ارجو المساعدة...

**mindvision** · 29-05-2009 02:32 AM

اخواني جميعا
السلام عليكم ورحمة الله وبركاته...
تحيرت كثير قبل كتابة هذا الموضوع ولكتي اخترت مشاركتم فيما انا فيه لتشاركوني القرار...
اريد شراء اللوجان الجديدة المغربي ولكن واجهتني بعض الشكوك وبعض تحذيرات اصدقائي تلخصت فيما يلي:

1- ماهي اسعار قطع غيار اللوجان الان وليست منذ 2008 الموجودة في الموضوع الخاص بقطع غيار اللوجان في القسم... فماهي الاسعار الحالية !؟!؟
2- هل سيتم تطبيق اتفاقية اغادير علي اسعار قطع الغيار ايضا بحيث تكون ارخص وبدون جمارك ايضا !؟!؟
3- ماهي عيوب العربية الحقيقة حتي الان من حيث الاداء؟؟
4- ماهو مدي انتشار الموزعين والتجار الخاصين بقطع غيارها؟؟ هل منتشرين ام محدودين ؟؟

شكرا لكم وفي انتظار ارائكم علي احر من الجمر لاتخاذ القرار فورا وشرائها ام تكون اللانوس افضل ؟!؟!؟

**Cell_k** · 29-05-2009 03:32 AM

السلام عليكم

أخى الكريم وفقك الله فى ما هو خير لك
القسم مليئ بمواضيع عن السيارة ممكن تبحث كل المواضيع و ستجد بإذن الله اجابات لكل تساؤلاتك فلا اكثر من مواضيع اللوجان الجديدة فى القسم...

تعقيبى فقط على كلام حضرتك عن الاختيار بين اللانوس و اللوجان !
أخى كنت فضل انك تقارن بينها و بين الفيرنا مثلا ... اللانوس عربية من رأى الشخصى لا شكلا و تحملا ناهيك عن شكلها الذى لم يتغير من سنة 1998 غير التصميم الداخلى للسيارتين و التابلوه و فرق الرفاهيه و التصميم الانيق الراقى لصالح اللوجان انا ركبت السيارتين لكن لم اقود اللوجان لكن احساسك فى اللوجان انك فى سيارة متميزة لم تغفل 1سم دون ابداع و اناقة عكس اللانوس اللى من رأى عربية و خلاص للى بيركب عربيات ... فكر فى اختيارات أخرى مع اللانوس لانك ظلمتها مع اللوجان .
رأى الشخصى فقط عن الشكل الخارجى و الصالون الداخلى لكن بالنسبة للمقارنة الكاملة اتمنى وحوشنا يفيدوك اكثر

**mindvision** · 29-05-2009 03:38 AM

المشاركة الأصلية كتبت بواسطة cell_k

السلام عليكم

أخى الكريم وفقك الله فى ما هو خير لك
القسم مليئ بمواضيع عن السيارة ممكن تبحث كل المواضيع و ستجد بإذن الله اجابات لكل تساؤلاتك فلا اكثر من مواضيع اللوجان الجديدة فى القسم...

تعقيبى فقط على كلام حضرتك عن الاختيار بين اللانوس و اللوجان !
أخى كنت فضل انك تقارن بينها و بين الفيرنا مثلا ... اللانوس عربية من رأى الشخصى لا شكلا و تحملا ناهيك عن شكلها الذى لم يتغير من سنة 1998 غير التصميم الداخلى للسيارتين و التابلوه و فرق الرفاهيه و التصميم الانيق الراقى لصالح اللوجان انا ركبت السيارتين لكن لم اقود اللوجان لكن احساسك فى اللوجان انك فى سيارة متميزة لم تغفل 1سم دون ابداع و اناقة عكس اللانوس اللى من رأى عربية و خلاص للى بيركب عربيات ... فكر فى اختيارات أخرى مع اللانوس لانك ظلمتها مع اللوجان .
رأى الشخصى فقط عن الشكل الخارجى و الصالون الداخلى لكن بالنسبة للمقارنة الكاملة اتمنى وحوشنا يفيدوك اكثر

