الموضوع: استفسار عن علبة البيئة للنوبيرا؟

ككلام مظبوط أخى كريم . الماسورة بالسوستة بـــ 190 جنيه و علبة البيئة انا لسة مغيرها بــ 580 جنيه من عند ابو اليزيد

طيب الميكانيكى قالى لو هتشيلها صوت العربية هيعلى شوية انا مش بحب العربية يكون صوتها عالى يعنى الصوت هيكون مبالغ فية وصوت اية الى هيعلى المتور ولا الشكمان لو الشكمان مش مشكلة لاكن المتور لا انا بفكر اجيب غطاء متور عشان اخفى الصوت اكتر

طيب تنصحونى بأية اشيلها ولا اجيب واحدة تانية واخيرها بس يا جماعة ياريت يكون حد عمل الموضوع دة سواء غيرها او شالها ويقولى حوار الصوت دة اية

فى انتظار عدد اكتر من الردود لكترة الافادة

اسفسار هيه علبه البيئة هى اللى بتكون بعد الفرن و بينهم ماسورة قصيرة ؟؟

اية يا جماعة مفيش حد تانى يعرف حاجة ....................................

فينك يا باش مهندس سمير ان قولت اول واحد هيفدنى حضرتك يا كبير

المشاركة الأصلية كتبت بواسطة zocor742

ازيكم ياجماعة
عندى استفسار بخصوص علبة البيئة
الصراحة كنت ماشى عادى بالعربية مرة واحدة كسر عاليا واحد عربجى بكارو فا فديتة وكان فية شوال كدة فية ردم توب فمشيت عالية فحك فى حاجة فوقت وشديدة من تحت وطبعا دعيت على الى رامية فى نص الطريق كدة وعلى العربجى الهمجى

المهم بقى فية صوت كدة وانا بزود بنزين وبسيب رجلى من الدواسة زى متكون ماسك شخشيخة وبتهزها براحة روحت محود على الميكانيكى بالزات انى لسة مظبت المتور وكان فية شوية لغبطة وكنت عامل عاليها موضوع والدنيا بقت تمام
الميكانيكى قالى دى علبة البيئة الفحم الى فيها اتكسر وهيا الى بتعمل الصوت دة طبعا بعد ما جربها بنفسة قولتلة وبعدين قالى يا تفضى الفحم الى فى العلبة وفى الحالة دى صوت العربية هيعلا شوية ي اما نفكها ونغيرها بس هيا غالية شوية قولتلة كام قالى مش متأكد بس هيا مش رخصة قولتلة هشوف وهقولك

كنت عايز اعرف فى حد غير العلبة دى قبل كدة او فضى منها الفحم ولو فضى صوت العربية هيبقى عالى فعلا ولا مش اوى ولو جبت واحدة تانية حد يعرف هتكون بكام وجديدة ولا استيراد

واسف جدا للأطالة وفى انتظار ردود حضرتكم

يا باشا ولا اطالة ولا حاجة...(الخط بتاع حضرتك زغلل عنيا)

بالنسبة لموضوع علبة البيئة دة هيا فعلا غالية وفنفس الوقت ملهاش لازمة يعنى ممكن تدخل فى 1000 جنية جديدة..وطبعا منصحكش بالاستراد لانك متضمنوش طبعا...انا من راى بلاش موضوع انك تفضى الفحم دة..الميكانيكى عايز يفضهولك..عشان ياخدو..لانة بيتباع غالى ..انا من راى تشيل العلبة دى خالص وتركب ماسورة مكانها...سحب العربية هيزيد جامد والعربية هتفوق...والصوت هيبقى اعلى من الاول بس حاجة خفيفة جداا..مش اللى حضرتك متخيلة.احتفظ بعلبة البيئة او بيعها لاى واحد بتاع شكمانات..
(موضوع الماسورة دة هيكلفك 70 جنية بالكتير)

المشاركة الأصلية كتبت بواسطة ahmedfra

ككلام مظبوط أخى كريم . الماسورة بالسوستة بـــ 190 جنيه و علبة البيئة انا لسة مغيرها بــ 580 جنيه من عند ابو اليزيد

فى التوكيل قالى 1100 جنية