خبراء mp3 modulator

**smsmsmsm1983** · 03-07-2009 12:28 AM

اشتريت mp3 modulator ولى ملاحظة انه ما بيشغلش الاغانى بالترتيب يا ترى هو كدة سليم ولا بايظ

**MoToRiZeR** · 03-07-2009 11:20 PM

هتلاقي نظام التشغيل بس مضبوط علي random أو التشغيل العشوائي
دور في الكتالوج إزاي يتم ضبطه و حوله إلي normal

**amrico** · 05-07-2009 03:33 PM

عن خبرة في الحاجات دي الجهاز ده بيشغل الأغاني بطريقة مرتبة بس بناء على اسبقية النسخ في الفلاشة اللي راكبة
يعني لو مثلا بتنسخ البومين في وقت واحد هايبدأ يشغل الأغاني اغنية من دا على اغنية من التاني حسب اللي نزل على الفلاشة الأول
وفي بعضهم بيبدأ في التشغيل من الأقدم للأحدث وبعضهم من الأحدث للأقدم
والفروق كلها بتبقى ثواني بين نسخ الأغاني

حاول تنسخ البوم البوم وبلاش كله مرة واحدة

وعشان تتأكد من كلامي
هات الفلاشة وركبها في جهاز الكمبيوتر
اعمل نظام العرض للملفات بنظام details
وبعدين اعمل arrange icons by modified
هاتلاقي الأغاني مترتبة بالترتيب اللي بتسمعهم بيه في العربية
امسحهم ونزلهم بالترتيب اللي على مزاجك

**smsmsmsm1983** · 05-07-2009 06:58 PM

شكر على الرد ولكن انا ناسخ البوم ثم البوم

**amrico** · 06-07-2009 09:38 AM

بصراحة مش عارف اقولك ايه
اصل انا كان عندي نفس المشكلة وبعدين بعد تجارب اكتشفت انه بيرتبهم بترتيب النسخ

جايز اللي عندك فيه تضبيط زي Motorizer ماقالك، الله اعلم
جرب وقولنا

**wael6** · 23-03-2010 03:03 PM

عندى مشكلة فى الصوت خاصة بام بي ثري الولاعه بيفصل عند اى هزه للعربيه والكهربائي بيقولى كهربة العربية عاليه ومش هتنفع معاك هل ده له حل ام لا مع العلم انى جربت 3 ام بي ثري ونفس النتيجه والجديد كمان انى كنت بشغل التلفون على شريط ام بي ثري وبقا بيفصل زى ام بي ثري الولاعه (( هل كهربة العربية ممكن توطى شوية وتتظبط الولاعه وطقم الصوت ولا توطيتها هيأثر على سحبها )) ارجو الافادة