عاوزه عربيه كيا سيدان اتوماتيك

**boki_shomakhar** · 11-03-2009 03:19 PM

يا جماعه بليز بليز بليز بليز بليز

عايزه عربيه كيا برايد سيدان اتوماتيك تكون موديل من 99 مش قبل كده وتكون في حدود 30 أو 35 ألف ولو فيه تسهيلات يبقى تمام ما فيش مش مشكلة.
بالنسبه للألوان أي لون بعيد عن الأزرق والأخضر.
يا ريت المالك يكون أول مالك.
وتكون فابرقه دواخل..وعلى فكره السعر عندي بيتحدد برضه على حسب الحاله بتاعت كل حاجه من بطاريه لكاوتش لعفشه للصالون حتى.
يا ريت أسمع ردود قريب.

يلا باي

**kareemhisham** · 11-03-2009 03:30 PM

انا معايا عربية بالمواصفات دى بظبط و ناوى ابيع قريب كمان ,, بس للاسف مش قريب اوى ,, يعنى على شهر 7 او 8 ,, لو حضرتك تقدرى تستنى يبقا خير و بركة

**boki_shomakhar** · 11-03-2009 03:57 PM

مرسيييييييييييييييييي على الرد السريع
قولي بأه مواصفاتها بالظبط واللون وحالتها من مجاميعه
واشمعنا على 7 أو 8؟
ولو سمحت أرجووووووووووووك يا ريت تكون صريح في مسألة الاستخدام لأني أنا بقلق من استخدام الشباب (طبعا انا ما اعرفش سنك اد ايه) من العربيات وقولي صيانتها ككنت بتعملها فين.
يا ريت الرد الثاني يكون زي الأولاني.
وبعدين صحيح انت مش شايف انك لما تستنى ممكن سعرها ينزل جامد..وانت هتطلب فيها كام؟
معلش أسئلتي كتييييييييييير بس استحملني.

**boki_shomakhar** · 11-03-2009 04:05 PM

10مشاهدات وما فيش غير رد واحد..عيب أوي كده

**boki_shomakhar** · 14-03-2009 12:29 PM

إيه يا جماعة إنتوا بتهزروا ولا إيه ما فيش خالص أي ردود ليييييييييييييييييييييه

**nomercy22** · 15-03-2009 03:02 PM

ياريت تجبيها زيرررررررررررررررو
احسن وخصوصا انها تبدا من 46 الف بس الزيرو له رونقة

**boki_shomakhar** · 15-03-2009 03:35 PM

واضح إن حضرتك ما قريتش الموضوع...أو ما عندكش فكره عن البرايد...أنا عاوزه برايد سيدان اتوماتيك...مش سايبا إيراني مانيوال..على العموم شكرا على النصيحه

**kareemhisham** · 15-03-2009 03:52 PM

متأسف على التأخير فى الرد ,, العربية لونها فضى و استعمال سيدة ,, اما عن الصيانة فأنا فى الاول كنت بعملها عند التوكيل انما دلوقتى عند ميكانيكى ,, و انا بصراحة مستنى شهر 7 او 8 عشان عندى مشاريع تانية و هخلصها كمان 3 شهور تقريبا ,, و لو فى اى اسألة تانية انا فى الخدمة