انا لسه جايب لادا 2107 موديل 2009

**fatla2** · 17-04-2009 04:45 PM

اولا السلام عليكم

انا لسه جايب لادا 2107 موديل 2009

عندى سؤالين :

1- تانك البنزين عندى مفش قفل على الباب من بره ومفيش قفل على الغطاء من الداخل اعمل ايه ساعدونى

2- عاوز اعمل المفتاح اللى بيتعمل فى العجل اللى هو بيبقى مختلف وبيبقى بمفتاح خاص اعمله فين

3- الطارة بتاعه الدركسيون كبيرة جدا هل ممكن اغيرها بواحدة صغيرة شوية منين وبكام

4- فيه فى التابلوه عداد اسمه ال Eco وعبارة عن 3 الوان احمر على اليسار واخضر فى النص واصفر على اليمين

وجزاكم الله كل خير

**ahmad--ezzat** · 18-04-2009 06:21 PM

اولا مبروك على العربية
..ثانيا بالنسبة للنقطة الاولى انا الحقيقة مش فاهمها.. والتانية برضو مش قادر افهمها..بالنسبة للنقطة التالتة حرام تغيير الدركسيون دى العربية لسا جديدة بلاش لعب فيها ..هتتعود علية مع الوقت
بالنسبة للنقطة الرابعة ما هو المطلوب

**fatla2** · 18-04-2009 07:43 PM

النقطة الاولى انا بالعربى كده تانك البنزين عندى معلوش اى اقفال مفتوح على البحرى .

النقطة التانية التامبن اللى بيتعمل للعجل .

الرابعة فيه عداد اسمه ال Econ بتاع ايه

**velkouf** · 19-04-2009 12:06 AM

أولا الف مبروك على السيارة
ثانيا بالنسبة لمشكلة التانك
فية غطاء بمفتاح بيتباع لوحدة و سعرة من 25 الى 35 جنية و كدة تقدر تقفل التانك بتاعك علشان العيال اللى بتمشى بليل بجراكن و خراطيم تسرق بنزين العربيات
النقطة الثانية بتاعت العجل برضة انا موش فاهم حاجة
اما بالنسبة للطارة ممكن تغيرها بطارة تركى اصغر شوية ومابتأثرش فى اى حاجة وهتلاقيها فى حدود 60 ج وعلى فكرة الطارة التركى حلوة
وأخيرا بالنسبة لعداد إكو فى التابلون دة بيقيس معدل استهلاك البنزين و 90% من العربيات العداد دة بيخرف و فى الاخر بيعلق و مابيشتغلش
و ياريت توضحلى قصدك على موضوع العجل وإن شاء الله اقدر اجاوبك عليها

**miso8489** · 19-04-2009 06:52 PM

مبروووووووووووووووووووووو ووووووووك

**waleedsaaf** · 11-08-2009 09:28 PM

السلام عليكم ورحمة الله وبركاتة
بالنسبة للعداد Econ هو مهم جدا لانة بيحدد طريقة استهلاك البنزين من خلال ضغط رجلك على دواسة البنزين الاخضر معناة انك بتستهلك بنزين معتل اما اللون الاحمر معناة انك ضاغط على البنزين زيادة اما اللون الاصفر معناة مفيش استهلاك والسيارة واقفة طبعا.

**x_gomgom** · 12-08-2009 02:04 AM

اولا الف مبروك و ربنا يطرحلك فيها البركه و يعطيك خيرها و يكفيك شرها...
موضوع التانك كما قال الاخ الفاضل بتشتري غطا بمفتاح بيركب مكان الغطا اللي عندك و بيبقي امان اكتر..
موضوع تأمين العجل اللي بتقول عليه في طريقتين ليه... الاولي في طقم جنوط مسامير العجل بتبقي تحت غطا بمفتاح معين مينفعش تكشف مسامير العجل الا لما يكون معاك المفتاح دا و الغطا حديد و مينفعش يتفور (تقريبا شفته من فتره ب 4500)... و الحل التاني بيتهيألي ان دا قصدك ان مسامير العجل تتغير بمسامير تانيه بتبقي ليها مفتاح مخصوص عشان تتفك بيها و دا حل مش عملى و منصحكش بيه عشان انت هتشتري مسمار لوحده و تدورله على عده تفك بيها و على ما اتذكر ان في واحد كان عامل الموضوع دا و طلعت عينه لما الكاوتش ريح على السريع....
و الطاره بلاش لعب فيها عشان الضمان كمان طارتها مش كبيره قوي و كمان انا شايفها مريحه في السفر خصوصاً و الصغير ممكن تقرفك في الركن و هيبقي الصراحه شكلها مش اللي هو....
اما موضوع ال eco دا زي ما تقول زي الاوبشن الموجود في عداد الرحلات بتاع قياس معدل الاستهلاك بس بدائي هو عشان تحصل على احسن استهلاك المفرض انك تبقي في المنطقه الخضراء مع العلم انه مرتبط ب مدي الضغط على بدال البنزين (يعني نرجع للقاعده الاساسيه خف رجلك عن الدواسه تحرق قليل)
يا رب اكون افدت

**lada2010** · 12-08-2009 11:29 PM

بالنسبة لموضوع التانك حاجة بسيطة جدا تعملها تروح الى اى حد بتاع بابين الا بيصلحوا الزجاج ويركب لك سلك بشدد علشان تشد السلك تفتح التانك زى كل العربيات الجديدة اما بالنسبة لمفتاح العجل اللى بتقول علية انا مش شايف لة لزوم وبلاش تغير الطارة لو عايز تغيرها اخدها منك واعطيك الطارة السبور الصغيرة لو تحب اما العداد eco مش حاجة بتضعها التوكيلات ملوش لزمة ولو مش عايزة اخد منك