الموضوع: ياشباب عرفت حل مشكلة زعيق الدبرياج... ودي قصتي

كانت مأساه...بدأت بأن العربية عمالة تترجرج فى الطلعه قولت يبقي عيب ديسك وأسطوانه ورحت عند الميكانيكي وليد اللي فى مدينة نصر فى السابع المهم وجبت اسطوانه وديسك والراجل مشكوراً ركبهم وبصراحه كانت معملته كويسه ومحترم المهم مشيت من عنده كل العربية ميه ميه وتاني يوم بجيب مرشيدين عشان ارجع لورا ولقيت الفتيس بيزعق صدمت مره واتنهين وهو عمال يزعق اتصلت بوليد... ألحقني يا وليد الفتيس بيزعق قالي ممكن يكون عايز يتاخد له هوا رحت لوليد خد هوا وبرضه عمال بيزعق... يادي النصيبه فى ايه دنا لسه مشتري العربية قلولي ممكن يكون الزيت هو اللي عامل كده عشان انت حطيت زيت باور وهي عايزه زيت فالفين 80/90 المهم رحت لوليد غيرنا الزيت وبرضه المشكله هي هي يا خسارة فلوسك يا بدران.... مش عارف مين بدران ده .. المهم قولت لوليد العيب عندك الراجل قعد يحلف انه مش عنده واكيد العيب فى الديسك فكينا الديسك ورحت غيرته فقالي النوع نفسه وحش طبعا ممعيش فلوس انا لسه مشتري العربية وعمال ادفع مصنعيات وزيوت أخوكم فلس من أولها ..المهم وليد الله يكرمه قالي طيب الديسك بتاعك كويس ما تركبه هو العيب عندك كان فى الأسطوانه بس انما الديسك كويس المهم فكينا تاني الديسك وركبنا الديسك القديم راح الصوت وبصراحه كنت جايب الطقم من عند محمد قشطه واول لما عرف ان الطقم فيه مشكله الراجل رجعه بسرعه ومزعلش خالص الراجل ده هو ووليد بجد ناس محترمه والحمد لله العربية ميه ميه ودي تجربتي....

biboelking200 حمدالله علي سلامته يا مان وربنا يباركلك فيها علي راي عمنا علاوي :d


ربنا يكرمك والحمد لله علي كل حال