سهرة رمضانية في معارض السيارات ...!!

**hero** · 28-09-2007 09:36 PM

امبارح اخدت المدام ...وخرجنا بعربية الوالد لرؤية السيارات الجديدة عن قرب وتجربة الجلوس بها ...وتقييمها ...
الخطة كانت مركزة في فحص سياراتان هما ما تم التفكير فيهم حيث انهم بنتموا لفئة سعرية واحدة او متقاربة جدااا...
السيارة الاولي نيسان صني مانيوال 1600 CC...
دي اول مرة افحص السيارة عن قرب..وافتح كل حتة فيها واقعد فيها ...واليكم ملاحظاتي..
1-السيارة من الخارج....تحفة والتشطيب بتاعها ممتاز...ولا يقل عن المستورد
2-التشطيب الداخلي ممتاز ايضا ...تشطيبات موبيكا ممتازة ...واحسن مليون مرة من تشطيبات هيونداي المجمعه في مصر او دايو او اي شيء آخر ...
3-الصاج فعلا تقيل ومحمل..ويختلف عن اللانسر او الياريس...واكتر شيء واضح فية هو الكبوت ...ماشاء الله حاجة محترمة جدااا جدااا...تقيل جداا وشبكة القطاعات ايلي مكون منها معمولة بنضافة عالية جدااا
4- الشنطة واسعه جدااا واوسع من الياريس...
5- السيارة علوها عن الارض كويس قوي ...
6- وضعية قائد السيارة هي ايلي انا حاسس انها غريبة شوية او مش مريحة ....يمكن لاني بقالي فترة ما ركبتش عربيات واجهتها كلها بومبية..بس حسيت ان حرية السائق او مساحة حركتة محدودة الي حد ما ..واعتقد دة من تصميم الصني نفسة ولا علاقة للتقفيل المصري بهذا...
7-السيارة فعلا جوانبها مش باينة للسواق خالص ...ومحتاجة فترة علشان تتعود عليها ...ودة فكرني بكلام سبعاوي عن احساسة انة راكب اتوبيس...هي فعلا ضخمة جداا...
8-السيارة فعلا ليها برستيج وشكلها فخم جداا ومناسب اكتر من الياريس للفئة العمرية فوق الـ 30 سنة
السيارات جاهزة بجميع الالوان ايلي المصنع بينزلها بس محتاجة حجز يومين او تلاتة بالكتير...

بعد زيارة النيسان الصني توجهنا مباشرة لاحد موزعي تويوتا المعتمدين وكان هذا اللقاء...
1- لايوجد اي سيارة ياريس مويدل 2007 من اي فئة ...
2- كان في عربية محجوزة واتفجنا عليها...
3- تشطيب العربية من الداخل كويس وليس ممتاز بالنسبة لتويوتا ...يعني في فرق في الخامات بينها وبين الكورولا...
4-المساحة من جوة معقولة والكنبة ممكن تاخد 3 بس من زي الاحجام المتوسطة ...
5- شنطة العربية صغيرة نسبيا ...يعني ممكن زي اللانسر ...(الصني اكبر بحوالي النص او الثلث علي الاقل)...
6-فعلا السائق لا يري اي شيء من السيارة خالص...ومحتاجة فترة للتعود...
7-السيارة اعلي من الصني ...يعني احتكاكها في المطبات اقل..

8- اهم شيء بقي ان السعر الجديد زاد 4 آالاف جنية ...يعني المانيوال الكاملة بقت بـ 91 الف جنية...يعني ما يساوي عربية نيسان 1600 اوتوماتيك ...

المهم خرجنا ونحن مقتنعين بعد هذة الزيارات ....ان الياريس بعد هذاا لسعر لن تكون مغرية او مناسبة خاصة وانها شبابية ...او صغيرة نسبيا ..وتفتقر لجودة الكورولا ..

واحنا خارجين وفي آمن الله والاقي جاي من علي يميني وبيني وبين سيارة مكورباص متوسيكل ماشي علي اخرة...المهم عدا وكان يدوب ...هاخبطني ....لسة بقول الحمد لله انة عدا والاقي واحد صاحبة ...ومركب معاة واحد بيجري وارة عايز يلحقة ...وقام حك في الرفرف اليمين
ومشي ولا كأنة عمل اي شيء...
المهم انا دمي اتحرق....وقلت احصلة ....بس المشكلة انهم 4 علي موتوسيكلين ...والموتوسيكلات من غير نمر ...تخيلوا الفوضي ايلي البلد بقت فيها ....ومش هاقول طبعا شكل ايلي راكبين الموتوسيكلات دي اية ..

المهم كبرت في دماغي ...وقلت اجري وراهم واحصلهم ....رغم اني مراتي وابني الصغير معايا ....وقمت جاي مزنق علي واحد وقايلة اية ايلي انت عملتة دة ...قام قعد يقول معلش يا باشا ..ومش معلش...وسيبتة ...

كل ايلي جة في دماغي بقي ان لو دي مش العربية اللادا ايلي الحمد لله تقريبا ما حصلش فيها اي شيء سوي خدش بسيط في البوية رغم ان الخبطة كانت جامدة...وكانت العربية الصني او الياريس...

