الموضوع: ايه رايكم في الموضوع ده

الزيرو...زيرو...لا خلاف على ذلك....
علشان تلاقى ميحان مستعملة معمول لها صيانة و متحافظ عليها هتدور كتير و هتأخذ وقت...و ممكن تشوف بنفسك من كم المواضيع فى القسم هنا إللى أحداثها بتدور حول أشخاص يبحثون عن ميجان مستعملة

لا خلاف أيضا على مسألة الخسارة الكبيرة فى سعر إعادة البيع بالنسبة للميجان....
لكن هناك مقولة يختلف عليها الناس بتقول " البائع دائما خسران "

لاحظ شىء مهم....إللى عايز الميجان...بيدور على شىء خارج حسابات المكسب و الخسارة المالية......عايزها علشان هى عاجباه رغم أقاويل الناس و ثقافة السوق .....دى حاجة ترضى طموح شخصى لديه......لم أرى من قبل شخص بيشترى ميجان كاستثمار للمال....ليست السيارة المناسبة لذلك الغرض...

عايز عربية علشان ما تخسرش فى البيع...عندك السلسلة المشهورة بتاعت (فيرنا....إلانترا...لانسر...كو� �ولا...مرسيدس C,e)

لو الفلوس هتشكل فرق كبير....و يقدر يستنى لحد ما يلاقى طلبه فى المستعمل و عنده استعداد لبذل مجهود و وقت و فلوس برضه و وجع القلب ده كله فى مقابل توفير فرق المبلغ...يبقى ربنا معاه

لو هو من النوع إللى يحب يجيب الحاجة من التوكيل و جديدة و يعملها صيانتها فى مواعيدها و مش عايز يكون قلقان ( نفسيا ) و لا يشغل باله ...يبقى حقيقى هيرتاح كتير فى الزيرو ...خصوصا لو ما كنش من النوع إللى بيغير كل أقل من 5 سنوات على الأقل ( بعد أكثر من سنوات مش هتفرق متير مسألة سعر إعادة البيع و كمان بتحس إنك ركبت العربية بالفلوس إللى دفعتها و هى قامت بالواجب )

مع العلم بإنها فعلا سيارة معمرة...لكن أول 40 ألف كيلو دول زهرة الشباب و ليهم طعم خاص و بتدفع مقابلهم مبلغ محترم

أفتكر مهما الناس قالوا لأخوك...فى الآخر هو إللى يقدر يحكم على أى السبل هى الأمثل له

خلى بالك كمان ان السمتعمل مهما كان مخاطره ..
لان ممكن عربيه تكون كسر زيرو و عالمه لا قدر الله حادثه ..
يعنى محتاجه لف كتييييييييييييييييير و بحث طويل و طولة بال ..
انا هقولك مثال بسيط :
احنا لما جينا نجيب الاسترا الى معانا دى كان سعرها 108 الف ..
و مكانش فى منها فى المحله غير 4 او 5 عربيات على الرغم من الانتشار الفظيع للوبل هنا ..
و كنا عارفين انها لما تيجى تتباع هتخسر جااااامد ..
و كان مكن نجيب منها استعمال او نجيب حاجه اعلى بنفس السهعر بس مستعمله ...
لكن والدى كان مصمم على الزيرو و وقتها مكانش عاجبه فى الزيرو غيرها (لانه غاوى اوبل) ...
و بالفعل جبناها و لما نيجى نبيعها هتجيب حوالى 55 الف من ال 108 يعنى حوالى نص تمنها تخيل ؟؟
بس احنا ركبناها بالفلوس دى و خدنا منها الى احنا عايزينه ..
و بعدين اخوك لو جاب عربيه استعمال وحاله كويسه و حصل لا قدر الله انه سمع صوت غريب من العربيه ايه اول حاجه هتيجى فى دماغه ..؟؟
اكيد صاحبها كان مبوظ فيها حاجه ...
او كان عامل بيها حادثه ؟؟
او مهروسه و متهانه و انا مخدتش بالى ؟؟
ولا تكون ماشيه كتير و هو مرجع العداد ؟؟

تخيل بقى لو الصوت ده طلع من عربيه زيرو ..؟؟
هييجى فى دماغه ايه ؟؟
اكيد حاجه معلقه و التوكيل هيحلها اصل العربيه انا شاريها جديده و عارفها و الوكيل اكيد هيعملها فى الضمان او حتى لو على حسابى بس هيكون مطمن ..؟؟

انا رأيى ان الزيرو زيرو بس لو هيبيع على طول يبقى يجيب استعمال او يجيب حاجه بياعه اكتر من الميجان .

