مبروك عليك مقدما أحلى عربية فى النيسان وخليفة التيدا بس على اوبشن اكتر شوية
متستعجلش كالعادة وتروح تستلم وخلاص
شوية نصائح بسيطة
1-إتأكد إن كل الجنوط سليمة ومش فيها أى خبطات وكمان الإستبن والعدة والكوريك وإتأكد إن الاستبن سليم
2-بتستلم مع العربية كتابين كتاب المالك وكتاب الصيانة اللى هتستخدمه من اول صيانة الالف
3-خلى عينك حساسة شوية بالنسبة للالوان والخدوش ولف على العربية كلها
4-خد حقك منهم (ستارة خلفية وشماسة ومثلث عاكس وطقم دواسات). اللى تطلع بيه فايده بس هما بيبقا عندهم كل حاجة
5-لو لقيت حاجة مش مقتنع بيها فى العربية اوعى تستلم لانك لو استلمت شكرا ياباشا ضيعت حقك بايدك
ومحدش يقنعك لو فيه صوت او عيب ان ده هيروح مع الوقت او هيتحل فى صيانة الالف لان بعد مابتستلم العربية محدش بيعرفك
6- بص على عداد الكيلومتر يستحسن متكونش عاملة اكتر من 30-40 كم دول حركة العربية فى الميناء محدش يقنعك باى حاجة تانية
وألف مبروك علي النيسان
المفضلات