للااسف اخي العزيز، قمت بالاستفسار اكثر من مرة في اكثر من موضوع ولم يقم بالرد اي احد !!!
لذا قمت بعمل هذا الموضوع لاتاحة فرصه اكبر لمشاركة جميع الوحوش في الاجابة عن استفساراتي التي لم يجب عليها احد !!!
اما عن المقارنة بين اللانوس واللوجان من حيث الشكل الخارجي والداخلي والتقفيل فلا غبار علي شياكة واناقة اللوجان.... لذا فاستفساري عن الفرق بين الاداء بين العربيتين

**chato_eg** · 29-05-2009 09:59 AM

المشاركة الأصلية كتبت بواسطة mindvision

1- ماهي اسعار قطع غيار اللوجان الان وليست منذ 2008 الموجودة في الموضوع الخاص بقطع غيار اللوجان في القسم... فماهي الاسعار الحالية !؟!؟
2- هل سيتم تطبيق اتفاقية اغادير علي اسعار قطع الغيار ايضا بحيث تكون ارخص وبدون جمارك ايضا !؟!؟
3- ماهي عيوب العربية الحقيقة حتي الان من حيث الاداء؟؟
4- ماهو مدي انتشار الموزعين والتجار الخاصين بقطع غيارها؟؟ هل منتشرين ام محدودين ؟؟

شكرا لكم وفي انتظار ارائكم علي احر من الجمر لاتخاذ القرار فورا وشرائها ام تكون اللانوس افضل ؟!؟!؟

لو عايز تعرف أسعار قطع الغيار النهاردة فى التوكيل....ببساطة ...ارفع سماعة التليفون و اطلب 16202 ....و قول لهم أنا حاجز اللوجان و لا لسه شاريها و لا ليا واحد صاحبى عنده لوجان و عايز أعرف أسعار كذا و كذا

اتفاقية أغادير دى على السلع إللى يا إما منتجة داخل الدول موضع الاتفاقية يا إما على الأقل 40 % من المنتج مكون محلى من إحدى هذه الدول.....فرضا الزجاج الأمامى صناعة مغربى... ليه مش هتطبق عليه بنود الاتفاقية...و طبعا ده استنتاج منى ليس أكثر...لو فى حد على دراية بحقيقة الأمور يكون أحسن..

لا تحاول مقارنة انتشار الموزعين و قطع الغيار بتاعت اللوجان بالعربيات إللى بقى لها فى السوق سنين طويلة....اللوجان على الرومانى لسه جديدة فى السوق....لا لحقت تبيع و تنتشر و لا أصبح فى طلب على حاجتها علشان المستوردين يجيبوها....

لكن لو عايز تأخذ فكرة عن مدى انتشار حاجة عربية زى الميجان مثلا إللى بقى لها 4 أو 5 سنين فى السوق....راجع الموضوع المثبت " كل ما تريد معرفته عن الميجان "...مع الوقت أكيد اللوجان هتبقى زى الميجان و الكليو و يمكن أكتر كمان و خصوصا إن الاقبال عليها كويس جدا بالنسبة لماركة مش منتشرة أوى فى السوق زى دايو و هيونداى مثلا

بالنسبة لموضوع المقارنة مع اللانوس ...شوف...كفاية إنها مش مجمعة فى مصر...بالنسبة لى دى نقطة مهمة...

**Amr_Moh** · 29-05-2009 10:17 AM

عليكم السلام يا أخي الفاضل

من وجهة نظري، نتيجة الظروف المحيطة ماشفت بشكل عام أي إرتفاع في أسعار قطع الغيار فالسوق

حسب معلوماتي قطاع الغيار جمركها بسيط "تقريباً ٢ ٪" يعني بأغادير زي منغيرها

أداء العربية الأفضل يتكلم عليه ملاكها،، علماً بأنا تستخدم جيل سابق من محركات ميجان

أنا مش حؤول على لانوس وحشة بالعكس أنا شايفها عربية عملية جداً و حرام اأول علها وحشة لمجرد اني مش بحبها مثلاً

