استفسارات عن الرينو كليو

**nodey** · 24-05-2009 06:54 PM

السلام عليكم ورحمة الله اعضاء المنتدي الافاضل ومبروك الاستايل الجديد للمنتدي الرائع
لي بعض الاستفسارات من وحوش الرينو اعزكم الله
في البداية انا صاحب الرينو الكيلو ومقيم بالسعودية في المنطقة النائية اللي مفيهاش اي مسمار يخص الرينو
ثانيا الحمد لله السيارة جميلة وسحبها ممتاز واعتقد انها عندي افضل من الياباني
اما بالنسبة للاستفسارات فهي
1- السيارة معاي بقلها شهرين بالتمام والكمال ولله الحمد ولكني ملاحظ ان بور الدريكسون مش خفيف مع عدم وجود اي نقص لزيت البور مش عارف هو ده طبيعي وله لا مع العلم اني عند الدوران بترجع الطارة لوحدها وحاسس كدا والله اعلم اني طلمبة زيت البور طالع منها صوت مش عارف هي كدا تمام وله ايه ؟
2- عايز اعرف افضل نوعيه من تيل الفرامل الامامية عشان ان شاء الله اجيبها من مصر في الاجازة بعد شهرين تقريبا
و افضل انواع البوجيهات وفلاتر الهواء والبنزين والزيت وسير الدينمو ولو في احد يعرف فين مكان فلتر البنزين والهواء في الماكينة ياريت صورة بس او لو احد عنده كتلوج مكونا ت الماكينه وطريقة فك اجزائها يبقي شكرا لكم
ولو في موقع اجنبي ( مع احترامي لمنتداكم المحترم ) يشرح تشريح الماكينه واجزائها يبقي تمام
3- عندي صوت احتكاك رهيب طالع غالبا من الشدادات اللي مارر عليها سير الدينمو مع المكيف زي ما تقول كدا ان الرمان بلي اخشن او اتهري ( معذرة علي اللغة العامية دي ) ده حسب كلام الميكانيكي اللي اترجته لمدة اسبوع عشان يكشف عليها بس لو احد عنده فكره عن افضل اسلوب لاصلاح الشدادات دي طبعا بغض النظر عن التغيير لان في ميكانيكي هنا قال لي انه ممكن يفكهم من الماكينة ويركب رومان بلي جديد لهم ويكبسهم تاني في مخرطة بس المشكلة ان المساحه ضيقة اوي مش عارف نتعامل مع المشكلة دي ازاي ول احد عنده صور للماكينة رينو كليو 2004 يبقي مشكور عشان الواحد يقدر يفرز مكوناتها بالتفصيل واريت ترشحوا لي افضل المحلات لقطع الغيار بعيدا عن التوكيل وتكون اصليه ومضمونه في المنصورة او القاهرة اعزكم الله
4- مؤشر الحراة عندي بعد المش لمدة ساعه تقريبا في حرارة تعدي الاربيعن عندنا بالسعودية يقف عند المنصف بالضبط والمياه في الاربه تنقص اسبوعيا بمقدار ربع كوب شاي هل هذا طبيعي ام لا
5- عندي بعض اللخبطة من الريموت كرونتول بتعها يعني ممكن الزجاج اليمن ينزل ويطلع عادي وابطل السيارة واجي اشغل تاني وانزله لا ينزل زي ما تقولوا في تهنيج في الاموامر بنتعاتها هل في طريقة لعمل ريست للكمبيوتر بتعاها
6- عندنا هنا بنزين نوعين اخضر 91 واحر 95 ايهما مناسب لسيارتي
في النهاية لا اجد من كلمات الشكر ما اعبر به عن خالص امنتناني لكم وجزاكم الله خير
تقبلوا مروري ابو خالد

**medohai510** · 25-05-2009 10:47 AM

عليكم السلام يا باشا،،،
الأجابات:
1- فعلاً بور الكليو ثقيل شوية لكن هذا طبيعي وعدم نقص الزيت طبيعي.
2- تيل الفرامل كان أخونا عمرو عمارة جرب نوع أسباني لكن أنا مش فاكر أسمه أية
البوجيهات البوش، والngk ، والشامبيون
فلتر الهواء والبنزين الأصلي بتاع الكليو شامبيون
3- أعتقد أنك محتاج ميكانيكي كويس وبيفهم في الرينو علشان مايبوظش أي حاجة، ومحلات قطع الغيار هنا في القاهرة كتير جداً ( ميشيل حليم_ محمد عاصم _ سان جورج- وفيه كمان محلات أستيراد في الحرفيين كثير جداً
4- طالما الحرارة بتثبت أعتقد أن دورة التبريد تمام لكن نقص المياة أكشف عليه ممكن تكون وصلات المية بتسرب
5- مش عارف بالظبط لكن أنتظر ممكن أخونا في المنتدي يفيدوك
6- طبعاً كل ماتعلي الأوكتان يكون أحسن فممكن تجرب تفويلة 91 وتفويلة 95 وشوف الفرق بينهم أية وأختار المناسب لسيارتك وأمكانياتك
والله الموفق

