الموضوع: الي كل اوبلاوي الي كل اوبلاويه ارجو الاهتمام و المساعده (شراء اوبل) فيكترا

نبدا باسم الله الرحمن الرحيم
اما بعد
فانا اخوكم شادي ياسين من مدينه نصر المهم انا عندي شقه في مدينه نصر و عايز ابيعها و ولسه بايع عربيتي اللانوس من فتره قريبه نسبيا و كنت بستلف عربيه اتنين من اصحابي و الاتنين عربيتهم اوبل فكترا اولد شيب 93 و 94 واحده مانيوال و التانيه اوتوماتيك و الاتنين 2000 سي سي المهم واحد صاحبي عرض عليا عرض و هو ان ليه واحد معرفته عايز يبيع عربيته الاوبل و لاني حبيت الاوبل من كتر ما استلفتها من اصحابي فهي عربيه جامده و جرايه و عربيه جميله جدا نظرا لاني كنت بعشق حاجه اسمها لانوس مع احترمي للجميع هي طبعا ازواق لدجه اني كنت هاعيط وانا ببعها للراجل عشره عمر بقه و اول عربيه اجيبها من فلوسي الشخصيه و كنت مقتنع اني لما هابيعها هاركب نوبيرا بس سمعت عنها حاجات كتيره مش تمام في الاوتوماتيك منها المهم عشان شكلي برغي كالعاده صاحبي جابلي صاحبه اللي عايز يبيع اوبل فكترا موديل 2003 1600 سي سي و رشه حزام زي ما بيقولوا الجنبين يعني و عامله 190 الف كيلو و عايز يدخل الشقه في العربيه و يديني فرق و انا طالب في شقتي كسعر نهائي لا يقبل المناقشه و ده بعد الفصال و طلوع العين 185 الف و يديني فرق 115 الف يعني العربيه تقف عليا ب 70 الف و انا لا افقه اي شيء في الاوبل ولا اسعارها و لا قطع غيارها و لا صيانتها ولا مواصفتها و لا كماليتها و لا كام هورس باورها ولا اي حاجه بس عاشق جمال الاوبل فقط لا غير و قوتها و ثباتها و سرعتها مع العلم اني ما سقتش غير ال2000 سي سي الشكل القديم و معرفش ايه ظروف ال1600 فبرجاء الافاده عن مواصفاتها و كماليتها و عيوبها و سعرها و قطع غيارها و مدي توافرها و اماكن تصليحها او صيانتها مع العلم ان اصحابي الاوبلاويه بيروحو عند صابر اللي عند رابعه العدويه خلف موبيل ورا التوكيل اللي في الطيران و هل سعرها ده مناسب و لا كتير بالرغم اني كان نفسي في موديل 97 او 99 ال2000 سي سي الكامله اوتوماتيك و كنت هادور عليها بس بعد ما ابيع الشقه برجاء الاهتمام اسف علي الاطاله و الرغي الكتير بس اصل انا شغال في شغلاته كلها رغي في التليفون يا رب مكونش طولت و صدعتكوا معايا