انا رأيي انه يجيب زيرو لأنه العربية هيبقى ليها طعم جميل جدا بحالتها وهيا جديدة

وعربية مضمونه

وبعدين الفيس لفت الجديد جميل جدا

انا عايزك تغير رأيك وتنصح اخوك انه يجيب عربية جديدة مش مستعملة (هيكون مش ضامن حالتها)

لانه هيجيب عربية تعيش معاه,,,,, مش شويه ويبيعها

وربنا يوفقكم للصالح

المشاركة الأصلية كتبت بواسطة mashaly

بصراحة عجبني امكانياتها جدا بالنسبة لسعرها وسعر مثيلاتها
لكن زي ماانا معجب بيها جدا من فترة بس زاد قلقي بعد الكلام اللي قريته
لازم صيانة ومتابعة والحساسية الزايدة فيها وضعف المكيف
خلاني ارجع عن قراري ممكن افكر فيها على ياباني بالتيدا
على فكرة عندنا كورلا 2006بصراحة عربية عملية جدا استهلكها
لقطع الغيار قليل جدا رغم اني عملت بها حادث الا انها بعد التصليح ولا كأنها
عملت حادثة ماشاء الله عليها
قلقتوني يا وحوش

بالنسبه للامكانيات :عمرك ما هتلاقيها في تويوتا كورولا ولا اي موديل ياباني موجود في مصر ولا حتى نيسان (في حدود سعر الميجان)
الصيانه: ده شئ عادي لأنه التوكيل بيحطلك زيت 10000 مش زيت اي كلام وبيهتم بالعربية وبيشيكلك عليها ولو مش عايز تروح التوكيل ما تروحش
وبالنسبه للحساسية الزايده: ده كلام مش مظبوط بس انت لما تركب عربية محترمة زي الرينو لازم تعاملها بأحترام علشان تعيش معاك
واعتقد دي قاعدة مطبقة على كل العربيات ازا اسأت استخدام العربية هتبوظ منك
المكيف: مش ضعيف على فكره وولا سئ هو بس بياخد وقت علشان يبرد العربية بالكامل
طبعا مكيف الياباني لا يعلى عليه لكن ده ما يمنعش انه مكيف الرينو حلو برضو
وبالنسبه للتويوتا بتاعت حضرتك الي اتخبطت وولا كأنها عاملة حادثة ده علشان انت رحت لسمكري شاطر ... وده مالوش دعوه حضرتك سواء كانت تويوتا او غير تويوتا ,,, العربية مش هتمثل عليك انها مش مخبوطه وهيا مخبوطة

وبصراحة مفيش اي مقارنه بين الميجان والتيدا (فرق بين السما والارض)

اولا الف شكرا لكل من قال رايه في هذا الموضوع وانا شايف ان اكثر الاراء هو شراء الزيزرو لانه افضل من جميع النواحي وربنا يوفق الجميع

معلش يا جماعه ممكن حد يشرحلى يعنى ايه اعامل الميجان بحساسيه ؟؟
منا برده بحسس على عربيتى بس بطريقتى يعنى مش باكل مطبات ولا برميها فى اى حته فى الشارع ولا بجيب قطع غيار مش اصليه ولا بعمل الصيانه عند العجلاتى ...
انا اه بمشى بسرعه بس بحافظ على العربيه و صيانتها فى التوكيل و حاليا ماشيه 130000 كم و هى موديل 2006 !!!
و الحمد لله مشاكلها لا تذكر ....

هلى مفروض انى اعامل الميجان معامله غير كده ؟؟

انا مقتنع بالميجان جدا والله ..
و بحبها جدا ...
بس موضوع الحساسيه ده انا سمعت عنه كتير و مش فاهمه و كمان انا بحب اخد المعلومه من واحد معاه العربيه علشان يبقى عارف هو بيقول ايه ؟؟