههههههههههههههه وكلام مرات كل واحد فينا بمثابة امر؟؟؟؟ مطرين نعمل ايه

بس بصراحه شكل الهاتش باك تحفه ربنا يباركلك فالميجان واليارس....