ابيع الفرنا و اشترى لادا نيفا ؟؟؟؟؟؟

**atamim** · 06-08-2009 02:50 AM

دى اول مشاركة ليا فى قسم اللادا

طبعا حاسس ان الى قرء العنوان جالة حالة ذهول :b4_237:

بس لو عرفت السبب بطل العجب

انا دائما كنت بحب العربيات العالية : الفرنا واطية لدرجة لو 2 مليانين او 3 قاعدين وراء ممكن قوى تحك فى المطبات و حصل لى كذا مرة

مصدات العربية : دائما كنت بحب الاكصدامات الخارجية القديمة بحس بيها انها قوية و خبطت و انا بالفرنا فى عربية تانية الاكصدام عندى اتعوج و دخل على جوة

التحميل : انا اكبر ارتفاع لصندوق اقدر احطة فى الفرنا عندى حوالى 35 سم يعنى لو تلفزيون او ما شابة مستحيل اقدر انقلة لازم اجيب تاكسى او عربية ربع نقل

اوبشن : دلوقتى اى عربية نقدر نركب فيها التكييف اليابانى و ازاز كهرباء و سنتر و انذار و كلهم معاهم ضمان

المساحة : الفرنا تعتبر ديقة شوية و النيفا طبعا اديق بس طالما ديق ب ديق يبقى خلاص

قطع الغيار :الاتنين متوفرين بس عموما اللادا اى حد يقدر يصلحها و ممكن احطلها ماتور تانى لو حبيت

الانسيابية : لو روشتها شوية حتكون زى الفل

فرق السعر : طبعا فرق كبير قوى بيع عربية ثمنها يترواح بين 15 الف و عربية ب حاجة و 50 الف

البنزين : حقدر احط بنزين 80 مش مضطر احط بنزين 90 او 92

السحب : فى التانى السلامة و فى العجلة النداية و كفاية لحد سرعة 100 مش محتاج اكتر

الفتيس : هو اى يمكن 4 سرعات بس سمعت ان بعضهم فية فتيس غرز يعنى كانى راكب عربية 4*4

الخبطات : طبعا الفرنا موديل جد يد و عربية زى الورق اى خبطة حتزعل قوى اما النيفا فحتستحمل و تتصلح بكل سهولة
يا ريت حد ينصحنى انا بشوف عربيات بتتشد جامد قوى و بتكون زى الفبريكا

الركنه حاسس ان حجم النيفا اصغر شوية هل دا صحيح ولا خداع نظر؟

**M.FOUAD** · 06-08-2009 11:26 AM

تفكير منطقي و سليم لكن لو قلت كدة لحد هيضحك عليك نظرة الناس للعربية بتاثر على تفكيرنا و دة اللي مخلي عربيات ورق تمشي في مصر و مطلوبة و عربيات تانية زي الادا غير مرغوب فيها مع ان المفروض العكس
بس خلي بالك العربية اللي هتجيبها طبيعي هتبقى عايزة مصاريف كثير و هتبهدلك شوية و تضيع وقتك
مع اني من الناس اللي بتشجع العربيات النيفا لكن انا بقولك الجديد احسن في الراحة و قلة المصاريف و العربيات الفيرنا عربيات ممتازة جايز بيعيبها ان صاجها ضعيف لكن فية مميزات تانية زي التكييف مثلا و موتور قوي جدا و صالون مريح و اذا كان على البنزين سواقين التاكسي مشغلينها 80 عادي
مفيش حد هيقدر يجمع كل المميزات اللي محتاجها في عربية واحدة

**x_gomgom** · 06-08-2009 12:28 PM

انا اولاً و قبل اي شيء لا اقلل من شأن الادا النيفا ولا اتهكم مع العلم اني مالك سيارتين لادا....
مينفعش اللي بتقول عليه و اللي انت بتقوله!!! مفيش اي وجه للمقارنه بين السيارتين و لا اي اشتراك في السمات!!!
صحيح الادا قطع غيرها رخيصه و ااي حد بيصلحها و بنزين 80 و ب 50 جنيه تظبطها لكن عنك عيوب برضه تخلي بالك منها...
اولا مش سياره عائليه نهائي و عفشتها قاسيه وليست للاستخدام داخل المدينه كمان عايز اقولك ان عيب الادا الازلي الفتيس و مجموعه الدبيرياج و الكرونه بعد عمر طويل....
و في كلام غريب انت قلته من شويه 4 سرعات و يمكن 4*4 !!! هي بالفعل دفع رباعي و من وحوش الدفع و بشهاده خبراء...
كمان 4 غيارات!! دا انت ناوي على موديل 80 ولا حاجه انت كده شكلك اشتقت لوقفه الميكانيكي و الاعطال...
شوف لو عايز تركب نيفا نطيفه مش اقل من 92 و بصراحه انا شايف انك مش محتاج النيفا قوي الا لو كان بالفعل شق كبير من استخدامك في الجبل او وحدات في الصحراء....
الفيرنا برضه بالمقارنه بالنيفا ليها مزايا و تتفوق في بعض النواحي الفرق في النعومه و قله عدد الاعطال (متقنعنيش ان عربيه موديل 2004 هتعطل زي عربيه موديل 90!!) و طبعا تكييف و باور و مساحه داخليه اوسع...
الصراحه و من الاخر كل عربيه من دول اتجاه مختلف تماما و لو انت بتبط علي بنزين 80 و الفرق في السعر و انت هتستخدمها استخدام عادي هتخسر و حتندم..
لو شغلك تحميل و مدقات و عايز عربيه تفوت في الحديد يبقي الادا و هتدعيلي...
يا رب اكون افدت