الحتة ده فايدك انتا عايز تركب حاجة موديل ٢٠٠٩ ولا معندكش مانع تركب عربية موديل ١٠ سنين فاتو

متنساش الاستخارة ----- بتوفيق

**أبو أدم** · 29-05-2009 11:54 AM

و عليكم السلام و رحمة الله وبركاته و مغفرته و رضوانه

أخى هل راجعت هذا الموضوع
http://www.nilemotors.net/Nile/showt...t=41196&page=8
تجد غايتك

وهنا

**أبو أدم** · 29-05-2009 11:59 AM

وهنا فى أخ معاه لانوس و لوجان .... بيتكلم بحياديه __ على الفطرة اسمه ( يوسف )

شوف بيقول ايه

http://www.nilemotors.net/Nile/showthread.php?t=74683

انشاء الله تجد ضالتك

واستخير المولى عز وجل

**mindvision** · 29-05-2009 12:37 PM

شكرا للمشاركة من الجميع، ولكن...
سؤال من ضمن الاسئلة التي لم يتم الاجابة عليها ايضا واريد معرفتها كما اراد صاحبها...

انا ليا نفس الاستفسار بردة لان فى ناس كانت بتشتكى ساعات من الدواسات او الصوت او من الفتيس بتاع العربية ارجو ا منكم توضيح المعلومة

فما هي حقيقة هذه المشكلة وهل يعلم عنها اي مالك للوجان!؟!

**mindvision** · 30-05-2009 10:48 PM

انا ليا نفس الاستفسار بردة لان فى ناس كانت بتشتكى ساعات من الدواسات او الصوت او من الفتيس بتاع العربية ارجو ا منكم توضيح المعلومة

يبدو ان الموضوع حقيقي لعدم تاكيد نفيه من اصحاب اللوجان المختفيين حتي الان !!!!

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص لمشاركات الأدارة
الرجاء مراجعة قوانين المنتدى
_______________________________________________
مشرف القسم

**Ahmed Selim** · 31-05-2009 10:13 AM

المشاركة الأصلية كتبت بواسطة mindvision

يبدو ان الموضوع حقيقي لعدم تاكيد نفيه من اصحاب اللوجان المختفيين حتي الان !!!!

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص لمشاركات الأدارة
الرجاء مراجعة قوانين المنتدى
_______________________________________________
مشرف القسم

يا باشا الموضوع مفتوح من يومين بس.....و ويك أيند يعنى ممكن تكون ناس مسافرة و ممكن تكون ناس مش بتدخل من البيت...........و مع ذلك الرد كان قدامك فى موضوع تانى أنت مشارك فيه

المشاركة الأصلية كتبت بواسطة hesham_tawfiq

السلام عليكم
انا هردعلى 3 استفسارات من اللى حضرتك قولتهم
صوت الماتور عالى نسبيا دا صحيح انما مش لدرجة الازعاج ومش هتلاحظه الا والعربيه واقفه.
الزنه اللى بتروح مع دوسة الدبرياج موجوده فعلا
بالنسبه لاستهلاك البنزين هى مش عالى ولا حاجه ( الاسبوع اللى فات سافرت اسكندريه ورجعت بيها ب تلتين تفويله ) وكان متوسط الاستهلاك عالشاشه 5.8 لتر / 100 كيلو مع ملاحظه انى كنت سايق بسرعه ثابته طول الطريق لظروف الطريق نفسه 100ك/ الساعه والتكييف كنت مشغله وانا راجع برضه طول الطريق والماتور مكنش متأثر الحمد لله
وبرضه بالنسبه لمعدل استهلاك البنزين دا مبتوصللوش الا بعد اول 2000 كيلو اما جوه المدينه فالمعدل مع التكييف بيوصل 7.2 لتر لكل 100 كيلو
بالنسبه لموضوع السنتر فانا عربيتى السنتر شغال على الخمس ابواب انما مش عارف ظروف المغربى ايه ( انا عربيتى الرومانى معايا من سنه )

https://www.nilemotors.net/Nile/77749-a.html