الموضوع: ماذا افعل مع حراميه العلامات فى الرينو؟! مخنوق جدا جدا!

بصراحه انا تعبت اوى من موضوع سرقه علامه رينو اللى فى العربيه انا غيرتها 4 مرات وكل مره تتسرق اول مره لما اتسرقت قولت اجيب الاصلى من التوكيل جيبتها ب165 جنيه العلامه الوسطانيه فى الكليو و الميجان برضه بعديها ب شهر اتسرقت قولت مانيش جايبها تانى و بعد شهرين كده كنت بعمل صيانه دوريه للعربيه ضربت فى دماغى اجيبها تانى فجبتها برضه بنفس السعر اقعدت شهر و اتسرقت قلت خلاص الموضوع معايا اتقفل و معدتش جايبها و تفضل العربيه بدون علامه المهم بعد كده بشهر لاقيت واحد معاه رينو ميجان بيوقفنى وقالى العلامه ديه موجوده عنده فى محله واخذت منه العنوان و رحت هناك لاقيتها صينىبس زى الاصلى بالظبط جبتها ب 10 جنيه و كنت مبسوط اوى سعرها بالنسبه للاصلى ببلاش بس لازم تقطع الارجل بتعاتها و تتلزق دبل فيس بس كانت شغاله المهم اتسرقت بعديها ب اسبوعين قلت دى 10 جنيه الحمد لله المهم رحت لنفس المحل اسمه رالى فى مدينه المنصوره اخر شارع عبدالسلام عارف جبت منه اثنين ب 20 جنيه وقلت كله تمام ركبت واحده و عنت الثانيه الكلام ده بقاله برضه اسبوع لغايه امبارح اتسرقت برضه بس الحرامى الظاهر كان فاضى ام سرق كمان علامه كلمه كليو !! انا بصراحه اتخنأت مش عارف اعمل ايه و المشكله كل مره بتتسرق من مكان شكل مره من جنب الشغل مره من تحت البيت و فيه حارس امن سهران طول الليل ! و مره فى سفر انا بصراحه متضايق و نفسى اشوف الحراميه دول بصراحه بدعى عليهم دعا
ممكن حد يقوللى مفيش حل للمشكله ديه مثلا نكهرب العلامات و لا نعمل ايه بالظبط!