الموضوع: ازاى انزل من اوروبا بالعربية اقضى الاجازة فى مصر

السلام عليكم ورحمة الله وبركاته
فعلا هذا النظام اسمه نظام التربتيك او نظام الافراج المؤقت عن السيارات وهذا الموقع خاص بالافراج الجمركى وارجو ان يساعدك فى فهم الموضوع موقع مصلحة الجمارك المصرية
بالنسة للسفن حضرتك ممكن تشوف اى توكيل ملاحى بالاسكندرية او بورسعيد يكون عنده سفينة جاية من هناك ويشحنهالك عليها, ودة برضة موقع لتوكيل ملاحى ببورسعيد واسمه توكيل فيلكس الملاحى ولو عايز تقدر تشرفنى فى بورسعيد وانا هدلك على اماكن التوكيلات المحلية بس للاسف انا مليش خبرة فى التعامل معاهم وارجو ان اكون قد افدتك.

بص يا سيدى .... العربيه لازم تبقى بأسم صاحبك اولا ....
تانى حاجه يروح لأقرب نادى سيارات يجيب من عنده دفتر تريبتك ...لأن هنا فى مصر ممكن يكتبوه ايصالات امانه على الأبيض و ياخدوا منه تأمين قد كده فى قد كده علشان يضمنوا انه يطلع بيها بره مصر تانى .
بالنسبه للشحن هى ممكن تتحط فى كونتينر 20" قدم و فيه خطوط ملاحه كتير و اشهرهم فى فرنسا اسمه CMA-CGM
و الرابط هو http://www.cma-cgm.com/
و فى الأخر العمليه دى هاتكلفه كتير جدا ,,,, يعنى بدل دا كله ممكن يأجر عربيه الفتره اللى هو قاعدها هنا فى مصر و يريح دماغه من وجع الدماغ الرهيب اللى هايشوفه و ممكن الأجازه تخلص و تكون العربيه لسه فى وسط البحر و المركب اتأخر على الوصول و علشان يدور على مستخلص يدبحه فى الأسعار و فيلم هو فى غنى عنه .

A7'OOK
SHERIF