نفسي اتصدت عن العربيات ....وحسيت اني هابقي مضايق جداا وكل ما هاخرج هابقي ماشي علي اعصابي ...علشان سوية متخلفين ماشين يهبلوا في الشارع يخبطولك عربية بـ 90 الف جنية ..ويمشي ويقولك معلش ياباشا ..!!!
المهم ان فعلا مش عارف اعمل اية ...حاسس ان الشوارع بقت زحمة والناس بقت باردة اكتر من اللازم ...وحاسس ان ممكن العربية تتسبب في دخولي السجن ... :(
انا مش عارف لو حد باستهتار خبطني ممكن اعمل اية ...وساعات اقول ربنا قدر والحمد لله ...وساعات اقول اية حرق الدم دة.....

وحاليا بافكر ان احسن شيء لمصر عربية مستعملة سعرها ما يزيدش عن 60 الف جنية ومايهمكش
لو اتخبطت او اتحرقت حتي ....او عربية جيب واقلبها غاز ونمشي بقي نخبط في بعض...

بصراحة انا نفسي اتصدت عن العربيات .....
انا كنت باسوق برة مصر اكتر من 6 آلاف كيلو في الشهر ..وعمري ما حسيت ان في مشكلة في الشارع رغم الزحام الشديد والحر الرهيب...الا ان النظام والحضارة بجد هما ايلي بيهونوا كل شيء...

لك الله يا مصر

**ammahah_ahmed** · 28-09-2007 10:21 PM

حضرتك محتاج شوية وقت عشان تتعود على الشارع المصري...وفيه حل كويس انك تأمن على العربية كده تقدر تمشي مطمن

**Casio2000** · 28-09-2007 11:17 PM

انا احيانا بحس اني قربت اتنقط و اطب ساكت من حال البلد - زهقان و حزين بدرجة اني احيانا ببقى حاعيط.

ما فيش حاجة واحدة مظبوطة - حاجة واحدة يا جدعان تمشي صح فالبلد - ابدا

المرور خلاص عمل اللي عليه و جاب احدث تكنولوجي الرادارات (عشان الرادارات اسرع طرق لم الفلوس طبعا) - بقى عندنا نهاري و ليلي و مائي و بري و على كل لون - و مع ذلك عادي جدا العلربيات في قلب القاهرة ماشية من غير نمر - و ميكروباصات الترامكو زي ال توابيت - و ميني باص غلب الميكروباصات فى البلطجة و و و و و

انا طالع انام عشان دماغي حاينفجر حقيقي مش هزار

**aboalm** · 28-09-2007 11:19 PM

ده عيب القياده خارج مصر لكن لو فضلت حضرتك تفكر بنفس الطريقه مش راح تشترى عربيه جديده
توكل على الله و خد قراراك و متع نفسك بفلوسك ماحدش واخد منها حاجه و توكل على الله

**mtema99** · 29-09-2007 12:01 AM

لا مش مشكله تعود
هي لازم تبقى جرىء و توضحلهم انك مش خايف على العربيه ساعتها هيخافوا مهما كانت نوع العربيه او سعرها
ده بالعكس كل ما العربيه تبقى غاليه و تحسسهم انك بايعها يقولوا انك مسنود

**عاشق الفولفو** · 29-09-2007 02:23 AM

لو كل واحد فكر كدة ماحدش حايشتري عربية طول عمرة احسبها صح و ممكن تأمن عليها علشان تبقي مرتاح نفسياً شوياً
وزي ما في ناس #@!@#$$%# (أعوذ بالله) في ناس محترمة جدا جدا وبتحترم اللي قدامها توكل علي الله وشوف العربية اللي تناسب احتيجاتك ومقدرتك واشتريها علي بركة الله وربنا يوفقك لما فيه خير لك ورضا لله

**شريف** · 29-09-2007 04:17 AM

بص انا نفس تفكيرك دة عندى و بقول و اللة حرام العربيات الجديدة فى الشوارع دى
دة غير الزحمة فى المطبات و الحفر و البلاعات و التكسير و لسة اللستة كبيرة
بس انتا مش مفروض تحرم نفسك من حق ليك ان يبقى معاك عربية احلامك

**hazem_khidr** · 29-09-2007 05:15 AM

سيبها لله و ربنا حيسترها معاك .
الواحد لو فكر كده فعلا عمره ما حيجيب عربيه جديده او قديمه حتي.
صلي استخاره و ربنا حيوفقك للي فيه الخير

**eng_mkhalaf** · 29-09-2007 02:43 PM

يا عم أنت عايز تجيب عربية وتحنطها - العربية شى أستهلاكى كبيرها 5 سنوات أو 3 - هو دة الفكر العالمى السائد حاليا
وكمان أنت مبسوط من تفيل الصنى - حاقولك حاجة واحدة روح بس على كاوتش الباب وبالذات عند السواق وقول رأيك - دة حتى الكبوت مش متبطن - وبس كمان على البيبان عايزة واحد بتاع رفع أثقال علشان يقفيلها - قارن بينها وبين التيدا فى أى معرض للنيسان وهتقول علية العوض فى التقفيل المصرى اللى مبوظ كل حاجة