**عمرو عمارة** · 25-05-2009 10:54 AM

3-شداد التكيف والباور ( الاصلى ) 225 جم.......الأفضل يتغير دون إصلاح

**nodey** · 25-05-2009 06:11 PM

اولا اشكر لكم التفاعل والرد الجميل اكرمكم الله
ثانيا انا بسأل علي بكر صغير قطره تقريبا
10 سم مثبت في جسم الماكينة وسير الدينمو والمكيف و البور مارر عليهم في شكل لفه كدا او تقسيمه زي ما بيقول الميكانيكي يعني لتكملة دورة السير وعددهم اثنين بس ربطين في جسم الماكينة ليمر عليهم السير
وبعدين في واحد قال لي ممكن تجبيهم الواحدة استيراد 100 جم مش عار ف يعيشوا وله لا
وبسأل عن غطاء الفانوس الخلفي يباع لوحده ولا لازم الفانوس كله لام عندي غطاء الفانوس واحد خبطه وتهشم وباقي البدي بتاعه
وياريت احد الاخوة الافاضل يكمل لي باقي الاستفسارات الله يخليكم
وشكرا لكم

**Amr_Moh** · 25-05-2009 06:30 PM

البكرة المقصودة هي شداد السيور -- الفانوس بلش وش لوحدو لزم تجب كامل في من أصلي إستيراد و فيه تايواني بس مش عارف أسعار

**medohai510** · 26-05-2009 10:50 AM

المشاركة الأصلية كتبت بواسطة Amr_Moh

البكرة المقصودة هي شداد السيور -- الفانوس بلش وش لوحدو لزم تجب كامل في من أصلي إستيراد و فيه تايواني بس مش عارف أسعار

التايواني DEPO كويس وسعرة حوالي 200جم لكن الاستيراد بيكون أصلي Valuo لا أعلم سعر للأسف

**عمرو عمارة** · 26-05-2009 11:09 AM

- بالنسبة لتيل الفرامل في رمسا أسباني ممتاز وسعره 150 جم وعند ميشيل حليم
- بالنسبة للفلاتر والبوجيهات زي ما أخونا محمد وضح
- ريموت وكمبيوتر الكليو مالوش أي صلة بالإزاز الكهرباء...... الزرار بتاع الزجاج عندك عايز تنظيف فقط ( بتحصل كتير معاية )
- وطبعاً لو بنزين 95 مش مكلف عندك هايكون أفضل كثيراً لنسبة إنضغاط الموتور الـ1400

**Cell_k** · 26-05-2009 07:48 PM

السلام عليكم

أنا هحاول اجاوبك على اللى أعرفة ...
الباور فعلا تقيل شوية و ده مش عيب فى العربية و حاول تكشف على زيت الباور لكن متخليش حد يقولك ده ناقص و هذودة اللا أذا كان متخصص فى الكليو لان ذيادة الزيت عن المسموح ممكن تعملك مشاكل كبيرة جدا لا قدر الله .

بالنسبة لمكان فلتر البنزين تحت العربية فى المنتصف و فلتر الهواء جنب الموتور على اليمين انا شوفتهم كده لما كنت بغيرهم .

و أفضل اماكن لشراء قطع الغيار فى القاهره عصام بشطر لو عايز استيراد فى الحرفيين مشهور جدا لو نزلت هتوصلة بسهولة و ميشيل حليم فى لو عايز جديد فى جسر السويس - عمارات الميرلاند .

**nodey** · 26-05-2009 07:58 PM

السلام عليكم ورحمة الله
من كل قلبي اتقدم لجميع من ساهم ولو بكلمة او توجيه أو حتي أدلي بدلوه من كلام طيب بالشكر والعرفان
لكم مني خالص الشكر والتقدير
واسأل الله ان يبارك لكم
وتقبلوا مروري ابو خالد

**nodey** · 27-05-2009 10:31 AM

السلام عليكم ورحمة الله وبركاته
اخواني عباقرة المنتدي الاعزاء انا لقيت كتالوج الصيانه بتاعها ولقيته علي هذا الرابط بس مش عارف طريقة تنزيلةه
ياريت لواحد يقدر ينزله لي الله يجزيكم خير وهذا هو الرابط
http://www.baydownloads.com/search.p...0manual%20full
وشكرا لكم

الموضوع: استفسارات عن الرينو كليو

LinkBack

أدوات الموضوع

عرض

-

-

-

-

-

-

-

المواضيع المتشابهه

سعر الرينو كليو 2002

مساعده فى الرينو كليو

الرينو كليو

لمن يحب الرينو كليو

الكلمات الدلالية لهذا الموضوع

المفضلات

المفضلات

ضوابط المشاركة