السلام عليكم با وحوش
إمبارح بالليل كنت رايح مشوار بالعربية المهم ركنت و نزلت 5 دقايق رجعت لقيت الفرامل فيها حاجة غريبة شوية ز
المفروض إن الميجان لما بتطفيها ب تمسك الفرامل سنة شوية و لما تيجي تدورها و الفرامل تفك شوية بتحس رجلك بتنزل مع الدواسة سنة بسيطة
الحتة اللي بتنزل دي معدتش موجودة و لما بطفي العربية و أنا مثلا بكارك على الفرامل عشان أخلي الفرامل تحجر بتعد تطلع صوت زي المنفاخ بس عالي من المكبس بتاع الفرامل ولما أجي أدور رجلي بتنزل مع الفرامل عادي جدا بس الحتة الجامدة اللي في أخر الدواسة بنزلها عادي و أنا بشيل رجلي من على الفرامل في أول طلعة كأن المكبس بيتأخر عن الدواسة وبعدين ينتر مره واحده فيخبط فيها فبحس عضة في الفرامل بس ده مبيحصلش مع تاني دوسة بتبقى الفرامل طبيعية
إمبارح كلمت أيمن بالليل قالي هتلاقيها بسبب هوا دخل مع زيت الفرامل بس مطلعتش كده و في ميكانيكي قالي ده المشكله في السيرفو و واحد تاني قالي المشكلة في ماستر الفرامل بس أنا خليت واحد صاحبي ساقها و هوه مخه نضيف أوي قالي إن الفرامل زي الفل و مفيش فيها أي مشكلة و المشكلة كلها في المكبس اللي ورا الفرامل إنه بيسرب هوا و أنا حاسس إن كلامه منطقي لأن العربية بتمسك فرامل زي الفل و الصوت فعلا طالع من المكبس

ياريت يا جماعة حد يجرب الحكاية بتاعة تحجير الفرامل دي عنده و بعدين يدور و يشوف الفرامل بتنزل بسرعة ولا لأ معاه ؟
هوه المكبس ده بيتصلح و لا بيتغير و هيبقى في حدود كام وألاقيه فين و هل أعمله في أي حته ولا لازم التوكيل ؟

معلش صدعتكوا أنا أسف