**محمد جلال** · 06-08-2009 11:29 PM

اهلا بيك فى قسمنا العزيز

[justify] حضرتك بتتكلم فى فئتين مختلفتين من السيارات الفيرنا 1600 سى سى عربية ناعمة وانسيابية وكمالياتها ممتازة اعطال اقل سيدان عائلية يعيبها قربها من الارض ودى فعلا مشكلة قطع الغيار والصيانة اكيد اعلى واغلى من النيفا - التيفا الجديد 1700 سى سى انجكشن تاخذ بنزين 80 متقولش لأ عربية قوية مناسبة جداً للطرق المصرية وكمالياتها كويسة تكييف باور سنتر وفتيس غرز عفشتها كويسة والعربية عالية عن الارض مفيش كلام قطع غيار رخيصة والصيانة فى المعقول بس مش عائلية لانها بابين مشكلة انك تحط حاجة فيها ومش مريحة زى ما حضرتك متخيل هى تنفع للاستعمال المهنى فقط للصحراء والطرق القاسية انما لعائلة صعب وحتى شكل العربية من الداخل فرق بين دى ودى النيفا شكلها يسد النفس من جوه يبقى اقتراحى ليك انك تبيع الفيرنا وهات افيو فيها اللى بتدور عليه عالية عن الارض وعربية ممتازة اثبتت نجاحها فى السوق المصرى وذات اعتمادية عالية بس هات الكورى وده راى المتواضع وربنا يوفقك للافضل.[/justify]

**ahmad--ezzat** · 07-08-2009 06:49 PM

المشاركة الأصلية كتبت بواسطة tamergalal

[justify]افيو فيها اللى بتدور عليه .[/justify]

ياراجل حرام عليك...انت ليه عايزه يأجر اوضه فى التوكيل ويعيش معاهم ودة بسبب سوء الصناعه وعيوب التقفيل وغيره وغيره اللى هتظهرله كل يوم....الفيرنا احسن من الافيو بمراحل

انا راى..لو الفيرنا مدايئاك اوى كدة بص على ال 2107 الجديده...اهى عائله شويه عن النيفا

**محمد جلال** · 10-08-2009 08:42 PM

المشاركة الأصلية كتبت بواسطة ahmed20_08nubira

ياراجل حرام عليك...انت ليه عايزه يأجر اوضه فى التوكيل ويعيش معاهم ودة بسبب سوء الصناعه وعيوب التقفيل وغيره وغيره اللى هتظهرله كل يوم....الفيرنا احسن من الافيو بمراحل

انا راى..لو الفيرنا مدايئاك اوى كدة بص على ال 2107 الجديده...اهى عائله شويه عن النيفا

يا سيدى انا لا عايز له اللى انت بتقوله ولا حاجة بس بقول رأى ولأنى شايف العربية وناوى اجيب واحدة الكورى مشاكله مش زى ما حضرتك بتقول واكيد مارضاش الضرر للغير وده مجرد ابداء رأى ولكل رأيه واتمنى له الاحسن وشكراً .

**x_gomgom** · 11-08-2009 02:29 PM

عامه مهما كان البديل و للفرنا لا تصلح المقارنه اطلاقاً بينها و بين النيفا او ال 2107....
الادا عامه بشهاده الجميع سياره ليها سمعه غنيه عن التعريف و معروفه من قديم الزمان ...
انت احتياجاتك فقط هي اللي تحكم اذا كانت النيفا مناسبه لك ام لا لكن متقولش لحد قارنلي بين النيفا و الفرنا او ما شابه ذلك..
مع احترامي للسيارات المذكوره جميعاً..
شكراً

**beshir** · 01-09-2009 03:36 PM

المشاركة الأصلية كتبت بواسطة Ahmed20_08nubira

ياراجل حرام عليك...انت ليه عايزه يأجر اوضه فى التوكيل ويعيش معاهم ودة بسبب سوء الصناعه وعيوب التقفيل وغيره وغيره اللى هتظهرله كل يوم....الفيرنا احسن من الافيو بمراحل

انا راى..لو الفيرنا مدايئاك اوى كدة بص على ال 2107 الجديده...اهى عائله شويه عن النيفا