المساعدة في تحديد سعر ريو 2004 1500 سي سي مش فابريقة

**msafa** · 01-09-2009 10:19 PM

السلام عليكم
معروض علية عربية كيا ريو 2004 موتور 1500 سي سي سودا فوا اوبشن بالازاز و المرايات كهربا الشيب الجديد

العربية حالة موتورها 75% و حالتها ممتازة بس يعيبها انها مخبوطة و مرشوشةفي الكارتيرة (مش عارف يعني ايه كارتيرة) و الباب و الرفرف مرشوشين من جوة يعني مش فابريقة بالكامل

هي عاملة 125000 و صاحبها بيتكلم في 43500

انا شايفها كويسة بس كل الناس حذرتني من موضوع الفابريقة ده و اخوكم مستجد

الف شكر مقدماُ

**mxz911** · 01-09-2009 10:23 PM

يا باشا انت بالسعر ده نفسه تجيب نفس العربيه وفابريكه بالكامل

دى سعرها هينزل مش اقل من 10 الاف جنيه

وسيب الخبراء برضه يسعروهالك لكن ده رأى حسب ما شوفت بيع وشراء السيارات لفتره كبيره

**the_mhz** · 02-09-2009 01:55 AM

علي اعتبار انها منيول .... و علي اعتبار حالة السوق النايم و علي الحالة اللي حضرتك بتتكلم فيها ديه لو انت كرمت الراجل تديلو 38 الف ...... متنساش ان باردو عدادها مش قليل

هو انا مش خبير في السوق اوي بس انا بقولك السعر ده عشان انا كنت بدور علي العربيه ديه و شوفت كتير بس لسه متوفقتش لغايه دلوقتي و بعدين علي فكره العربيه ديه 1400 سي سي مش 1500

**moudy88** · 02-09-2009 03:41 AM

الموديل ده اسمه كيا كواترو ..وهي تختلف اختلاف بسيط جدا في الشكل عن موديل 2001 ..وبتنزل 1500 سي سي وكامله (مرايات وزجاج وكاسيت سي دي وفرش جلد وجنوط سبور ) ...وكان معروض عليا عربيه زيها موديل 2004 وكانت فابريقه بره وجوه وحالتها ممتازه وكان لونها فيراني وصاحبها كان عايز فيها 45 الف جنيه

**M.FOUAD** · 02-09-2009 01:59 PM

هو السعر العادل ليها لو فابريقة بالكامل 40-42 الف قيس عى كدة العربية اللي معاك
و انا رايي حتى لو صاحبها موافق على 35 مثلا بردة ابعد عن العربية دية خبطة الكارتيرة دية متعرفش عملت اية في العفشة

**msafa** · 02-09-2009 08:19 PM

والله يا جماعة الف شكر لردكم و بناء على اجماع الاراء انا مش هشتري العربية و هشوف حاجة تانية ان شاء الله
انا دعبست على النت لقيته عرضها الاول ب 53 الف و بعدين ب 50 الف و بعدين ب 48 الف و اخيرا ب 44 الف

اتا قدامي لانسر 99 بيتكلم في 45000 فول اوبشن فابريقة برة و جوة و لسه معمولها صيانة
هشوفها و اقولكم الرد برضه

**M.FOUAD** · 02-09-2009 09:03 PM

المشاركة الأصلية كتبت بواسطة msafa

والله يا جماعة الف شكر لردكم و بناء على اجماع الاراء انا مش هشتري العربية و هشوف حاجة تانية ان شاء الله
انا دعبست على النت لقيته عرضها الاول ب 53 الف و بعدين ب 50 الف و بعدين ب 48 الف و اخيرا ب 44 الف

اتا قدامي لانسر 99 بيتكلم في 45000 فول اوبشن فابريقة برة و جوة و لسه معمولها صيانة
هشوفها و اقولكم الرد برضه

مش دية ال1500 خليجي لونها فيراني انا رايي بردة تبعد عنها لانها هتدوخك في قطع غيارها كل الكريستالة اللي نزل مصر 1300