الموضوع: سؤال مهم جدا جدا عاوز اجابة علية

المشاركة الأصلية كتبت بواسطة shadyemad

قرأت يوم الخميس الماضى فى عدد جريدة الجمهورية الصادر بتاريخ 25/6/2009 عن لسان أحد مسؤلى الجمارك أنة سيتم من أول يناير تخفيض قيمة جمارك السيارات الأوربية المنشأ بقيمة 10% سنويا من أول 2010 الى 2019
المهم معنى الكلام أن العربيات اللوجان الرومانى السيدان هينزل من عليها الجمارك وبما أن هى عليها جمارك 40% يعنى فى خلال أربع سنوات هيكون العربيات دى بتدخل بدون جمرك
السؤال بقى لما توكيل رينو دخل العربيات اللوجان صناعة المغرب قال للناس العربيات ستباع من 56000 الى 67000 حسب ال option وعلشان كدة يا جماعة أحنا كان عندنا كام عربية رومانى هنضطر لتخفيض سعرهم من 70000 وهنبيعهم بسعر العربيات المغربى يعنى كان الفرق بين العربيات الرومانى والمغربى 3000 جنية فقط
هل ال 40 % لما تحذف من قيمة جمارك العربيات الرومانى مستقبلا هتبقى قيمة ال 40% 3000جنية
وتتباع العربية الرومانى مثل العربية المغربى بالضبط
طبعا مش منطقى أبدا أن قيمة ال 40 % هما ال 3000 جنية ولو قيمة العربية الرومانى أصبحت أرخص من العربية المغربى يبقى التوكيل هيجيب مغرب لية أو لو أصبحت العربية الرومانى أرخص بعد حذف ال40% دة هيكشف أن توكيل رينو كان مغالى فى السيارة اللوجان المغرب زى ما الناس ما بتقول وتبقى الناس كدة فقدت مصداقية كلام التوكيل وانهم تعرضوا لعملية نصب
وسلم لى على الترماى
أة على فكرة فية عربية ثانية اسمها لوجان mcv 7 راكب عربية رهيبة
لما ينزل عليها تخفيض 40% ثمنها هيبقى فى حدود 70000 جنية يبقى العربية اللوجان السيدان
راحت فى الكازوزة وشكرا

أما فما يخص الجزئية الثانية من الاستفسار والتي تتناول محاولات الربط بين سعر اللوجان المغربي الواردة حديثاً دون جمارك مقارنتاً بنظيرتها الروماني في ظل الاتفاقية المبرمة مع الأولى

أود أن احيطك علماً بان هذا السؤال موجة خصيصاً للطالب المتميز ، فانصحك عدم اهدار الوقت في محاولات الوصول للمعادلة الرياضية المستخدمة في تحديد العلاقة السعرية بين المجمركة والأخرى الواردة من دون


اه الكلام الكبير الانا بالو ده

عشان تستريح .. اسهلك تعمل سيرش عن مشاركة سابقة أعتقد كانت لشاركي عن أسعار العربية فالمغرب
وقارنها بالسعر فمصر .. وسعتها حدد بنفسك إذا كان التوكيل نصاب ولا نزيه

تحياتي